الموضوع: اتسرقت في بنزينة موبيل

بقا الطبيعي افتراض ان اي شخص متعرفوش بيحاول يتعامل معاك حرامي او نصاب

مره دخلت امون منها عشان مكنش فى طول الطريق وسبحان الله شكلها مش مريح لقيت واحد عمال يفتح اى كلام لما وصلت للمكنه وقفت قدام العداد ومرديتش ادخل زياده راح متخلق على اللى بيمون وقاله حت 30 وخلص بس معرفش اذا كان 90 ولا 92 ولا مخلط

المشاركة الأصلية كتبت بواسطة mohammedaladel

إبدأ بنفسك وبلغ شوف موقع وزارة الداخلية شكاوى المواطنين واشكى فى وزارة البترول
www.moiegypt.gov.eg

ما هو ده اللي انا بقوله بس مش عارف لاي جهة بالضبط اللي مسئولة عن تلك الشكاوي
الموقع اللي كتبه ده مفيش اي حاجه فيه شغالة تماما

المشاركة الأصلية كتبت بواسطة ahmed_selmy

على فكره موضوع النصب دا من زمان , كذا مره ابقى فى محل ومحلات مشهوره للاسف يقعد يرغى ويقولى مبروك وكسبت معانا وحوارات من دى تخليك تتوهم, وافضل ماشى معاه لحد ما يبدا يقول التامين ب50 جنيه وب 100 جنيه اعرف علطول انها اشتغاله.
وخلاص بقى اما حد يقولى مبروك انفضله وش علشان عرفت اخرتها.
وعلى فكره موضوع البنزين ده ممكن يسرقوا وانت شايف القراءه مضبوطه على المكانه ليهم طريقه معبنه ,انا حصلت معايا فى بنزينة شيل اللى قبل 4 ونص فى طريق السويس, وربنا يعوض عليك.

موضوع الواد بتاع ال100 جنيه ده مشهور اوي في وسط البلد
كذا مره حد يجي يحكي ان حصل معاه كده وان لو معاه 100 جنيه كان دفعها !!!
بس الواد حور علي جامد وصدقته لحد ما قالي تأمين وشوفت منظر الكوبوت بتاعه ده

المشاركة الأصلية كتبت بواسطة ahmed_ramadan

بنزينات جسر السويس الحرامية
موبيل أحمد عصمت
كالتكس اللى قدام الشبراوى اللى بعد سوق القنال فى إتجاه موقف العاشر

اضف عليهم بنزينة التعاون اللي امام بنزينة الوطنية
والاستثناء الوحيد هو بنزينة الوطنية حاجه محترمة فعلا

المشاركة الأصلية كتبت بواسطة kar!m

أنا دايما بنزل من العربية و أنا بمون عشان المواضيع دي.

انا بيبقى عيني على العداد بس تقول ايه بقى نصيبي اتسرق في اليوم ده :)

المشاركة الأصلية كتبت بواسطة elbeh

يا باشا البنزينة معروفة من فتره ان اللى شغالين فيها كلهم حراميه و شكلهم عيال بلطجيه.

اهو انا مكنتش اعرف كده للاسف واديني عرفت :)

المشاركة الأصلية كتبت بواسطة tutankhamoun

بالنسبة للولد اللي وقف معاك أغلبهم بيرجع الفلوس بس لازم تروح مكتبهم ............ هي مش نصب بالمعنى المفهوم و لكنها طريقة ملتوية للبيع .
دول شغالين في التايم شير و لما بتروح بيديك فلوسك ..... مش بتكسب حاجة إلا لما تشتري منتج من المنتجات بتاعتهم .

ايوه بس مكنش في اي حاجه تدل على جديته في كده
الكوبون وهمي وكان بيدعي انه تابع للمحطة فكان كلامه كله كذب

المشاركة الأصلية كتبت بواسطة aly_moh

على فكرة الموضوع دا حصل معايا من فترة بص انا فيا عادة انى بنزل من العربية و هى بتمون عشان افرد ضهرى من القعدة و فعلا الواد قعد يحكى و يقولى مبروك انت كسبت اقولة كسبت اية ؟ مش فاكر رد باية بس اللى فاكرة فعلا انة طلب 100 تامين و انا عندى مبدا انا كسبت هات اللى انا كسبتة بس موضوع البنزين دا محصلش عشان انا بفول التانك للاخر

موضوع البنزين اللي قالي عليه انا قولت اني كسبت فعلا
قولتله مش عايز جوايز ولا هدفع تأمين وهاخد البنزين وربنا يعوض علي وقولت هشوف هيعمل ايه
لقيته وشه جاب الوان وقالي مينفعش

المشاركة الأصلية كتبت بواسطة k_e

بقا الطبيعي افتراض ان اي شخص متعرفوش بيحاول يتعامل معاك حرامي او نصاب

ده اللي بيحصل فعلا وفي ناس بتزعل مني من الموضوع ده
لانها بتكون كويسة فعلا
لكن مش هقول غير ان ولاد الحرام مسابوش لولاد الحلال حاجه

المشاركة الأصلية كتبت بواسطة sasa3

لا دا انا حصل معان نفس الحوار ده برضه و جايزو و مش جايزة و حوار من ده


بعد لت و عجن برضه نص ساعه كده قالى نفس البق ده


كنت عاوز اقوله بص كده على العجلة الى قدام نايمة شويه و ادوسة بافترى :@:@:@:@

ايوه انا اللي صعب علي فعلا الربع ساعه اللي ضايعتها في هبله ده

المشاركة الأصلية كتبت بواسطة houras1010

مره دخلت امون منها عشان مكنش فى طول الطريق وسبحان الله شكلها مش مريح لقيت واحد عمال يفتح اى كلام لما وصلت للمكنه وقفت قدام العداد ومرديتش ادخل زياده راح متخلق على اللى بيمون وقاله حت 30 وخلص بس معرفش اذا كان 90 ولا 92 ولا مخلط

نصابين محترفين يسرقك بكل الطرق
اللي نفسي اعرفه لما سمعتهم سبقاهم كده
ليه فاتحين لحد دلوقت ومحدش اعترضهم

لازم تعمل شكوى فى موبيل نفسها و تبلغ عن البنزينة دى