سؤال جه فبالي كده مش عارف اجابته .... هل ممكن دورة التبريد كلها تخافظ على درجة حرارة السيارة على طول وتكون المروحة بايظة مثلا او مش بتشتغل ؟؟؟؟ ولا لو المروحة بايظة عمر ما دورة التبريد لوحدها تحافظ على الحرارة ؟؟؟؟
عرض للطباعة
سؤال جه فبالي كده مش عارف اجابته .... هل ممكن دورة التبريد كلها تخافظ على درجة حرارة السيارة على طول وتكون المروحة بايظة مثلا او مش بتشتغل ؟؟؟؟ ولا لو المروحة بايظة عمر ما دورة التبريد لوحدها تحافظ على الحرارة ؟؟؟؟
لو دورة التبريد لحدها سليمة مية فى المية ومفيش تسريب والمروحة بايظة العربية هتسخن منك بالتأكيد خصوصا ع السرعات البطيئة قوى لكن ممكن لو باظت منك لا قدر الله وإنت سريع متحسش بحاجة لأن ضغط الهواء اللى بيعدى من شبكة العربية للرادياتير بيساعد بس فى النهاية الحرارة هترتفع برضه ومتحاولش تغامر بالموتور عشان المروحة بايظة
هو ايه المشكله طب اللي حصلت معاك عشان نحاول نرد عليك صح لاني الصراحة مش فاهم
اصلي عمرى ما شفت المروحة شغالة بصراحة .... لكن فنفس الوقت عمر ما الحرارة بتعلى عن الطبيعي :):):) فانا مستغرب
ده من غير مروحه الدنيا تولع طب مثلا مع التكيف لازم المراوح تشتغل
طب انت عندك مروحه واحده ولا اتنين وسرعه واحده ولا اتنين ؟؟
ممكن يكونو شغالين على السرعه البطيئة وانت مش واخد بالك او مش سامعلهم صوت
غالبا ع السرعة الأولى مش هتحس إنها شغالة إلا لو رفعت غطاء الكبوت السرعة التانية بتبقى مسمعة الكلام دا بالنسبة للمروحة الواحدة المروحة لو لسة مدور العربية بتبقى واقفة لكن بعد ما تدور وتسخن لدرجة معينة المروحة بتبدأ تشتغل ولو شغلت التكييف عندى المروحة بتعلى السرعة للسرعة التانية لأن معنديش غير مروحة واحدة بس أما نظام المروحتين زى اللانوس معرفش عنه حاجة الصراحة