الموضوع: كلام كتير عن الصني الجديدة ...هو ده اللي في بالك.؟؟

بسم الله الرحمن الرحيم


يشرفني الانضمام لصقور نيسان أصحاب أشهر وأحسن تجمع لمالكي سيارات في مصر على الإنترنت, بجد بقالي سنين متابع لكل ما ينشر هنا وأرفع القبعة تحية واحتراماً لكل من كتب وساعد وساهم في وصول المنتدى للمكانة العالية دي


والحمدلله رب العالمين استلمت عربيتي النيسان صني الجديدة , وكان ليا عدة ملاحظات, مش على العربية, بل على المناخ العام المصاحب لحجز واستلام العربية:



1- اتضح ان الإشاعات هواية عند البعض, وغريزة عند البعض الآخر, ولكن عند ناس تانيين تعتبر الإشاعات كالماء والهواء , ومايقدروش يعيشوا من غيرها !! ....وده يتضح من كم "الإفتاء" في أسباب التأخير ومميزات وعيوب العربية وينسحب الأمر على مصداقية الوكلاء أو الموزعين, ومحتاجين وقفة حاسمة مع النفس علشان نوصل للحقيقة الكاملة في الموضوع.



2- أنا كنت حاجز من نص يونيو الماضي, واستلمت آخر يوليو, أي نعم كان المفروض انتظر 15 يوم فقط, لكن الموضوع وصل 45 يوم, وخلينا نتكلم بالعقل والمنطق:

• دي عربية منافسة جداً, إمكانياتها وحجمها بالإضافة للاسم العريق لنيسان يضعها في منافسة حادة وشرسة مع سيارات أخرى, قد تكون السيارات الأخرى أفضل في الشكل - ماحدش يقدر ينكر- وكمان فيها شوية أوبشنز أو شكل تابلوه, ولكن يبقى التحدي النهائي للسلعة المعمرة نفسها, المحرك والأمان, وبالطبع عن جدارة تتفوق نيسان على الكل , مقارنة بالسعر الحالي للسيارة, ولو نلاحظ ان كل توكيل بينزل الموديل الجديد بفرق كبير في السعر , لكن نيسان تقريباً بنفس سعر الشكل القديم مع اختلاف جذري في المحرك, العزل, التعليق, الوزن, الشكل, والاتساع الداخلي.

• الكلام ده أدى إلى أن بمجرد الإعلان عن فتح باب الحجز, امتلأت قوائم الانتظار وأصبح إنتاج المصنع مباع بالكامل لمدة شهور عديدة قدام بإذن الله, وده شئ يحسب لنيسان انها قدرت تبيع عربياتها قبل ماتنتجها, رغم ما قد يسببه للبعض من شعور بالإحباط نظير انهم مش قادرين يجيبوا عربية هما أحبوها وعايزينها ودافعين لها مقدم حجز.

• كالعادة ظهر تجار الحرب ومستغلي الظروف, يقوللك العربية اللي بـ 100 ألف ممكن تاخدها بـ 103 أو أكتر, لكن بضاعتي حاضرة وتقدر تشيل كمان يومين, وده بيشجع البعض على اتباع منهج السوق السوداء في الشراء, على الرغم انه كدة بيضر آلاف الغلابة الحاجزين للعربية.

• وتظهر حرب الشائعات: - العربية هاتغلى....الحق احجز
• الموديل الجديد من الفئة الأعلى نازل شهر 10, ماتحجزش
• أصل المصنع مش بينتج وموقف إنتاج بقاله كام يوم
• أصل فيه عربيات معيوبة واتسحبت من السوق, إوع تاخدها واشتري من عندي.

إلى آخره من الشائعات العادية, والمضحكة, والسخيفة في أحيان أخرى



يبقى خلونا نتكلم بشكل منطقي ومحايد, ونعرف اللي لينا واللي علينا في وضع غريب بيفكرنا بالناس اللي كانوا بيحجزوا تلاجات إيديال سنة 60 علشان يستلموها بعد سنتين تلاتة

• أول حاجة: المصنع له طاقة إنتاج, والطاقة الإنتاجية المعلنة وقت إنشاء المصنع كانت 10 آلاف عربية في السنة (السنة بحالها), يعني لو المصنع اشتغل كل يوم من غير أجازات رسمية ولا غير رسمية, يبقى بينتج تقريباً في اليوم 27 عربية, وهو بالتأكيد رقم أقل من المبيعات اليومية للسيارة.

• تاني حاجة: المصنع مش بينتج كل إنتاجه من الموديل, والأوبشنز, واللون ولون الفرش اللي سيادتك عايزه( بالمناسبة: مصر كلها حاجزة برونزي وفيراني) , يبقى بالتأكيد هايحصل تأخير في الاستلام مع الأخذ في الاعتبار كبر حجم الحجوزات ومحدودية إنتاج المصنع وتعدد الموديلات والأوبشنز والألوان, وتذبذب حصة كل موزع أو وكيل, لأن فيه ناس ممكن ياخدوا تريللا كاملة في يوم ويوم تاني ماياخدوش حاجة خالص.

• لازم ناخد في الاعتبار ان صناعة السيارات صناعة ضخمة, تعتمد على نوعية أخرى اسمها "الصناعات المغذية", يعني فيه مورد متخصص لتوريد الاكصدام وواحد تاني لفوانيس الشبورة وواحد تالت للكاسيت وواحد رابع للفرش وهكذا....وكل الناس دي مش شغالة زي الساعة, يعني بيحصل تأخير من جهتهم يأثر على توقيت إنتاج المنتج النهائي, ومن رابع المستحيلات ان نيسان بكل جودتها واحترامها لتاريخها تسلمك عربية ناقصة كراسي مثلاً , وبالتالي ماحدش هايستلم عربيته إلا لما تكون كل مكوناتها حاضرة ويكون فحص الجودة أكد ان دي عربية سليمة آمنة تتركب بدون خوف.

• الوكلاء والموزعين عندهم مسئولي مبيعات, ومسئول المبيعات من مصلحته انك تشتري, ومن مصلحته - في بعض التوكيلات المحترمة - انك تستلم, لأنك لو ماستلتمتش عربيتك هو مش هاياخد عمولته ومش هايقبض آخر الشهر ...وبالتالي هايسعى زيك تمام انك تستلم في معادك.

• مهنة المبيعات مهنة متعبة, مرهقة, مربحة جداُ, لكنها في أحيان كثيرة يدخلها مدعي العلم والفهم, والفهلوة بتكون غالبة في أوقات كتير....ومسئول المبيعات بيكون تحت مطرقة المصنع اللي إنتاجه مش مكفي البيع, وبين سندان العميل اللي عمال يزن عليه عايز استلم عايز استلم ....فبيضطر بكل بساطة انه يخترع أي سبب لتبرير تأخير الاستلام, والأسباب دي هاتتراوح بين ان المصنع موقف إنتاجه (يعني نيسان قافلة , بس بشكل غير مباشر)......أو ان كان فيه ألوان تانية غير اللي انت طالبها, أو ان طلع فيه عربيات معيوبة وسحبوها !! وده طبعاً سبب مش مقنع لطفل صغير.

• المفروض ان المصنع - زي أي مصنع تاني - له فترة صيانة وعمرات للماكينات وخطوط الإنتاج, وان له 15 يوم أجازة سنوية - غالباً في شهر أغسطس - ولكن خلينا نفكر بالعقل, مديري المصانع ومخططي الإنتاج ناس لها عقل, مش هايسيبوا هذا الكم الهائل من الحجوزات ويروحوا يقولوا (نيسان قافلة !!! ) ...زي ما بعض الإخوة البياعين بيخترعوا, عموماً ده شأن داخلي للمصنع والإدارة تتصرف فيه كيفما ترى, انما احنا لينا تحديد توقيتات معينة للحجز والاستلام, ومع ازدياد الحجز هاتلاقي الاستلام وصل لحد شهر نوفمبر القادم إن شاء الله

عموماً العربية ما هي إلا دابة مخلوقة علشان راحتك, ودي نصيب وقدر, ماتلومش حد ولا حتى نفسك انك لما رحت تحجز قالولك شهر 11 , لأ ده نصيبك لأن كتير قبلك كان نصيبهم الاستلام قبلك أو بعدك علشان ده المعاد اللي حجزوا فيه, ولا حيلة في الرزق

• أرجو ما نذكرش حد بالاسم ونقول عليه ده راجل وحش وكذا وكذا, حط نفسك مكانه الأول وتخيل كم الضغط اللي عليك وانك عايز تريح العملاء بتوعك ولو حتى بكلمة حلوة, علشان تعرف هو عمل كدة ليه, وده طبعاً مش بيعفي أي حد من الخطأ لو كان كذب عليك أو اداك معلومات مغلوطة.

• كواحد من الناس اللي كانوا حاجزين, حاسس كويس ازاي بتكون على نار, وازاي منتظر موبايلك يرن في أي لحظة يقولولك تعال استلم, وازاي بتحس بالإحباط كل ليلة لما تيجي تنام وكان المفروض تكون مستلم وماستلمتش....بس حط في بالك ان ده نصيبك ورزقك, وماحدش عارف كان ممكن يحصل إيه.....بس فعلياً ياجماعة ماحدش ينتظر انه يستلم بدري لأن كم الحجوزات كبير ماشاء الله, مهما وعدوك ومهما عملولك البحر طحينة, وكمان راقب اللون اللي انت حاجزه, البرونزي والفيراني مطلوبين بشدة, وكمان الفرش الأسود مطلوب جداً, وكدة كدة طالما انت هاتغير الفرش لما تشتريها, ماتدققش على لون اللي جاي من المصنع, واستلم اللي قدامك وبعد كدة يحلها ربنا. وطالما انت عايز تكون متفرد بعربيتك, وكل الحجز على الفيراني والبروزني....خدلك لون تاني غيرهم لأن خلال الأربع شهور الجاية هاتلاقي شوارع مصر مليانة فيراني وبروزني

• الاستلام: العربية اللي كنت حاجزها كانت برونزي أو فيراني (باختار لونين علشان لو وصل حد فيهم الأول تستلم بدري) .... فضلت مستني.....مستني....مستني....مست� �ي....لدرجة اني خللت, كنت محتاجها قبل رمضان علشان كرم الأخلاق البالغ اللي بيعاملنا بيه قائدي التاكسي وسائقي الميكروباص في رمضان , وازاي بيبالغوا في احترامنا وإكرامنا وتوفير كل "سبل الراحة" في الشهر الكريم

المهم...كلمني التوكيل وقاللي عندي عربية دهبي مش بتاعت حد, تاخدها؟ قلت له لو كانت حتى محمحي...الحقني بيها, وطلع اللون الدهبي حلو والله ومريح في الشمس


استلمتها وشيكت عليها -واستفدت بموضوع الأستاذ أحمد مصطفى ربنا يكرمه بكل خير عن تليين العربية واستلامها - , وطلعت على المرور....ترخيصها أول مرة بالفحص بالتأمين في المرور بطفاية الحريق بإكرامية الراجل اللي طلع معايا وصلت حوالي 780 جنيه....لازم تعمل حسابك على كدة علشان ماتتزنقش في وقت حرج زي ده (ده بالنسبة لترخيص سنة واحدة).



الأداء:


بسم الله ماشاء الله, ربنا يبارك فيها وفي كل من اشتراها وحجزها واستلم - أو لسة مستني يستلم - , العربية مريحة جداً في القعدة - علشان العبد لله طويل - ومريحة للركاب ورا .... التانك بييجي فيه حوالي 6 لتر بنزين ...لما فولتها عملت معايا حوالي 430 كيلو بملية تانك واحدة !! وده كله لسة في التليين ...الاستهلاك بعد الفترة دي بيتحسن الحمدلله. الفرامل ممتازة وقوية وجديرة بالاعتماد عليها, ولازم اوضح ان العربية دي مش بتاعت غرز ولعب وجري وسط العربيات, هي أصلح شئ كسيارة عائلية للسفر والقيادة الهادئة, التسارع فيها مش عالي, لكن ممكن العداد يجري منك وانت مش حاسس علشان هدوء صوت المحرك ممكن يخدعك !



صوت الموتور: بيكون واضح ومسموع بشكل بسيط في أول 150 كيلو ...بعد كدة كنت ماشي على 100 وحاسس ان الموتور مش شغال !!! الحركة دي تؤكد ان الموتور ده نيسان ياباني


التكييف: انا من معارضي الناس اللي بتقول ماتشغلش التكييف أول 1000 كيلو ...ببساطة المانيوال مش مذكور فيه غير انك ماتعديش 4000 لفة موتور, مش انك ماتشغلش التكييف !! الحاجة الوحيدة اللي تخليك ماتشغلش التكييف دي كانت في العربيات القديمة, اللي كان التكييف لوحده بيستهلك ألف لفة من موتور المحرك وبيسبب إجهاد للعربية في المطالع والطرق السريعة, أما التكييف بتاع النيسان صني الجديدة فهو راقي وخفيف بس صوته عالي شوية بداية من السرعة التانية للتكييف. بالتأكيد بعد التليين ان شاء الله يتحسن الأداء بتاعه.



الثبات: العربية بالرغم من ان عرض الكاوتش بتاعها مش قد كدة, بس ثباتها عالي على الملفات, والنقشة اللي على سقف العربية بتساهم في ان الهواء يضغط العربية على الطريق كأنها عربية ثقيلة الوزن وثابتة جداً...وهي كذلك بالفعل بالرغم من خفة وزنها مقارنة بالموديل الأقدم من نيسان صني.



جسم السيارة : الكاوتش بيلم حصى صغير على الطريق, وناوي ان شاء الله أغيره بعد 40 ألف كيلو لأني من النوع اللي ممكن يخلصهم في خمس شهور ! .... الحركة بتاعت الحصى الصغير بتخليك تسمع طقطقة في الأبواب اللي ورا في بعض الأحيان, ودي مش حاجة مقلقة بس علشان الطوب بيخبط في العربية من تحت, كان نفسي يكون لها دلايات من الخلف علشان تحمي صاج العربية من الكلام الفارغ المشهورة بيه شوارعنا العامرة !!!



الكماليات: العادي في العربيات المحترمة : الزجاج الكهربائي عند قائد السيارة قابل للبرمجة بحيث من ضغطة واحدة يطلع لوحده أو ينزل لوحده للآخر .... القفل المركزي قابل للبرمجة انك تخليه يقفل أوتوماتك بعد ماتوصل سرعة العربية 10 كيلو ...ممكن تخليه يفتح أوتوماتك أول ماتشيل المفتاح من الكونتاكت, ممكن تلغي الكلام ده كله (ولو ان القفل الأوتوماتك أصبح مهم جداً الأيام دي على الطرق, الأفضل ماتخليهوش يفك القفل أوتوماتك أول ماتبطل) .....


ممكن تروح تجيب بـ 40 جنيه وصلة بلوتوث تشغل عليها موبايلك وانت سايق...أعتقد الأوبشن دي بيحطوها في العربيات الهاي لاين وترفع السعر وهي بـ 40 جنيه بس !

علشان تعوض ان السي دي بتاع العربية مش بيشغل فلاشات, هاتلك وصلة بتركب على الولاعة بتلاتين جنيه ولا حاجة....كان من الأفضل ان نيسان تراعي الحاجات البسيطة دي, اللي أحياناً بتضايق ناس كتير, بس احنا مصريين وعندنا نعرف نتصرف في كل حاجة


الراديو بيشتغل من غير إيريال في المدينة عادي...فمش محتاج تتعب نفسك وتفك وتركب كل مرة انت بتستعمل فيها عربيتك, فقط على الطرق السريعة زي المحور والصحراوي ممكن تحتاجه, رغم ان عربية موديل 2013 ماكانش يصح يتحط فيها إيريال بيتفك ويتركب من النوع اللي بيشرحوا بيه خرايط الجغرافيا !!!


فكرة عداد البنزين وحساب المسافة المتبقية لحد ما التانك يخلص فكرة ممتازة, ولكن لا أنصح بالاعتماد عليها في الأماكن البعيدة والصحراوية, لأن كل الحاجات دي معتمدة في الآخر على عوامة البنزين في التانك, هي تدي للكومبيوتر مستوى البنزين في التانك وهو يقوم بالباقي, وبالتالي لو حصل لها ثقب وبدأت تغرق في البنزين ممكن تديك ان التانك فاضي, والعكس لو علقت, ساعتها تقف في الشارع تغني ظلموه !!...دايماً خلي حسابات بنزينك على أساس المسافة اللي انت مشيتها (طوالي/في الزحمة) وانت تعرف بعد كدة بنزينك يكفيك لحد فين, ماتاخدش على دلع العربية :)




أرجو أكون قدرت أوصل كل اللي بيدور جوة معظم الناس اللي حاجزة, وهما حاسين بإيه دلوقتي , وأرجو منهم الصبر والاحتمال...لأن ده نصيب ورزق, والمنطق بيقول ان مصنع له طاقة مش هايقدر يلبي طلباتك في التو واللحظة....لو كنت محتاج عربية حالاً ومش قادر تعيش من غيرها , فأعتقد ان النيسان صني خلال 2012 مش هاتكون عروس الأحلام بالنسبة لك, لأ لازم تنتظر عليها لحد ما أهلها يقدروا يجهزوهالك , لأن الوضع الحالي مزدحم ومكتظ بحجوزات ناس كتير زيك...فماتحاولش انك تاخد مكان قبلهم في الطابور لأنك بكدة هاتاخد حق ناس منتظرين من قبلك وعندهم نفس اللي انت حاسس بيه ويمكن أكتر....


ملحوظة: كان دفعة الحجز ألف جنيه...دلوقتي علشان المعرض يربطك بياخد أكتر ...من ألفين لحد عشرة, فياريت لو عندك نية انك ماتنتظرش لحد نهاية العام ان شاء الله انك ماتقعش في الفخ وترمي فلوس كتير في يد معرض مش هايعمل أي حاجة بيهم لحد نهاية السنة...ويذلك وخلاص بالقرشين اللي انت سايبهم معاه


يا يعاملك باحترام وياخد المقدم العادي الألف جنيه...ياتشوف واحد غيره وماتقعش في فخ انه يمسكك من إيدك اللي بتوجعك, علشان تكون معاك حرية الحركة لو ذوقك اتغير ومابقتش السيارة ترضيك وفكرت في عربية تانية, أغلب الناس الغاضبين بيوصلوا لدرجة الإساءة والتجريح في نيسان ووكلاءها وحتى حائزي العربية....فحاول ماتوصلش للدرجة دي بإيدك



ربنا يبارك فيها ويرزقنا خيرها ويكفينا شرها...ويهون مرار الانتظار على كل من حجز ولسة ماستلمش....



وباقول للمنتظرين كلهم : العربية جديرة بالانتظار , والعربية هاتتأخر , والمصنع مش بيستهبل, والإشاعات مالية السوق, والعربية كويسة جداً فعلياً, وماتشجعش تجار الحرب, وطاقة الإنتاج محدودة...والحاجزين كتير....والعربية بتتجمع في مصر, ومكوناتها من دول كتير أولهم اليابان وآخرهم مصر, كل حاجة بتيجي من حتة, وجودة التقفيل هي جودة نيسان,


وحاول بس تعرف كام واحد قبلك , واحجز عند حد محترم له سمعة طيبة علشان مايلعبش في عداد الحجوزات ويدي العربية للي يغمزه بقرشين ....نظام فوتله بريزة يا معلمي



كفاية قوي كدة ...وأعتقد ان الكلام ده كافي لكل التساؤلات الدائرة في دماغنا كلنا



سلام عليكم

المشاركة الأصلية كتبت بواسطة the_air_devil

بسم الله الرحمن الرحيم


يشرفني الانضمام لصقور نيسان أصحاب أشهر وأحسن تجمع لمالكي سيارات في مصر على الإنترنت, بجد بقالي سنين متابع لكل ما ينشر هنا وأرفع القبعة تحية واحتراماً لكل من كتب وساعد وساهم في وصول المنتدى للمكانة العالية دي


والحمدلله رب العالمين استلمت عربيتي النيسان صني الجديدة , وكان ليا عدة ملاحظات, مش على العربية, بل على المناخ العام المصاحب لحجز واستلام العربية:



1- اتضح ان الإشاعات هواية عند البعض, وغريزة عند البعض الآخر, ولكن عند ناس تانيين تعتبر الإشاعات كالماء والهواء , ومايقدروش يعيشوا من غيرها !! ....وده يتضح من كم "الإفتاء" في أسباب التأخير ومميزات وعيوب العربية وينسحب الأمر على مصداقية الوكلاء أو الموزعين, ومحتاجين وقفة حاسمة مع النفس علشان نوصل للحقيقة الكاملة في الموضوع.



2- أنا كنت حاجز من نص يونيو الماضي, واستلمت آخر يوليو, أي نعم كان المفروض انتظر 15 يوم فقط, لكن الموضوع وصل 45 يوم, وخلينا نتكلم بالعقل والمنطق:

• دي عربية منافسة جداً, إمكانياتها وحجمها بالإضافة للاسم العريق لنيسان يضعها في منافسة حادة وشرسة مع سيارات أخرى, قد تكون السيارات الأخرى أفضل في الشكل - ماحدش يقدر ينكر- وكمان فيها شوية أوبشنز أو شكل تابلوه, ولكن يبقى التحدي النهائي للسلعة المعمرة نفسها, المحرك والأمان, وبالطبع عن جدارة تتفوق نيسان على الكل , مقارنة بالسعر الحالي للسيارة, ولو نلاحظ ان كل توكيل بينزل الموديل الجديد بفرق كبير في السعر , لكن نيسان تقريباً بنفس سعر الشكل القديم مع اختلاف جذري في المحرك, العزل, التعليق, الوزن, الشكل, والاتساع الداخلي.

• الكلام ده أدى إلى أن بمجرد الإعلان عن فتح باب الحجز, امتلأت قوائم الانتظار وأصبح إنتاج المصنع مباع بالكامل لمدة شهور عديدة قدام بإذن الله, وده شئ يحسب لنيسان انها قدرت تبيع عربياتها قبل ماتنتجها, رغم ما قد يسببه للبعض من شعور بالإحباط نظير انهم مش قادرين يجيبوا عربية هما أحبوها وعايزينها ودافعين لها مقدم حجز.

• كالعادة ظهر تجار الحرب ومستغلي الظروف, يقوللك العربية اللي بـ 100 ألف ممكن تاخدها بـ 103 أو أكتر, لكن بضاعتي حاضرة وتقدر تشيل كمان يومين, وده بيشجع البعض على اتباع منهج السوق السوداء في الشراء, على الرغم انه كدة بيضر آلاف الغلابة الحاجزين للعربية.

• وتظهر حرب الشائعات: - العربية هاتغلى....الحق احجز
• الموديل الجديد من الفئة الأعلى نازل شهر 10, ماتحجزش
• أصل المصنع مش بينتج وموقف إنتاج بقاله كام يوم
• أصل فيه عربيات معيوبة واتسحبت من السوق, إوع تاخدها واشتري من عندي.

إلى آخره من الشائعات العادية, والمضحكة, والسخيفة في أحيان أخرى



يبقى خلونا نتكلم بشكل منطقي ومحايد, ونعرف اللي لينا واللي علينا في وضع غريب بيفكرنا بالناس اللي كانوا بيحجزوا تلاجات إيديال سنة 60 علشان يستلموها بعد سنتين تلاتة

• أول حاجة: المصنع له طاقة إنتاج, والطاقة الإنتاجية المعلنة وقت إنشاء المصنع كانت 10 آلاف عربية في السنة (السنة بحالها), يعني لو المصنع اشتغل كل يوم من غير أجازات رسمية ولا غير رسمية, يبقى بينتج تقريباً في اليوم 27 عربية, وهو بالتأكيد رقم أقل من المبيعات اليومية للسيارة.

• تاني حاجة: المصنع مش بينتج كل إنتاجه من الموديل, والأوبشنز, واللون ولون الفرش اللي سيادتك عايزه( بالمناسبة: مصر كلها حاجزة برونزي وفيراني) , يبقى بالتأكيد هايحصل تأخير في الاستلام مع الأخذ في الاعتبار كبر حجم الحجوزات ومحدودية إنتاج المصنع وتعدد الموديلات والأوبشنز والألوان, وتذبذب حصة كل موزع أو وكيل, لأن فيه ناس ممكن ياخدوا تريللا كاملة في يوم ويوم تاني ماياخدوش حاجة خالص.

• لازم ناخد في الاعتبار ان صناعة السيارات صناعة ضخمة, تعتمد على نوعية أخرى اسمها "الصناعات المغذية", يعني فيه مورد متخصص لتوريد الاكصدام وواحد تاني لفوانيس الشبورة وواحد تالت للكاسيت وواحد رابع للفرش وهكذا....وكل الناس دي مش شغالة زي الساعة, يعني بيحصل تأخير من جهتهم يأثر على توقيت إنتاج المنتج النهائي, ومن رابع المستحيلات ان نيسان بكل جودتها واحترامها لتاريخها تسلمك عربية ناقصة كراسي مثلاً , وبالتالي ماحدش هايستلم عربيته إلا لما تكون كل مكوناتها حاضرة ويكون فحص الجودة أكد ان دي عربية سليمة آمنة تتركب بدون خوف.

• الوكلاء والموزعين عندهم مسئولي مبيعات, ومسئول المبيعات من مصلحته انك تشتري, ومن مصلحته - في بعض التوكيلات المحترمة - انك تستلم, لأنك لو ماستلتمتش عربيتك هو مش هاياخد عمولته ومش هايقبض آخر الشهر ...وبالتالي هايسعى زيك تمام انك تستلم في معادك.

• مهنة المبيعات مهنة متعبة, مرهقة, مربحة جداُ, لكنها في أحيان كثيرة يدخلها مدعي العلم والفهم, والفهلوة بتكون غالبة في أوقات كتير....ومسئول المبيعات بيكون تحت مطرقة المصنع اللي إنتاجه مش مكفي البيع, وبين سندان العميل اللي عمال يزن عليه عايز استلم عايز استلم ....فبيضطر بكل بساطة انه يخترع أي سبب لتبرير تأخير الاستلام, والأسباب دي هاتتراوح بين ان المصنع موقف إنتاجه (يعني نيسان قافلة , بس بشكل غير مباشر)......أو ان كان فيه ألوان تانية غير اللي انت طالبها, أو ان طلع فيه عربيات معيوبة وسحبوها !! وده طبعاً سبب مش مقنع لطفل صغير.

• المفروض ان المصنع - زي أي مصنع تاني - له فترة صيانة وعمرات للماكينات وخطوط الإنتاج, وان له 15 يوم أجازة سنوية - غالباً في شهر أغسطس - ولكن خلينا نفكر بالعقل, مديري المصانع ومخططي الإنتاج ناس لها عقل, مش هايسيبوا هذا الكم الهائل من الحجوزات ويروحوا يقولوا (نيسان قافلة !!! ) ...زي ما بعض الإخوة البياعين بيخترعوا, عموماً ده شأن داخلي للمصنع والإدارة تتصرف فيه كيفما ترى, انما احنا لينا تحديد توقيتات معينة للحجز والاستلام, ومع ازدياد الحجز هاتلاقي الاستلام وصل لحد شهر نوفمبر القادم إن شاء الله

عموماً العربية ما هي إلا دابة مخلوقة علشان راحتك, ودي نصيب وقدر, ماتلومش حد ولا حتى نفسك انك لما رحت تحجز قالولك شهر 11 , لأ ده نصيبك لأن كتير قبلك كان نصيبهم الاستلام قبلك أو بعدك علشان ده المعاد اللي حجزوا فيه, ولا حيلة في الرزق

• أرجو ما نذكرش حد بالاسم ونقول عليه ده راجل وحش وكذا وكذا, حط نفسك مكانه الأول وتخيل كم الضغط اللي عليك وانك عايز تريح العملاء بتوعك ولو حتى بكلمة حلوة, علشان تعرف هو عمل كدة ليه, وده طبعاً مش بيعفي أي حد من الخطأ لو كان كذب عليك أو اداك معلومات مغلوطة.

• كواحد من الناس اللي كانوا حاجزين, حاسس كويس ازاي بتكون على نار, وازاي منتظر موبايلك يرن في أي لحظة يقولولك تعال استلم, وازاي بتحس بالإحباط كل ليلة لما تيجي تنام وكان المفروض تكون مستلم وماستلمتش....بس حط في بالك ان ده نصيبك ورزقك, وماحدش عارف كان ممكن يحصل إيه.....بس فعلياً ياجماعة ماحدش ينتظر انه يستلم بدري لأن كم الحجوزات كبير ماشاء الله, مهما وعدوك ومهما عملولك البحر طحينة, وكمان راقب اللون اللي انت حاجزه, البرونزي والفيراني مطلوبين بشدة, وكمان الفرش الأسود مطلوب جداً, وكدة كدة طالما انت هاتغير الفرش لما تشتريها, ماتدققش على لون اللي جاي من المصنع, واستلم اللي قدامك وبعد كدة يحلها ربنا. وطالما انت عايز تكون متفرد بعربيتك, وكل الحجز على الفيراني والبروزني....خدلك لون تاني غيرهم لأن خلال الأربع شهور الجاية هاتلاقي شوارع مصر مليانة فيراني وبروزني

• الاستلام: العربية اللي كنت حاجزها كانت برونزي أو فيراني (باختار لونين علشان لو وصل حد فيهم الأول تستلم بدري) .... فضلت مستني.....مستني....مستني....مست� �ي....لدرجة اني خللت, كنت محتاجها قبل رمضان علشان كرم الأخلاق البالغ اللي بيعاملنا بيه قائدي التاكسي وسائقي الميكروباص في رمضان , وازاي بيبالغوا في احترامنا وإكرامنا وتوفير كل "سبل الراحة" في الشهر الكريم

المهم...كلمني التوكيل وقاللي عندي عربية دهبي مش بتاعت حد, تاخدها؟ قلت له لو كانت حتى محمحي...الحقني بيها, وطلع اللون الدهبي حلو والله ومريح في الشمس


استلمتها وشيكت عليها -واستفدت بموضوع الأستاذ أحمد مصطفى ربنا يكرمه بكل خير عن تليين العربية واستلامها - , وطلعت على المرور....ترخيصها أول مرة بالفحص بالتأمين في المرور بطفاية الحريق بإكرامية الراجل اللي طلع معايا وصلت حوالي 780 جنيه....لازم تعمل حسابك على كدة علشان ماتتزنقش في وقت حرج زي ده (ده بالنسبة لترخيص سنة واحدة).



الأداء:


بسم الله ماشاء الله, ربنا يبارك فيها وفي كل من اشتراها وحجزها واستلم - أو لسة مستني يستلم - , العربية مريحة جداً في القعدة - علشان العبد لله طويل - ومريحة للركاب ورا .... التانك بييجي فيه حوالي 6 لتر بنزين ...لما فولتها عملت معايا حوالي 430 كيلو بملية تانك واحدة !! وده كله لسة في التليين ...الاستهلاك بعد الفترة دي بيتحسن الحمدلله. الفرامل ممتازة وقوية وجديرة بالاعتماد عليها, ولازم اوضح ان العربية دي مش بتاعت غرز ولعب وجري وسط العربيات, هي أصلح شئ كسيارة عائلية للسفر والقيادة الهادئة, التسارع فيها مش عالي, لكن ممكن العداد يجري منك وانت مش حاسس علشان هدوء صوت المحرك ممكن يخدعك !



صوت الموتور: بيكون واضح ومسموع بشكل بسيط في أول 150 كيلو ...بعد كدة كنت ماشي على 100 وحاسس ان الموتور مش شغال !!! الحركة دي تؤكد ان الموتور ده نيسان ياباني


التكييف: انا من معارضي الناس اللي بتقول ماتشغلش التكييف أول 1000 كيلو ...ببساطة المانيوال مش مذكور فيه غير انك ماتعديش 4000 لفة موتور, مش انك ماتشغلش التكييف !! الحاجة الوحيدة اللي تخليك ماتشغلش التكييف دي كانت في العربيات القديمة, اللي كان التكييف لوحده بيستهلك ألف لفة من موتور المحرك وبيسبب إجهاد للعربية في المطالع والطرق السريعة, أما التكييف بتاع النيسان صني الجديدة فهو راقي وخفيف بس صوته عالي شوية بداية من السرعة التانية للتكييف. بالتأكيد بعد التليين ان شاء الله يتحسن الأداء بتاعه.



الثبات: العربية بالرغم من ان عرض الكاوتش بتاعها مش قد كدة, بس ثباتها عالي على الملفات, والنقشة اللي على سقف العربية بتساهم في ان الهواء يضغط العربية على الطريق كأنها عربية ثقيلة الوزن وثابتة جداً...وهي كذلك بالفعل بالرغم من خفة وزنها مقارنة بالموديل الأقدم من نيسان صني.



جسم السيارة : الكاوتش بيلم حصى صغير على الطريق, وناوي ان شاء الله أغيره بعد 40 ألف كيلو لأني من النوع اللي ممكن يخلصهم في خمس شهور ! .... الحركة بتاعت الحصى الصغير بتخليك تسمع طقطقة في الأبواب اللي ورا في بعض الأحيان, ودي مش حاجة مقلقة بس علشان الطوب بيخبط في العربية من تحت, كان نفسي يكون لها دلايات من الخلف علشان تحمي صاج العربية من الكلام الفارغ المشهورة بيه شوارعنا العامرة !!!



الكماليات: العادي في العربيات المحترمة : الزجاج الكهربائي عند قائد السيارة قابل للبرمجة بحيث من ضغطة واحدة يطلع لوحده أو ينزل لوحده للآخر .... القفل المركزي قابل للبرمجة انك تخليه يقفل أوتوماتك بعد ماتوصل سرعة العربية 10 كيلو ...ممكن تخليه يفتح أوتوماتك أول ماتشيل المفتاح من الكونتاكت, ممكن تلغي الكلام ده كله (ولو ان القفل الأوتوماتك أصبح مهم جداً الأيام دي على الطرق, الأفضل ماتخليهوش يفك القفل أوتوماتك أول ماتبطل) .....


ممكن تروح تجيب بـ 40 جنيه وصلة بلوتوث تشغل عليها موبايلك وانت سايق...أعتقد الأوبشن دي بيحطوها في العربيات الهاي لاين وترفع السعر وهي بـ 40 جنيه بس !

علشان تعوض ان السي دي بتاع العربية مش بيشغل فلاشات, هاتلك وصلة بتركب على الولاعة بتلاتين جنيه ولا حاجة....كان من الأفضل ان نيسان تراعي الحاجات البسيطة دي, اللي أحياناً بتضايق ناس كتير, بس احنا مصريين وعندنا نعرف نتصرف في كل حاجة


الراديو بيشتغل من غير إيريال في المدينة عادي...فمش محتاج تتعب نفسك وتفك وتركب كل مرة انت بتستعمل فيها عربيتك, فقط على الطرق السريعة زي المحور والصحراوي ممكن تحتاجه, رغم ان عربية موديل 2013 ماكانش يصح يتحط فيها إيريال بيتفك ويتركب من النوع اللي بيشرحوا بيه خرايط الجغرافيا !!!


فكرة عداد البنزين وحساب المسافة المتبقية لحد ما التانك يخلص فكرة ممتازة, ولكن لا أنصح بالاعتماد عليها في الأماكن البعيدة والصحراوية, لأن كل الحاجات دي معتمدة في الآخر على عوامة البنزين في التانك, هي تدي للكومبيوتر مستوى البنزين في التانك وهو يقوم بالباقي, وبالتالي لو حصل لها ثقب وبدأت تغرق في البنزين ممكن تديك ان التانك فاضي, والعكس لو علقت, ساعتها تقف في الشارع تغني ظلموه !!...دايماً خلي حسابات بنزينك على أساس المسافة اللي انت مشيتها (طوالي/في الزحمة) وانت تعرف بعد كدة بنزينك يكفيك لحد فين, ماتاخدش على دلع العربية :)




أرجو أكون قدرت أوصل كل اللي بيدور جوة معظم الناس اللي حاجزة, وهما حاسين بإيه دلوقتي , وأرجو منهم الصبر والاحتمال...لأن ده نصيب ورزق, والمنطق بيقول ان مصنع له طاقة مش هايقدر يلبي طلباتك في التو واللحظة....لو كنت محتاج عربية حالاً ومش قادر تعيش من غيرها , فأعتقد ان النيسان صني خلال 2012 مش هاتكون عروس الأحلام بالنسبة لك, لأ لازم تنتظر عليها لحد ما أهلها يقدروا يجهزوهالك , لأن الوضع الحالي مزدحم ومكتظ بحجوزات ناس كتير زيك...فماتحاولش انك تاخد مكان قبلهم في الطابور لأنك بكدة هاتاخد حق ناس منتظرين من قبلك وعندهم نفس اللي انت حاسس بيه ويمكن أكتر....


ملحوظة: كان دفعة الحجز ألف جنيه...دلوقتي علشان المعرض يربطك بياخد أكتر ...من ألفين لحد عشرة, فياريت لو عندك نية انك ماتنتظرش لحد نهاية العام ان شاء الله انك ماتقعش في الفخ وترمي فلوس كتير في يد معرض مش هايعمل أي حاجة بيهم لحد نهاية السنة...ويذلك وخلاص بالقرشين اللي انت سايبهم معاه


يا يعاملك باحترام وياخد المقدم العادي الألف جنيه...ياتشوف واحد غيره وماتقعش في فخ انه يمسكك من إيدك اللي بتوجعك, علشان تكون معاك حرية الحركة لو ذوقك اتغير ومابقتش السيارة ترضيك وفكرت في عربية تانية, أغلب الناس الغاضبين بيوصلوا لدرجة الإساءة والتجريح في نيسان ووكلاءها وحتى حائزي العربية....فحاول ماتوصلش للدرجة دي بإيدك



ربنا يبارك فيها ويرزقنا خيرها ويكفينا شرها...ويهون مرار الانتظار على كل من حجز ولسة ماستلمش....



وباقول للمنتظرين كلهم : العربية جديرة بالانتظار , والعربية هاتتأخر , والمصنع مش بيستهبل, والإشاعات مالية السوق, والعربية كويسة جداً فعلياً, وماتشجعش تجار الحرب, وطاقة الإنتاج محدودة...والحاجزين كتير....والعربية بتتجمع في مصر, ومكوناتها من دول كتير أولهم اليابان وآخرهم مصر, كل حاجة بتيجي من حتة, وجودة التقفيل هي جودة نيسان,


وحاول بس تعرف كام واحد قبلك , واحجز عند حد محترم له سمعة طيبة علشان مايلعبش في عداد الحجوزات ويدي العربية للي يغمزه بقرشين ....نظام فوتله بريزة يا معلمي



كفاية قوي كدة ...وأعتقد ان الكلام ده كافي لكل التساؤلات الدائرة في دماغنا كلنا



سلام عليكم

مع احترامى لوجهة نظرك ولكلامك كله الى حضرتك قولته يندرج تحت بند (الحجج الواهيه) عشان كده النجاح ليه ناسه والفشل ليه ناسه والفشل تتعدد اسبابه ويظل الفشل قائم والنجاح ناتج عن آليه عمليه محترمه ماشيه زى الساعه ومعمول فيها حساب كل حاجه ده شغل مصنع كبير مش دكانه وللاسف هيا دى مصر