اول مشاركه(مالك لنيسان صني الشكل الجديد من شهر تقريبا)

**a.adam212** · 30-07-2012 01:44 AM

السلام عليكم ورحمه الله

اولا: احب اشكر جميع الاخوه في قسم نيسان لاني فعلا استفدت جدا من اراءكم او حتى تعليقاتكم عن سيارات النيسان صني...والحمد لله دا ادى طبعا اني اقتنع بالنيسان صني...احب بس اضيف معلومه للاخوة ان النيسان صني الشكل الجديد هيا هنديه(خارج مصر) زي ما وضحلي توكيل نيسان بالامارات.

السياره انا كملت بيها 2000 كيلو تقريبا وغيرت زيت موبيل وان خارج التوكيل عالالف كيلو...نظرا لعدم اقتناعي الشخصي نهائيا بزيت غير موبيل وان(نابعه من معرفه اوليه بأغلب الزيوت التخليقيه بمصر)

لكل اللي مستني انو يستلم السياره دي احب اقول انها سيااااره بمعنى الكلمه...ممكن ماتكونش عند حسن ظن الشباب اللي يهوى الاداء الرياضي والتسارع...ولكن اداءها مقبول جدا جدا بالنسبالي ولاي اسره مصريه بتدور على السلعه المعمره بسعر ممتاز...لكن احب اضيف ان تسارعها جيد جدا نظرا لانهم خففو وزنها جدا...السياره مميزاتها:

واسعه جدا
مكيف محترم
شنطه غايه في الوسع
اداء الفرامل اكتر من قوي(بستخدمه بشكل قوي جدا في المناورات عالدائري والمحور)
السرعه القصوى اللي وصلتلها كانت 205 بس كانت غير ثابته شويه...ورأي ان السبب الكاوتش لانو فعلا سئ
صوت الموتور هادئ وعزل الصوت الخارجي جيد جدا

عيوبها في وجهة نظري:

الكاوتش سئ للغايه(ماكسيس صيني)
التابلوه مش شيك ولكنه عملي جدا وخامات جيده جدا
تخلو من اي نوع من الرفاهيه مقارنة بالاسبيرانزا اللي كانت معايه قبلها(تكييف وباور وسنتر فقط)
الكابوت والشنطه غير مبطنه والاسلاك ظاهره ودا مخلي شكل الشنطه وهيا مفتوحه مش لطيف بالمره
بطانه بيت الكاوتش مش محكمه ودا بيخلي لما يكون فيه حصى عالارض تسمع خبط الحصى في داخل بيت الكاوتش
السياره وانت لوحدك اخرك فيها 170 وبعدين تبدا تحس انها فعلا خفيفه عالارض

بالمجمل السياره اكتر من ممتازه...وعمليه جدا...ولكن انا قررت اتنازل عن الاداء الرياضي الموجود في الهيونداي ار بي مثلا نظرا لمزايا النيسان الكتيره...والحمد لله مبسوط بأختياري
وربنا يهدينا ويهديكو سواء السبيل ان شاء الله

اعذروني عالاطاله

**khalid_adel** · 30-07-2012 02:17 AM

ماشاء الله ربنا يباركلك فيها وفعلا اختيار مععقول وعاقل جدا
وانا شايف انها معقوله جدا خاصه السعر الجيد مقارنه ب....... ولا بلاش عشان بيزعلو بسرعه اخوانا المتعصبين دول :)

**Karim Ibiza** · 30-07-2012 02:37 AM

1000 مبروك وربنا يكفيك شرها

**2alb** · 30-07-2012 03:07 AM

مبروك على العربية وبلاش 207 دى خليك فى المعقول ربنا يدك خيرها ويكفيك شرها

**د. علاء ابراهيم** · 30-07-2012 03:49 AM

الف مبروك على العربية كلامك محترم
خد بالك من نفسك
و احب اضيف ان اى حد يحاول يعدى 160 على الطرق المصرية يبقى بيسعى الى الهلاك
و اللى اعرفه ان العربية دى مصممة انها تكون امنة لحد 180 بعد كده انتا بتغامر بنفسك (و ده مش معناه ان العربية وحشة)
مش معنى ان العداد ممكن يجيب لحاد 220 انك تعمل ده فعلا
يعنى على سبيل المثال انا عربيتى ال 504 بالرغم من ان عدادها 200 بس مكتوب فى مانوال النسخة اللى كانت نازلة امريكا من العربية دى ان اقصى سرعة المفروض150
( و انا شايف اساسا انها غير أمنة بالمرة بعد 110