فلتر تكييف يابانى اصلى بـ 100جنيه + بلوف تايوانى لحماية الجنوط من السرقة بـ 75 جنيه

بصراحة الواحد قبل ما يعرض الموضوع
حابب نوجه شكر من القلب .. الى يوسف .. اخونا وحبيبنا .. اللى فعلا .. الواحد كسب اخ حقيقى مثله من قسمنا .. ونعم الاخلاق .. ونعم المحبة .. ونعم الخير اللى فى قلبه للاعضاء الجدد والقدامى

يوسف كلمنى وقالى انه نازل يوم الاربعاء الجى القاهرة .. وانه اشترى لنفسه فلتر تكييف اصلى من التوكيل فى السعودية .. ووقف سعره ب100 جنيه مصرى .. وانه اشترى بلوف ضدد السرقة
وكانت سعرها 75 جنيه .. وهى سعرها بتكون اغلى فى مصر واعتقد بيعد 150 جنيه

وقالى لو حد عايز اشترى ليه حاجة من الحاجات دى .. ويجبهاله معاه وهو جى مفيش مشكلة
بس اللى عايز يكون متاكد عشان الراجل حيجيبه على حسابه .. ومش معقول حد يطلب وبعد كدا يعتذر !

وبردوا اعتقد عشان الجمارك يوسف مش حيقدر يجيب لاكثر من 10 افراد عشان الجمارك والمطار ومحدش ياخد باله

شكر مليون مرة ليوسف بيك .. كبيرنا وحبينا بقلبه الكبير .. وبمساعدته المستمرة لينا .. وتقديره وحبه للاعضاء القسم

اسيبكم مع الصور


==================
اولا: صور فلتر تكييف صنى n16 يابانى (مقاس 20*22 سم) ياريت تخلى حد يتأكد من المقاس بتاع فلتر عربيته او التجويف لأنى عارف ان القديم كان مش على قد العلبة بالظبط بدل ما اجيب ويطلع مش مقاسه مظبوط والسعر هايكون 100ج فقط

http://img268.imageshack.us/img268/650/dsc0374lt.jpg

http://img96.imageshack.us/img96/4706/dsc0376bh.jpg

ثانيا: wheel lock حماية سرقة الجنوط تايوانى مش صينى عبارة عن طقم 4 صامولة مقفولة من فوق مقاس 12*1.25 مقاس الصنى بالظبط + لقمة فك وتركيب صالحة للاستعمال مع 3 مقاسات لمفتاح العجلات هى 17/19/21 والسعر 75 ج فقط

http://img526.imageshack.us/img526/8725/dsc0386copy.jpg

http://img204.imageshack.us/img204/2235/dsc0387copy.jpg


http://img850.imageshack.us/img850/9...c0390copyp.jpg

=================
1- انا حاجز طقم بلوف

تسلم يا ابو حميد .. ومعلش تقلت عليك فى عمل الموضوع لانشغالى اليومين دول بمشاوير كتير هنا
وطلباتك وطلبات كل الاعضاء اوامر ومن عينيا الاتنين .. لكن ليا بعض الملاحظات:
1. حابب ان حد من الاعضاء القدامى اصحاب الصنى اللى مركبين الفلتر يتأكدولى بس من مقاس الفلتر (22*20 سم تقريبا) لأن عدد الريش فى اليابانى اكتر من القديم اللى كنا ركبناه فى الحملة المجانية
2. كمان صواميل العجلات مفيهاش مشكلة فى جنوط التيدا .. لكن ممكن لما تركب فى الصنى غطاء الجنط اللى عليه علامة نيسان ما يقفلش لأننا عارفين طبعا ان صواميل الصنى الاستوك بتكون مفتوحة انما دى بتكون مقفولة .

3. وده المهم .. اخر ميعاد لتلقى الطلبات وحصر الاعداد يوم الثلاثاء 31 يوليو مساءا عشان الحق اشتريهم باذن الله
عذرا على الوقت الضيق لكن لو محتاجين بعد كده مفيش اى مشكلة انى ابعتلكم طرد ارامكس او dhl او اى حاجة تانية زى ما عملنا فى موضوع كيتات المفاتيح للصنى مع الفارق طبعا ان اللى هايبعتهم هو عضو معاكم فى المنتدى واكيد الموضوع هايكون أمان اكتر ومضمون باذن الله

يلا مين يقول هات.. هههههههههههه

اقتباس:

---

المشاركة الأصلية كتبت بواسطة y2y1500

تسلم يا ابو حميد .. ومعلش تقلت عليك فى عمل الموضوع لانشغالى اليومين دول بمشاوير كتير هنا
وطلباتك وطلبات كل الاعضاء اوامر ومن عينيا الاتنين .. لكن ليا بعض الملاحظات:
1. حابب ان حد من الاعضاء القدامى اصحاب الصنى اللى مركبين الفلتر يتأكدولى بس من مقاس الفلتر (22*20 سم تقريبا) لأن عدد الريش فى اليابانى اكتر من القديم اللى كنا ركبناه فى الحملة المجانية
2. كمان صواميل العجلات مفيهاش مشكلة فى جنوط التيدا .. لكن ممكن لما تركب فى الصنى غطاء الجنط اللى عليه علامة نيسان ما يقفلش لأننا عارفين طبعا ان صواميل الصنى الاستوك بتكون مفتوحة انما دى بتكون مقفولة .

3. وده المهم .. اخر ميعاد لتلقى الطلبات وحصر الاعداد يوم الثلاثاء 31 يوليو مساءا عشان الحق اشتريهم باذن الله
عذرا على الوقت الضيق لكن لو محتاجين بعد كده مفيش اى مشكلة انى ابعتلكم طرد ارامكس او dhl او اى حاجة تانية زى ما عملنا فى موضوع كيتات المفاتيح للصنى مع الفارق طبعا ان اللى هايبعتهم هو عضو معاكم فى المنتدى واكيد الموضوع هايكون أمان اكتر ومضمون باذن الله

يلا مين يقول هات.. هههههههههههه

---

سيبك انتا بقى من الهرس ده كله
انا عاوز اشكرك على الخدمات الرائعة اللى بتقدمها للاعضاء
و من ساعت ما كنت قرات موضوعاتك عن الكاوتش هنا فى المنتدا استفدت جدا و ان شاء الله لو غيرت الكاوتش قريب او فى المستقبل هاخد بالتوصيات بتاعتك... دا غير مشاركاتك المتزنة و العاقلة
و أراءك اللى فى الجون
روح يا شيخ.... و تعالى بسرعة

الف شكر يادكتور وكفايا ان احنا هنشوفك اخيرا بعد غياب طويل
يارب ترجعلنا بسلامه الله ونشوفك يوم الجمعه
ياريت تجبلى معاك واحد فلتر يا دكتور واكون شاكر جدا وان شاء الله هدفع الفلوس لصديقنا الحبيب احمد مصطفى او ليك مباشرتا يوم الجمعه
خالى بالك يا ابو حميد انا اول واحد حجز الفلتر ؟!!
تجلنا بسلامه يا دكتور باذن الله
والف شكر

اقتباس:

---

المشاركة الأصلية كتبت بواسطة mollaELolla

سيبك انتا بقى من الهرس ده كله
انا عاوز اشكرك على الخدمات الرائعة اللى بتقدمها للاعضاء
و من ساعت ما كنت قرات موضوعاتك عن الكاوتش هنا فى المنتدا استفدت جدا و ان شاء الله لو غيرت الكاوتش قريب او فى المستقبل هاخد بالتوصيات بتاعتك... دا غير مشاركاتك المتزنة و العاقلة
و أراءك اللى فى الجون
روح يا شيخ.... و تعالى بسرعة

---

هههههههههههههه .. ده حب من زمان بقى وانا مش واخد بالى
ياريس كتر الف خيرك واخجلتم تواضعنا بكلامك الجميل ده
ونتقابل على خير ان شاء الله :B4_048:

اقتباس:

---

المشاركة الأصلية كتبت بواسطة Amr2004IBM

الف شكر يادكتور وكفايا ان احنا هنشوفك اخيرا بعد غياب طويل
يارب ترجعلنا بسلامه الله ونشوفك يوم الجمعه
ياريت تجبلى معاك واحد فلتر يا دكتور واكون شاكر جدا وان شاء الله هدفع الفلوس لصديقنا الحبيب احمد مصطفى او ليك مباشرتا يوم الجمعه
خالى بالك يا ابو حميد انا اول واحد حجز الفلتر ؟!!
تجلنا بسلامه يا دكتور باذن الله
والف شكر

---

من عينيا يا عمور .. بس اسمحلى اقولك ان حسين هو اول من طلب الفلتر ع الفيس بوك من كام يوم وهو كتم عالخبر وما قالكوش .. اهو بافضحه قدامكم كلكم عشان تعزلوه من منصبه وتنقلبوا عليه .. :hlopaet_prv:

ربنا يجلعه فى ميزان حسناتك

ربنا يباركلك يا استاذ يوسف والله حاجة تفرح

يوسف يا اللي تعبينك معانا كده .. ترجع لينا بالسلامة يا جميل ان شاء الله
معاك 1 طقم بلف
شكرا جزيلا

يعنى مش حتقولى بردوا .. حتيجى فى طيارة الساعة كام

اقتباس:

---

المشاركة الأصلية كتبت بواسطة Ahmed.TV

يعنى مش حتقولى بردوا .. حتيجى فى طيارة الساعة كام

---

لأ :wink::wink::wink: .. يوم الجمعة يجمعنا باذن الله :B4_048: