حراره اللوجان

**john55** · 30-07-2012 10:18 AM

انا بصراحه اول مره مره ادخل المنتدي لاني من ملاك الهيونداي بس محتاج رايكم صاحبي لسه جايب لوجان وعامل حوالي 900كيلو بس عنده مشكله في الزحمه يلاقي عداد الحراره قبل النهايه ب3 شرط قلت له دا كتير المفروض لا يعدي النصف المهم راح شيك علي العربيه في صيانه 1000 وقال للمهندس قاله دا عادي علشان الجو حر وممكن تكون رجليك تقيله علي العربيه علشان كده بتسخن وقاله لو سخنت تاني هتها علي التوكيل وهي الصراحه بتسخن منه في الزحمه هل هذا طبيعي ام في مشكله وهل السخونه تؤثر علي الموتور وشكرا

**Ahmed_Ramadan** · 30-07-2012 11:08 AM

أكيد مش طبيعى الكلام ده !!!! فى مشكلة عنده أكيد

**akmm** · 30-07-2012 12:10 PM

ده مش طبيعى والحراره فى السيارات نوعين نوع يرتفع المؤشر كام شرطه ويقف والنوع التانى يثبت على النصف وده غالبا فى العربيات الحديثه ---- ولكن عليك ان تذهب فورا للتوكيل لعرض المشكله ووجوب حلها والآهم انك تعرف السبب --وعلى فكره وانت فى التوكيل حاول تسال المترددين بعربياتهم المماثله وضع الحراره ايه علشان تطمئن ===== والحراره العاليه لفترات متكرره ضاره جدا بموتورالسياره .

**ahmedeg1** · 30-07-2012 12:21 PM

ثرموستات الكوعه بتاعة الميا هيتغير فى الضمان
روح بس و قلهم كده

**khalid_adel** · 30-07-2012 01:05 PM

نفسي افهم ازاي مهندس في توكيل ويقول عادي عادي عشان الزحمة
قوله ليه حد قالك اني راكب 125 ولا زيستافا تسخن في الزحمة
مش مصدق ان ده كلام يطلع من مهندس
شوف ده اكيد ترموستات بايظ ومحتاج يتغير وطبعا في الضمان