الموضوع: اتسرقت في بنزينة موبيل

البنزينه ديه حصل فيها موقف انا والشخص اللي بيعمل تسويق ده
انا عارف الحوارات ديه كويس فبكبر دماغيوشوفوا انتوا الحوار
انا فولت وبعد ما دفعت وانا ماشي راح موقفني والمدام جانبي
هو: حضرتك فيه جايزه معانا لو حضرتك فولت اكتر من عشره لتر
انا : شكرا انا فولت خمسه لتر بس
هو : خمسه بس ازاي
انا : معلش بقه ممكن امشي
هو : طيب حضرتك ممكن تكسب برضه لو رقم تليفونك فيه رقمين فرديين
انا : للأسف انا رقم تليفوني كلوا زوجي
هو: طيب حضرتك ممكن تكسب معانا انت والمدام طالما متزوج من واحده بس ( غلب حماره معاياه)
انا : للأسف ديه مراتي التانيه
هو : معقول
انا : زي ما بقولك كده
هو : طيب حضرتك كسبت معانا الجايزه خربش واكسب
انا : كسبت ازاي ومفيش حاجه من اللي انت عايزها موجوده فيه
هو: المهم ان حضرتك مونت من المحطه ديه
بصراحه بصيتله من فوق لتحت ورحت ماشي