مش هتخرج برضة
لان نقص المياة لمنسوب معين هيخلى مفيش ضغط كافى ان الطرمبة تطلع باقى المياة الموجودة
عرض للطباعة
كلام مش مظبوط اوي لان الطرمبة في اسفل مكاكن من الدورة ولكن الصح ان الثرموستات الميكانيكي مش هيفتح
الصح انك تسخن العربية قبل فتح عصفورة مياه الردياتير واول المراوح ما تشتغل افتح العصفورة والعربية دايرة مع ملاحظة امبير الحرارة بدقو وحتي انتهاء خروج المياه بطل العربية وسبها 3 ساعات تبرد وبعدين اقفل العصفورة ودور العربية وحط المياه الجديدة وعن تجربة ممكن توصل ل 6 لتر في هذه الطريقة
لا صح
لأن مش كل العربيات فيها عصفورة او حنافية الردياتير بالتالى صعب تخرج كل مياة الى جوا بلوك المتور يمكن يكون مستحيل
حتى الى موجود فيها العصفورة لازم يفضل مياة داخل غرف الماء داخل البلوك حوالين البساتم
لازم الضغط يتحقق علشان يحرك المياة ناحية الطرمبة و تكمل الدائرة
و فحالة انك بتفضى ماء فا مفيش ضغط و ولا ماء كافى يزق كل المياة
نعم في هذه الطريقة
الي بيزق المياه الطرمبة وخاصية الاواني المستطرقة
والطرمبة كما ذكرت لك سابقاً في اسفل جزء من الدورة
ثانياً انا لم اذكر انه بكدا هتفضي الدورة تماماً ولكن اكبر كمية ممكنة لان تفريغ الدورة تماماً يحتاج حل البلوك
طب يا استاذ طارق انا لقيت مياه اسبانى 5لتر زرقاء
تاكد انها اسباني لان الي اعرفه ان الاسباني هيا الايدا ولونها اخضر وتركيزها 5%
هى مش ايدا هى نوع تانى مكتوب عليه اسبانى طيب انت رايك الايدا كويسه ولا الموبيل افضل لانى سالت عليها لقتها ب67 جنيه ودى غليا اوى بس هى خضرا وان اعرف ان الميه الزرقاء للرداتير الالومنيوم افضل شور عليا
بلاش الموبيل مش هقولك علشان تركيزها عالي وهتبقي حامية علي الردياتير زي كل الناس ما بتقول ولكن
الهدف من المياه الخضراء الاستفادة من مكونتها وهي
1 - مياه مقطرة
2 - ايثلين جليكون (( مانع تجمد ))
3 - موانع صداء
احنا في مصر محتاجين رقم 1 و 3 اما رقم 2 مش فارقه معانا اوي ودي الي بتغلي سعر المياه كلما ذاد تركيزها
يبقي ليه ادفع كتير لما ممكن ادفع اقل مع نفس الاستفادة
الايديا بقاله سنتين عندي بدون مشاكل