النترا 2005-2006 اتوماتيك ولا اوبترا 2006 اتوماتيك

الساده اعضاء المنتدى الكرام
انا يا شباب بقالى فتره بدور على عربيه مااكدبش عليكم لفيت كتير وعلى ماركات كتير وفى الاخر استقريت على الالنترا الجيل الثالث من 2004-2005-2006
بس المشكله انى مش لاقى عربيه كويسه ولما لقيت لقيت قمه قمه الاستهبال ناس بتقدر عربيته بمزاجها دون اى اعتبارات لاى حاجه فى الدنيا تصدقونى لو قلتلكم ان فى واحد مجنون كان عاوز يبيعهالى بــ 78 الف وواحد 75.500 ما ينزلوش جنيه
المهم ما اطولش عليكم انا محتاج فعلا للعربيه ففكرت فى الاوبترا الاوتوماتيك
فقلت اسال فطاحل المنتدى الجميل بتاعنا وياريت تقولوى ليه يتفضلوا دى او دى مع العلم انكم لو استقريتوا على الالنترا هكون مضطر اى استنا لما الاقى حاجه كويسه بسعر كويس تانى لكت الاويترا متوفره جدا جداجدا حتى فى السوق وحالات كويسه
شكرا جزيلاً

الالنترا عربيه ممتازه الموديل دا
بس الناس فعلا بيطلبوا ارقام غربيه وفلكيه
دا ب 80 الف تشترى عربيه 2007 الشكل الجديد! او صنى 2010-2011 اوتو

النترا طبعا ده موديل ممتاز شرط الحالة وده اهم شئ
لان طعب تبقي حالتها ممتازة وحد يفرط فيها اظن ..
والله اعلم ..

بسعر زى ال 75000 تركب اوبترا 2010 كاملة اوتو
بس الموديل بتاع الالتنرا دا بصراحة مختلفش عليه اتنين

على ما أعتقد لن تجد رأى يخالفك على الالنترا وبالذات الموديل ده وهذا سبب إرتفاع سعره بعد أن اثبت جدارته بإمتياز و ولا نقاش فيها ، وفعلا تختلف عن الاوبترا كثير ، على العموم إصبر وربنا يوفقك إلى ما يحب ويرضى

لو العربية حالتها ممتازة و عداد كيلو متر قليل (فى حدود 100000 كم ) ومش ملعوب فيه و بوية شركة
مش خسارة فيها المبلغ ده

موديل الإلنترا ده ...... أسر للقلوب ....... بصراحة عربية متكاملة

لكن السعر فيه مبالغة حبتين لو على 70000 والحالة كويسة تبقى أحسن من الأوبترا

وكل شىء نصييييييب

تمنياتى بالتوفيق

الالنترا 2006 دى تحس انها عربية يابانى مش كورى
فعلا غلطة هيونداى

اقتباس:

---

المشاركة الأصلية كتبت بواسطة ahmed refat

على ما أعتقد لن تجد رأى يخالفك على الالنترا وبالذات الموديل ده وهذا سبب إرتفاع سعره بعد أن اثبت جدارته بإمتياز و ولا نقاش فيها ، وفعلا تختلف عن الاوبترا كثير ، على العموم إصبر وربنا يوفقك إلى ما يحب ويرضى

---

انا متفق معاك قلبا وقالباً بس انا كنت عاوز اعرف ايه هى مشاكل الاوبترا الاوتوماتيك الى مخوفه الناس هل الموضوع استهلاك الوقود؟؟؟ ولا قطع الغيار

اقتباس:

---

المشاركة الأصلية كتبت بواسطة amrelsaqqa

الالنترا 2006 دى تحس انها عربية يابانى مش كورى
فعلا غلطة هيونداى

---

طيب انت شايف انها تستاهل المبلغ ده ؟

اقتباس:

---

المشاركة الأصلية كتبت بواسطة gadieb

طيب انت شايف انها تستاهل المبلغ ده ؟

---

لا طبعاااااااااااااا
حلو اوى عليها رينج الـ 65 فما فوق حسب الحالة

و70 دى الشكل اللى بعده اول فئة مانيوال وحالة كويسة
اعتقد دى الاسعار العادلة الى حد ما

اللى بيتكلم في 75 ده عامل زي اللى بيحلم يبيع بيجو 504 بـ 45 الف ، والاحسن انك تسيبه يحلم

النترا أفضل طبعا

انا هتشل امبارح روحت معرض اسمه تايجر ...."ولا ما فيش داعى لذكر الاسم بالظبط لقيت عنده عربيه النترا 2006 حالتها كويسه اتفرجت عليها وقلتله مطلوب فيها كام قالى اخرها يا باشا 77 الف انا مش هبدء معاك 80 ولا تسعه وسبعين واخلصها 77 انا بجبلك من الاخر......على اساس انى هندى ولا مرسوم على وشى الهباله مش فاهم المهم قابلت واحد صحبى باليل قالى خلى بالك العربيات اسعارها هاتولع .... بس اكيد مش للهبل الى بيطلب قى الموديل ده
انا قررت يا شباب انى ما ادفعش فيها اكثر من 65 او 67 ولو غليت عن كده هدور على فئه اعلى واحدث

اقتباس:

---

المشاركة الأصلية كتبت بواسطة kliken

النترا أفضل طبعا

---

مهو اكيد على شان عربيه حضرتك :w6266d
بس يا ريت بعد اذنك تكلمنى عن قطع غيارها والصنايعيه بيفهمو فيها ولا بالبركه ولا انت بتعمل الصيانه فى مركز خدمه..؟؟

طب ما تشوف السيراتو 2006 برضه

يا كبير انا لو معايا المبلغ ده ايه الى يخلينى اركب موديل 2006 ده ازود عليه واجيب زيرو موديل 2012
يبانى او كورى برده على الاقل يبقى جديد بشوكه
او اجيب اوربى استعمال نضيف

فعلا السعر دا يجيب فورد فوكاس 2006 أو ميجان

موديل الالنترا ده قليل جدا فى السوق و هتدوخ وراه، 75000 مبلغ محترم يركبك حاجات مستعملة كويسة جدا، نصيحتى بلاش تركز على الموديل ده و دور على اوبترا 2010 او لانسر 2008 مثلا او حتى كورولا 2006

ب80 الف ممكن تركب اوبل فيكترا 2007 او فورد فوكاس 2009 عربيتين اعلى بكتيييييييييييييييييييييي يير من الالنترا.
النترا ايه يا عم دى اللى تدفع فيها 80 الف !!!!!!!!!!!!!!
بص لو انتى عايز تركب ابعد عن الكورى خالص مش ركوبة ومفيهاش متعة بس لوحضرتك عايز حاجة ماسكة سعر فى السوق يبقى الكورى طبعا.هو دة الزسوق المصرى الخايب!!!!!!!!!!!

الالنترا الشكل ده ممتاز لكن لو وصلت للمبلغ ده تبقى تقريبا انحرقت
لانك ساعتها هيبقى امامك اختيارين افضل منها :
1- رينو لوجان اتوماتيك " زيرو "
2- لانسر شارك 2008

لو أوبترا و إلنترا 2006 يبقى إلنترا 2006 مقارنة شاملة من الآخر ...

لكن مدام انت كده كده هتدفع .. دور على بومة 2006 بنفس السعر و أكيد أحسن من الاتنين ... أو دور على الكورولا 2005 أو دور على أوكتفيا 4 أو على صني 2008 .... الفئة السعرية دي ف يالمستعمل فيها عربيات بالعبيط و كلهم حلوين ... ماتقيدش نفسك أوي كده بالإلنترا و الأوبترا .