احب اقول لحضرتك ان الاكسيل اول عربية تعملها هيونداي بتصميم و اشراف ميتسوبيشي اليابانية
لأن شاسية و موتور الاكسيل مبني علي الانسر عيون صفية بس الشكل الخارجي اختلف شوية و اجزاء كتير من الانسر الصفية و البطة بتركب في الاكسيل
بالنسبة بقي للجولف و الايبيزا لو مستغني عن المساحة الواسعة في الاكسيل مقارنة بيهم , يبقي المشكلة اللي فاضلة انك تلاقي صنايعي بيفهم في الالماني كويس و مش فتاي و واخدها عافية زي اغلب الصنايعية المصريين
اة نسيت اقولك تعمل حسابك برضة علي فرق مش قليل في اسعار قطع الغيار
الكلام دة عن تجربة و مقارنة بين الفيليشيا و الايبيزا و الجولف و الاكسيل لما كنت بدور علي عربية من سنة
و ركبت كل العربيات دي لأنها مع زملاء لي في الشغل و عرفت مميزات و عيوب كل واحدة لغاية ما استقريت علي الاكسيل
و في الاخر الموضوع دة بيختلف من شخص للتاني حسب احتياجاتة في العربية , عائلية ام شبابية و استعدادة للصرف عليها و معرفتة بالصنايعية
اسف علي الاطالة و كل سنة و انت طيب .