الموضوع: تجربتي للجيتس وبكل صراحه

شكرا علي التقييم الموضوعي ،،

المشاركة الأصلية كتبت بواسطة hamode89

شكرا

المشاركة الأصلية كتبت بواسطة hamode89

السلام عليكم
انا ياجماعه كاتب الموضوع ده للي مقبل على شراءها مش اللي اشتراها
لأن من حقو يعرف هوا هيدفع فلوسو في ايه
ا- حمودى
اهلا بيك ومبروك على العربيه
اسمحلى اتناقش معاك شويه فى تقيمك للعربيه انا معايا 2007
وهبدأ بالمميزات
1-السعر جيد بالنسبه لسعة المحرك 1600
2-العزم جيد
3-شكلها عملي
4-الفرش الداخلي الوانو مشيه مع لون العربيه (يعني لو العربيه سوده الفرش اسود واحمر)
5-الهاند بريك خفيف جدا
تقصد ايه بخفيف لو فى الاستخدام الرفع مثلا يبقى انا موافقك لاكن لو عدد التكات كتير و حاسس ان الهاند بريك مش قوى ممكن تروح التوكيل يظبطوهالك
6-توكيل غبور بيوفر خدمه ممتازه

العيوب:
1-الدبرياج تقيل و سوستته تقيله(انا اعني بالنسبه لسياره 2007)
هوه مش تقيل عندى ممتاز بس هوه مشكلته انه مشواره طويل ولازم تتدوس للاخر
2-الجير بعيد عن السائق وده مبيمكنكش من التحكم بالسياره بشكل افضل
اعتقد انها مساله تعود انا شخصيا مش حاسس بكده
3-الباور بتعها مش اوي (تقيل شويه)
بالعكس الباور هوه صحيح مش كهربه لاكن احسن من النوبيرا مثلا لانها مع والدى وزى الافيو مثلا مع اخويا فاعتقد انه مناسب لباور هيدروليكى مش كهرباء
4المريات مش بتوفر روئيه كويسه للي وراك
مش متفق معاك او هيا مش بحجم الماتريكس مثلا لاكن تعالى شوف بتاعه ال128 عندى:embarrassed2:
5-بعد 110 بتحس انها هتطير منك(خفيفه على الطريق)
بص بالنسبه لوضوع الثبات هيا عاليه عن الارض و دى ميزه و عيب زى ما سيادتك عارف مابتحكش فى المطبات لاكن ممكن ياثر على الثبات بس انا شخصيا ماحستش بكده ووصلت ل 160 وكانت معقوله جدا او جيده جدا كثبات
6-ده غير اني عفشتها ناشفه وبتحس باي حاجه على الطريق
العفشه جيده لاكن يعيبها انها بتحتاج تربيط كل فتره 5000 و بعملها مع الصيانه الدوريه وراضى عنها
7-الفرامل سيئه جدا( تقيله ومش بتفرمل غير لما تتقل رجلك على الفرامل شويه)
غير متفق مع سيادتك فى الموضوع ده يمكن عربيتك محتاجه صيانه فى موضوع الفرامل الفرامل عندى جيده جدا و مناسبه لحجم العربيه
8-ديّقه يعني لو اللي ادام مرجع الكرسي شويه يبقى اللي ورا ربنا معاه
استحاله دى مش معاك فيها خالص انا كنت مسافر بالعربيه اسكندريه و معايا اتنين حوامل منهم مراتى و اختهم قاعدين ورا العربيه بتاخد 5 افراد مرتاحين تماما و كمان من ضمن المميزات ان السقف عالى نوعا ما بالنسبه للطوال
9- ده غير اني صاجها خفيف
دى بقى متفق معاك فيها و عن تجارب للاسف و كعاده كل الجديد
العربيه ليها مميزات وعيوب واللي عايز يشتريها يقدر
يقارن ويشوف ايه من العيوب يقدر يستحمله وايه لأ وايه من المميزات شاداه ليها وايه لأ

وفي النهايه ده رأي الخاص ممكن يكون حد شيفها بطريئه تانيه(شايف مميزات انا مقولتاش او ميزه مش موجوده او شايف عيوب انا مقولتاش او شايف عيوب مش موجوده)


شكرا

وتقبل خالص تحياتى

المشاركة الأصلية كتبت بواسطة hamode89

[FONT='Times New Roman','serif']الله يبارك فيك يا طارق بس على فكره دي مش عربيتي دي عربيت واحد صحبي انا سقتها على الدائري[/font]

[FONT='Times New Roman','serif']اسمحلي اوضحلك النقاط اللي انتا قلت عليها[/font]

[FONT='Times New Roman','serif']1-بانسبه لموضوع الهند بريك انا حطيتو تبع المميزات مش العيوب لانو خفيف جدا وقوي جدا(ممتاز) وكمان شكلو سبورت[/font]

[FONT='Times New Roman','serif']2- الدبرياج سوستته تقيله بمعنى(انك وانتا دايس عليه عامل مقومه لرجلك)[/font]

[FONT='Times New Roman','serif']3-بانسبه للجير انتا لو جربت عربيه تانيه (لانسر مثلا) هتلاقي انو الجير قريب منك ومريحك في النقل[/font]

[FONT='Times New Roman','serif']4- انا مش بتكلم على الباور الكهربه انا على البور العادي(حضرتك لوجربت الباور بتاع اللانسر مع انو مش كهربه بس اخف)[/font]

[FONT='Times New Roman','serif']5-مشكله المريات مش الحجم حجمها ممتاز المشكله في مقسات الصوره صحيح اني اي عربيه بيكون فيها مقسات الصوره مش حقيقيه بس بتكون اقرب الى الحقيقه على عكس مرايت الجيتس الصوره مش مضبوطه نوعياً[/font]

[FONT='Times New Roman','serif']6-العربيه اللي سقتها كانت متجنطه وحسيت انها فلتت مني بعد 110[/font]

[FONT='Times New Roman','serif']7-بالنسبه للفرامل يمكن زي محضرتك قلت انها محتاجه ضبط لان العربيه ماشيه 36الف بنفس التيل[/font]
[FONT='Times New Roman','serif']8- العربيه ديقه بس مش معنا كده انها ززتافا لا د احنا كنا بنخرج بيها خمسه عادي جدا[/font]
[FONT='Times New Roman','serif']بس القصد انها ديقه نوعا ما[/font]

[FONT='Times New Roman','serif']وعلعموم هيا عربيه محترمه[/font]

[FONT='Times New Roman','serif']وربنا يديك خيرها ويكفيك شرها [/font]

[FONT='Times New Roman','serif']وبانسبه لfahd زي موضحت فوق[/font]

شكرا على المشاركه و على الموضوع
انا حبيت بس اوضح و ارد على بعض النقط اللى سيادتك كاتبها
بكرر شكرى ليك وربنا يباركلك فى اللانسر بتاعتك وعقبال ماتجيب الشكل الجديد يارب
:embarrassed2:

بصراحة انا قلقت من موضوع خفيفة وفلتت على الطريق انا كنت بفكر ابيع السكودا الفابيا واجيب الجتز لكن دلوقتي مش عارف..خصوصا ان الفابيا ثابتة على الطريق ما شاء الله