-
مساعدة فى شاريد 90
السلام عليكم يا شباب
انا ناوى ان شاء الله اشترى عربية شاريد من واحد صاحبى بس العربية محتاجة شوية حاجات لو حد يفيدنى فيها يبقى جزاه الله خير
1- محتاج موتور 1000 سى سى بحاجات التغذية بتاعته و لو حد مشكور يفيدنى ال 1300 بالفتيس مانيوال و اوتوماتيك يكلف كام طالما كده كده هشترى
2- اسعار العفشة بتاعتها (مساعدين - مقصات) جديد و استيراد
3- فرش الباب علشان متبهدل شوية
4- كومبريسور التكييف
انا قريت هنا عن واحد اسمه سيد الفراش تقريبا و فى ناس بتقول انه حراق شوية فياريت تفيدونى برقمه و مكانه و اى حد تانى اقدر اشترى منه جديد او مستعمل علشان انا جايب العربية لمراتى و ناوى اشدها شده كويسة ان شاء الله
و ياريت برضه الافاده عن العربية دى كويسة ولا فيها مشاكل علشان فى ناس قالتلى مشكلتها الوحيده هو الموتور بتاعها و شكرولى فى العربية
اسف على الاطالة وارجو الافاده جزاكم الله خيرا
-
-
هي لو مشكلتها متور انت هتشتري واحد يعنى يعتبر متور جديد المشكله الوحيده لو المتور مفوت انسى انك تصلحو او تعمرو ولو هى مانيوال بلاش موضوع التحويل اوتوماتيك هيكلفك كتير والمتور بفتيسو من بور سعيد بيعمل حوالى ٢٥٠٠ وللأسف معنديش معلومات عن ال١٣٠٠ سى سى ممكن حد تانى يفيدك هى معى ١٠٠٠ اوتوماتيك وبصراحه مرضيه جداً فى السحب وسيد الفراش غالباً الوحيد اللى هيظبتهالك وجنبو اوشين عندو قطع غيارها جديد والاستيراد فى الوكاله ارخص مكان بس المهم السعر اللى هتشتري بي عشان واضح انك هتغير كل حاجه وهتلاقى موضيع هنا موضحه اماكن قطع الغيار وبعض الاسعار والله المستعان
-
انا اشتريت من حوالي سنة و نص موتور مستورد من بورسعيد و كان عامل 3500 بالفتيس بتاعه و بالنسبة لقطع غيار السيارة هيا نادرة شوية لكن اسعارها متوسطة .... و زي ما قالك الاخ احمد فهمي فيه واحد اسمه سيد الفراش دا تلاقي عنده كل اللي انت عايزه بس اسعاره حراقة لكن حاجتة نضيفة و كمان الراجل نفسه بيفهم حلو في العربيه دي ويقدر يساعدك في اي مشكلة .... و فيه اوشين برضه تلاقي عنده قطع غيار العربية دي لكن مش كل حاجة موجودة عنده ... ممكن تلاقي طنابير و تيل و دورة الفرامل و الجوان و الشنابر والحاجات الخفيفة دي ... بس الحاجات التقيلة زي المساعد و السوست و الكبالن دا من سيد الفراش او ممكن تجيبها من الوكالة حتبقى ارخص بكتير بس وانت بتشتري نقي و استنضف .... حتلاقي فيه مواضيع موجود فيها اماكن قطع الغيار بشكل وافي في مكان الدايهاتسو في المنتدى ... و ربنا يوفقك
-
انسي موضوع التعديل ده خااااااااااااااالص
حيكلفك كتير وبما انك بتشتري اشتري اللي انت عايزه
راجع موضوعاتي في التعديل
Content Relevant URLs by
vBSEO 3.6.0 PL2