ايه الفرق بين 318 & 320 في الهورس باور والسعه الللترية ونوع المكنةمن نفس الموديل ده e46 2002-2005
ايه الفرق بين 318 & 320 في الهورس باور والسعه الللترية ونوع المكنةمن نفس الموديل ده e46 2002-2005
بعد التحيه ،،
- ال e46 تجميع ابو الفتوح من 1999 حتى 2002 كلها كانت فقط 318 سواء base او high line
- من 1999 حتى 2001 المواتير 1800 سى سى/128 حصان
- من 2002 حتى 2005 المواتير 2000 سى سى/ 146 حصان/دبل vanos.
- لم يتم تجميع e46 320 فى مصر.
- البافاريه اول ما اخدت التوكيل 2004 جمعت شويه e46 318 و تم ترخيص البعض منها مو 2005 و المواصفات تماما مثل مو 2002.
- فقط E90 من 2006 كانت 320
تحياتى ...
إيه رأيك فى محركات البى إم بالنسبة لسعرها يعنى مثلا الفيات برافو 1400 سى سى المانيوال موتورها بيطلع 150 حصان وال 320 وشوف كام سى سى ومش بيطلع القدرة دى ليه البى إم مواتيرها كدا
منا عارف إنه تربو لكن أنا قصدى إزاى عربية بالسمعة دى والتكنولوجيا بتاع بى إم المعروفة وتنزل عربيات من غير تربو أو على الأقل بمواتير فيها تكنولوجيا تولد قدرة أعلى زى المحرك الجاما بتاع هيونداى مثلا ومع ذلك السعر فى العلالى والناس بتشترى عشان الإسم آه عارف شكل ابى إم مميز وإتزان وأمان بس دا ما يمنعش مع السعر دا إنها تنزل بمحرك جبار يعنى إنت يا يوكو باللينيا بتاعتك تسبق بى إم تمنا معدى ال 300 ألف !
بص يا باشا العربيات دي في اغلي من الموتور واغلي من كل شئ
انت !!!!!!
يعني حضرتك لقدر الله راكب بي ام انت في اقل الخسائر فهمتني الناس دي بتشتغل علي السفتي وطبعا غير الفخامه يعني حضرتك اللينيا بتاعت يوكو ركبت بي ام شوف الفرق بقئ مع احترامي لكل ملاك اللينيا اقولك علي حاجه تعالي اركب صندوق الجزم بتاعي (الشاهين) :B4_444: مرجيح يا عم الحاج :grinder:
بص يا باشا العربيات دي في اغلي من الموتور واغلي من كل شئ
انت !!!!!!
يعني لو راكب بي ام ولقدر الله حصل حادث انت هتطلع باقل الخسائر فهمتني الناس دي بتشتغل علي السفتي وطبعا غير الفخامه يعني حضرتك لو ركبت اللينيا بتاعت يوكو ركبت بي ام شوف الفرق بقئ مع احترامي لكل ملاك اللينيا اقولك علي حاجه تعالي اركب صندوق الجزم بتاعي (الشاهين) :b4_444: مرجيح يا عم الحاج :grinder:معلش يا باشا كنت بشيش ومستعجل علي 10 الضمنه
بعد التحيه ،
- اولا مقارنه بى-ام مع فيات او غيرها فى غير محلها ... و مش شطاره و لا تميز انك بعربيه ملهاش اسم كبير و بربع السعر تسبق بى-ام او مرسيدس .... و للعلم مواتير بى-ام هى من اقوه المواتير و اقلهم استهلاك للبنزين ... لكن الوكيل فى مصر منزل ال 320 e90 بموتور 155 حصان و هو ليس بالقليل - و كما قلت مرارا و تكرار لو اى مشترى ربنه كرمه و ميزانيته عاليه 100% بدون تفكير حيجيب بى-ام او مرسيدس حتى لو فيات مثلا عامله مواتير 1000 حصان و بعشر السعر .
- و لو الموضوع كده يبقى الفيرنا ام 65 الف جم ( مع احترامى الكامل لملاكها) افضل من الاوكتافيا الى ب 170 الف لانها تقدر تطلع منها ببساطه !!!
- الشكل الجديد F30 نازله بمواتير جديده ابتداء من 185 حصان ...
- و لو عايز القوه على حق عندك ال e90 330 موتورها 6 سلندر - 306 حصان من غير تربو - يعنى وحش beast و سعرها اليوم استعمال حاله الزيرو مو 2011 اقل من 320 الف - عايز اكتر من كده قوه ؟؟؟؟؟؟؟؟؟ و سعر ممتاز لانها زيرو كانت ب 460 الف.
- و عندك ال 535 الجديده f10 موتورها توين تربو twin turbo و معدى 400 حصان !!!
- و لو عايز اسرع ميد سيدان >>> m5 الجديده >>> 550 حصان :blabla:
تحياتى ...
مختلفتش معاك والله تعالا نحسبها عمليا الفيات شركة كبيرة ولا تقل عن البى أم دبليو بل أنا شايف إنها تتفوق عليها وتمتلك ماركات فارهة زى فيرارى وكذا ماركة تانية عالمية تيجى تركب البى إم عشان الفخامة والمظهر وإن كله هيشاور عليك وهيقول دا راكب بى إم والأمان ممتاز دا ما يمنعش إن اللينيا برضه فيها وسائل أمان ولكن هنا فى مصر لو قلت لحد فيات يضحك عليك مع إنه هو اللى مش فاهم تمام ؟ تيجى بقى تحسبها عمليا الفيات لينيا عربية موتورها تربو 1400 سى سى وموفر فى البنزين وقوى ويدلع ال 318 و 20 ع الطريق وبسعر أقل بكثير جديد ومستعمل سعره فى اليد برضه وراكب عربية تكنولوجيا عالية وفيها عوامل أمان وثبات وواسعة من جوا برضه واعتمادية وضرايب أقل يبقى مين تكسب ؟ أنا بقول بجانب كل المميزات اللى فى البى إم لو نزلت حتة موتور تربو 2000 سى سى عشان حتى يحللوا تمن العربية اللى ب نص مليون جنيه
- صحيح ان الفيات شركه اكبر من بى-ام كرأس مال فقط - لان فيات بتعمل كمان نقل خفيف و تقيل و تريلات iveco و القطارات و المترو ..... و كذلك تمتلك فيرارى لكن لا وجود الى اى علاقه بين فيرارى و فيات !!!
- و بالمثل بى ام مازالت لليوم تمتلك رولز رويس - و لكن لا علاقه بين بى-ام و رولز - و كانت بى-ام تمتلك جاجوار و باعتها الى فورد و اخيرا الى تاتا الهندى !!
- لكن فى مجال سيارات الركوب فيات هى فيات و بى-ام هى بى ام .... لا يوجد اى مقارنه طبعا ... ممكن تقولى ايه موديل فيات عملته يقترب من من الفئه الخامسه ؟؟؟ طبعا مفيش !!! مابالك ال 7 و m5 , m7 و الاكسات !!!!!!!!!
- اركن المواتير على جنب ، ممكن تقولى ايه تاريخ الموديل لينيا فى عالم السيارات ؟؟؟ طبعا مفيش و ممكن السنه الجايه متلاقيش منه مو 2013 و تلاقى اسم و مو تانى خالص !!! ممكن تقولى فين الفيات الريجاتا و الارجينتا و التمبرا و الاونو و .......... الان ؟؟؟
- الفئه الثالثه من 1974 حتى اليوم و ستظل .... يعنى تاريخ و يتم تطويره - ومثله باقى الفئات - و كذلك مرسيدس انجح مو ال e و هو من الخمسينات .
- هو ده ببساطه الفرق - التاريخ و العراقه..... و بالتالى مما يعكس فارق الاسعار - و للعلم مبيعات بى-ام و مرسيدس فى سيارات الركوب تكتسح مبيعات فيات بمراحل ....
- كذلك ماهى المنافس الاول المرسيدس سى c180 الجديده 150 حصان - فهل ده معنا ايضا ان الفيات لينيا افضل علشان مكن تدلعها على الطريق حسب تعبيرك و بربع سعرها ؟؟؟ !!!!
- و كمواتير فكما وضحت فى المداخله السابقه >>> بى-ام تمتلك و تطور اقوى مواتير بنزين و متميزه جدا فى مواتير الديزل ....
تحياتى ....
- ايضا كتفكير اقتصادى بسيط ... ممكن تقولى ان المبلغ الذى ستدفعه اليوم فى الينيا بعد كام سنه لما يتلغى تصنيعها مثل باقى موديلات فيات حتساوى كام و سوقها ايه ؟؟؟ اكيد حتبقه زى التمبرا و اخواتها ...
- http://www........cars.com/NewCars_M...=6&CarModel=-1
]دى اسعار فيات بتوصل ال 200 الف لل 500 الى قد اللعبه - ممكن اعرف ايه العبقريع الى فيها ؟؟؟ و هو ده عقل ؟؟؟ فيات ب 100 و 200 الف ؟؟؟ و بيحصل فى اى بلد فى الدنيا الا مصر !!!
تحياتى و رمضان كريم ...
شكرا جدا علي الاهتماااااام .... انا كنت عايز اعرف الفرق بين ٣١٨ و٣٢٠ في نفس الموديل اللي هوة ٢٠٠٣ مثلا يععن الموديل ده كان نازل منه في نفس الوقت ٣٢٠ و٣١٨ ايه الفرق في الهورس باور بين ال٣١٨ و٣٢٠ وهل اللتنين ٣١٨ و٣٢٠ موديل ٢٠٠٣ دبل كام ؟؟؟؟؟؟
كلامك عن فيات للأسف فيه معلومات غلط كتيييير
أما فيات 500 تبقى بالسعر ده أيوه لغنها بتنافس الميني كوبر هي صحيح الميني كوبر بكام؟
اما السيفتي فاللينيا بتنزل ب 6 إيرباج (عربيتي) ومش هتكلم على كميه انواع الحمايا الي في العربيات الاوروبي كلها مش الفيات بس
أنا معاك إن البي إم أحسن من الفيات كتوتل عربيه بس الفيات مش وحشه والفيات بتنافس البي إم بالألفا روميو بره (الالفا روميو بتنزل بنفس موتوري على فكره الي هو في فيات) ومش هقولك غن الالفا في ريفيوهات كتير بتطلع أحسن من البي إم
ومعظم التكنولوجيا الي في فيات فراري بتبقى مطوراها لنفسها في سبقات الf1 بعد كده بينقلوها للفيراري العادي والمازيراتي وبعد ما ترخص شويه بتتحط في الالفا واللانشيا وبعد سنه ولا إتنين تنزل في الفيات وبرده بتنزل في الفيات وبتبقى سابقة عصرها
ففيه علاقة بين الفيراري والفيات لكن مش مباشره
أما إنهم بيغيروا عربياتهم كل كام سنة فده التوكيل في مصر الي بيعملوا كده
البونتو من قديم الأزل لحد الأن بس إتطورت من بونتو لجراند بونتو لبونتو إيفو ورجع إسمها بونتو تاني دلوقتي
الللينيا ما هي الا جراند بونتو بشنطة (سيدان)
بي إم بتعمل العكس بتنزل سيدان بعد كده تنزل الكوبيه بتاعتها
البرافو هي هي البرافا بس الشكل الجديد
السيينا لسه بتتصنع وبتتباع في البرازيل والهند
الباليو نفس الكلام
فيه عربيات إيه تاني في فيات؟ وانا اقولك تارييخها
ال500 كانت موجوده زمان قبل ال128 كمان واتبدلت بال600 وبعد كده الشيكوشينتو مش معنى إنهم غيروا الإسم من موديل لموديل إنهم مش تكملة لبعض
وبعد كده رجعوا ال500 تاني عشان ينفسوا الميني
هما فكرهم كده كل فترة بيغيروا الغسم لكن هتلاقي العربيات مبنيه على بعض
الفيات باندا مبنيه على شاسيه الجراند بونتو بس عاليه وللطرق الوعرة بدل ما يقولوا جراند بونتو كروس زي ما فيه شريكات بتعمل
وموضوع قطع الغيار ده عندنا فعلا بس بسبب التوكيل الأهبل الي كل سنه يجيب عربيه ويجي السنه الي بعدها يبطل يجبها
اللينيا من 2006 لحد 2011 وبعد كده شكلها إتغير ولسه موجوده لكن التوكيل غبي متقومش جايبها في فيات
List of Fiat branded models which have won European Car of the Year:
- 1967: Fiat 124
- 1970: Fiat 128
- 1972: Fiat 127
- 1984: Fiat Uno
- 1989: Fiat Tipo
- 1995: Fiat Punto
- 1996: Fiat Bravo/Brava
- 2004: Fiat Panda
- 2008: Fiat 500
متكلمتش على الفا ولا أي حاجة تانيه
The Tempra was discontinued in Europe in 1996, and in Brazil in 1998. It was replaced by the Fiat Marea, which is based on the Fiat Bravo and Fiat Brava platform, the replacements for the Tempra's sister car the Fiat Tipo.
ده غير إن فيات بطلت تعمل عربيات سبور لإنها فتحت ابارث وده زي الm للbmw ممكن تخش تشوف عاملين عربيات إيه ومن مواتير 1400 سي سي
وبطلت تعمل عربيات فارهة عشان فيه الفا ولانشيا مش هتخلي شريكاتها تعض في بعض وعلى فكره الالفا واللانشيا والفيات بيستخدموا نفس المواتير ونفس الشاسيه ونس الفتيسات بس برفاهية مختلفة ونظام تعليق مختلف
http://img405.imageshack.us/img405/3488/51170556.png
انا مكنتش عاوز ارد عشان الموضوع ميخرجش عن مسارة بس بما إنه خرج وفيه كلام غلط حبيت اصححة ويا ريت الردود ترجع للموضوع الأساسي ولو عاوز نتناقش في موضوع فيات نعمل موضوع جديد نرد فيه براحتنا
شكرا لك yoko على كل مداخلاتك و معلوماتك القيمه لان المنتدى معمول علشان كده :)
- بعد البحث على النت وجدت ان موتور اللينيا هو 1.4 فقط 90 حصان و مو 2011 نزل 1400 + تربو و هو 120 حصان ، اذن كيف ينافسوا بقوه ال 316 و هى 115 حصان و 318 و هى 136 حصان ؟؟
- و انا سبق و قلت ان كل كلامك عن فيات كشركه و تاريخيا صحيح و لكن مع احترامى الشديد كافه موديلات/مواتير فيات لا تنافس او حتى تقترب من بى-ام ، لان معنى كلامك ان فيات ايضا تنافس مرسيدس !!!
مع الاعتزار لصاحب الموضوع للخروج عنه ...
تحياتى لكم جميعا ...
فعلا هى بتنافس مرسيدس اللينيا ال 1400 بتطلع ال 120 ومش عارف إذا كان فتيسها أوتو عادى ولا دوال لوجيك أما ال 318 بتطلع ال 136 ع الموتور ال 2000 سى سى على ما أعتقد لأنى مش متابع قوى ومع ذلك التسارع بتاع التربو على ما أعتقد هيكون أفضل وأنا مازلت عند رأيى فيات عملاقة رأس مال وتكنولوجيا ولا تقل عن البى إم أو مرسيدس فى شئ
كل سنة وحضرتك طيب
كمواتير اللينيا أسرع بحبه حلوين
اللينيا من 0-100 في 9 ثواني
ليه لإن اللينيا عزمها 206 نيوتن متر عند 2250 ار بي إم ال320 عزمها 210 نيوتن عند 4000 تقريبا
واللينيا وزنها أقل من 1200 كجم عشان كده تطلع لكن نيجي لتقفيل العداد ال320 تطلع بس الكلام ده بعد ما اكون انا حطيت فرق غريب بيني وبينه
تمام
هي تقيله جدا جدا وتكنولوجيا هي بتطور في المواتير أكتر من بي إم وفيات
لكن فيات نفسه بتدور على السعر الرخيص فالبي إم والمرسيدس جوده اعلى بكتير (فرق السعر مش من فراغ أكيد)
لكن الالفا واللانشيا بينافسوا بي إم ومرسيدس وحتى سعرها زيهم -أمر واقعي-
هو مش قاصدة زي ما حضرتك فهمت
الفيات التربو تجنن بتوع بي إم ومرسيدس أيوه
فخامة مينفع تتقارن أصلا -عيب حتى-
تكنولوجيا كل واحد بيطور لكن الفيات بتقدم تكنولوجيا اعلى في المواتير من بي إم ومرسيدس لكن بي إم ومرسيدس كماليات أحدث بكتير ووسائل امان أحدث بكتير (بتطور فيهم أكتر من فيات)
يعني هي مش دي أحسن أو دي أحسن لأ كل واحد مركز في حاجة معينه حسب الزباين بتوعه
شوف دي جراند تربو متعدل بس لسه 1400 سي سي شوف بيعمل إيه في ال330
مع إن الجراند دي تحت ال200 حصان وطلع لحد 200 كم\س
Grande punto T-Jet vs BMW 330i E90 - YouTube
لا يوجد وجه مقارنه بين بي ام و بين فيات ,,, بي ام لا تقارن غير بأودي و مرسيدس و ممكن الفا بتحاول معاهم لكن في اغلب لا تنافس ,,, اما بخصوص تكنولوجيا المحركات فبي ام هي الرائده بكل تأكيد و اعلى اداء مقابل استهلاك بنزين قليل و هكذا ....فيات تقارن بفولكس فاجن في بعض السيارات الاقتصادية.
ده ريفيو الماني سريع
Alfa Romeo 159 - better car than BMW 3 - YouTube
ولو عاوزين نكمل كلام يبقى في موضوع تاني ونسيب للراجل موضوعة
فيات مش معموله علشان تنافس bmw زي ما يوكو والاعضاء قالو دي حاجه ودي حاجه بس أنا بستغرب في ناس في المنتدى بيقيمو العربية على حسب مين بيطلع من مين وده ملوش أي أساس من الصحه على كده فيرنا أحسن عربيه في مصر