مشكلة فى وجود فراغ عند التحرك والإيقاف

**abdelmobdy** · 26-06-2008 01:08 AM

السلام عليكم جميعا ورحمة الله وبركاته..
دى اول مشاركة لى فى المنتدى..انا معايا بيجو 505 موديل 84
المشكلة عندى إن فى صوت خبطة لما بـطلع بالعربية لما ابدا اشيل رجلى من على الدبرياج وادوس بنزين وكمان لما اشيل رجلى من على البنزين (ناتجة عن وجود فراغ إما فى الفتيس او فى الكردان او ى الكبالن) رحت للميكانيكى معرفش يحدد السبب جاى منين بالظبط..
ياريت لو حد يقدر يفيدنى فى السبب المحدد للمشكلة ..
وياريت لو حد يعرف مكان ورشة فنية متخصصة فى هذه السلسة(فتيس-كردان-كرونة-كبالن) تكون فى الجيزة
شكرا

**Ahmed Hassan** · 26-06-2008 04:09 AM

ممكن يكون كرسي النص

**mohamed ibiza** · 26-06-2008 04:56 AM

بص لو صوت خبطات متتابعة كده خبطات ورا بعضها لما ترفع سنة دبرياج و سنه صغيرة بنزين الشكمان ممكن يكون مخبوط و محتاج يتحمي عليه بالنار و يتعدل انما لو مش كده يبقي حاجة تانية بقي

26-06-2008 05:52 AM

عيب كردان... او قوااااااااااااااااااااااا ااااعد

اكشف على القواعد الاول

والله اعلم
.................................................. .......

ثانيا حضرتك ساكن فين

**Xpert** · 26-06-2008 07:40 AM

غالباُ كده شكلها قواعد الكرونه .. الجلد اللي ماسك الكرونه في العربيه ..

**abdelmobdy** · 26-06-2008 09:48 AM

شكرا على الإهتمام والرد السريع
هى مش عدة خبطاط..هى خبطة واحدة لما ابدا اشيل رجلى من على الدبرياج وادوس بنزين وبحس عندها إن فى فراغ مابين الحركة المنتقلة من الموتور إلى العجلات , وكمان بسمعها لما اجى اقف بالعربية لما اشيل رجلى من على البنزين...
ده كمان بسمع الخبطة دى ونا واقف بالعربية لما لما ادى الغيار الاول واشد فرامل اليد وابدا اشيل رجلى من على الدبرياج وادوس تانى بشكل متكرر بحيث العربية تكون عايزة تتحرك لكن الفرامل منعاها..
انا ساكن فى اول فيصل(مسجد آل حمد)
شكرا