الموضوع: بخصوص كنترول النوبيرا 2001 معاقين و اشتغالات الصنايعية

انا معايا نوبيرا 2001 معاقين الكنترول بتاعها جنب البطارية المهم لمبة التشيك كانت منورة رحت لكهربائى عملها سكان وقال ده عيب فى ساعة الحرارة المهم غيرنا ساعة الحرارة لسة لمبة التشيك منورة قال نركب وحدة تانية دى مش اصلية و طبعاً الساعة فى مكان مزنوق تحت الدينامو و الصبيان يفكو و يركبو حوالى اربع مرات و اربع ساعات واللمبة بتاعت التشيك لسه منوره فى خامس مرة العربية اتلخبطت خالص فى السلانسية عماله تعلى و توطى لوحديها قالى احنا نركب الساعة بتاعتها القديمة تانى فضلت ملخبطة فى السلانسية برضو المهم فصل الكنترول وركب كنترول تانى من عنده العربية ثبتت على السلانسية هى صحيح عاليه شوية بس ثابتة . يعنى المعلم حرق الكنترول الاصلى بتاع العربية .
المهم قلتلوا رجعلى العربية ذى ماكانت و عملت شوشرة قدام الورشة و هو مصر ان اللخبطة من الساعة مش الكنترول
المشكلة شكل الكنترول اللى ركب عفش جداً من بره و مش عارف هو بتاع العربية و لا لأ
و الناس اللى موجودين حكموا بأن ادفع 100 جنية و اخد هو الكنترول اللى طالع من عندى و هو مصمم ان الكنترول اللى ركبة من عنده ده مش هيظبط معايا
المهم انا عايز المشوره فى اللى حصل ده هل حلال ان بتحمل فى الكنترول اللى ركب و لا ادفع تمنه بالكامل اللى هو بينصب فيه و بيقول انه ب 400 جنيه وهل ممكن الكنترول الاصلى بتاع العربية يتصلح و لا اجيب انا كنترول غير اللى ركبة ده و استعوض ربنا . رجاء المشورة و اسف على الاطالة

متشكر على الاهتمام
وطالما كل كنترولات النوبيرا المنايول يتشتغل على بعض يبقى اسيب الكنترول اللى ركب وخلاص