اه وفي حاجة كمان نسيتها انا عندي امبولايزر في العربية ومفتاح طبعا مشفر بيتهايئلي موجودة في الانترا بس ام 156الف اصلها تعتبر من الكماليات
مافيش مشكلة
و كل سنة و انتا طيب
انا بس عايز انبهك انك بتننقد الصنى الجديدة كتيييييير اوى
و مع ذلك ماحدش قال لك هو انتا بتننقدها ليه
الان الناس انتقدت الكورى على وجه العموم و الهيونداى على الاخص
فحضرتك ما تقبلتش ده بينما احنا فى قسم نيسان بنتقبل نقدك بصدر رحب
انا كل اللى عايز اقوله ان الناس اللى داخلة تنتقد دى
بتفهم مش ما بتفهمش
و ده رأيهم و من حقهم يقولوه
و اى محاولة للتقليل منه لاسكات الناس فهذا نوع من انواع القمع الفكرى
و افتكر لم يقلل اى احد من اراءك السلبية جدا فى حق الصنى ولا حد قال لك "بتقول كده ليه" او "ليه دائما انت ضد العربية دى"
هدى نفسك ما تضايقش فى النهاية انا مقتنع ان الهيونداى اصلا عربيات حلوة و مواتيرها فعلا جميلة مافيش كلام نعومة و تسارع و عربية كده لما تدوس بنزين تاخدك
بس ده مش كل حاجة
دمت بود
ههههههه مش قلت الناس هتنزعل محدش صادقنى
انا معرفش الناس بتضايق ليه
عليا النعمه دة حديد ف حديد
لا اكثر ولا اقل
انا اهم حاجه عندى التكيف وال 1600 والانجكشن :))))))))))
الموضوع المحبب بالنسبالي
المقارنة بين الألماني والياباني والكوري
بس الأجمل لما بتقارنوا الأوروبي والأسيوي
اعتقد ان كل مضنع سيارة بيصنع من وجهة نظره البحتة والسوق المستهدفة
يعني هوندا وليكن 92 في منها فاضي وفي منها si وفي منها لهواة السرعة sir
الألماني نفس الشئ
وليكن جولف 91 في منها فاضي تماما التماما (ولا حتي سنتر ولف ب45 جنيه)
وفي منها الكامل
اعتقد ابتداء من 95 بدأت الشركات المصنعة تغير اتجاهها بناء علي توصيات من الهيئات الرقابية علي الصناعة والأمان والمعايير والكلام الكبير دة كله
فمثلا نجد ان اصغر عربية ألماني وارخص عربية حتي ولو فاضية ومافيهاش حتي مروحة سقف تجد فيها ايموبلايزر مانع السرقة
تجد فيها احزمة امان خلفية
تجد فيها مخادع رأس خلفية (علي فكرة بتصنف ضمن معايير الأمان)
علي النقيض
تجد في الأسيوي معايير الأمان مختلفة ونظرتهم مختلفة
الأسيوي بيبص علي السوق المستهلك
مين في اي دولة مستهلكة وليكن مصر بيهتم بعوامل الأمان سالفة الذكر (ايموبلايزر وحزام امان خلفي ومخادع رأس)
للأسف بيزودهالك علي انها اوبشن - رغم اعتبارها تجهيزات اساسية لدي المصنع الأوروبي
نيجي للدلع
تلاقي العربيات الأوربي بتدلع المستهلك (بيهتموا طبعا بالمستهلك الأوربي) تكييف تاتش ديجيتال منذ 94 في اللانشيا ديدرا (ايطالي) وعلي فكرة في جميع موديلاتها وليس الهاي لاين ولا خلافه
تلاقي مثلا ريموت في المفتاح وانذار وسنتر منذ 96 في الأوبل والفولكس (في معظم الموديلات وليس كلها) وديلاي في نور الصالون وانوار في الشماسات وحركات
بالنسبة للشكل
انا بردو اعتقد ان اجمل الموديلات في الأوربي والفخامة والفرش والتنجيد والأهتمام بالتفاصيل وتوزيع المفاتيح
كله دة مش معناه ان الشركات الأسيوية مش قادرة تعمل
ولكن هو فقط نقطة الأهتمام بالسوق المحلية والسوق المستهدفة
يعني هنجد هوندا 88 وفيها فتحة سقف كهرباء ومرايات كهرباء - بس اعتقد انها عملت دوول لأنها كانت بتستهدف السوق الأمريكية اكتر في الفترة دي فعملت الكماليات الواو عشان السوق المستهدفة - طبعا مش مصر
في النهاية عايز اقول لكل المتحيزين والمتعصبين
احنا بنقارن العربيات الي بتنزلنا - وللأسف المقارنة مش في صالح الأسيوي خالص لأنهم بيصدروا بناء علي طلبات السوق والتوكيلات
لكن الأوروبي بيصدر بناء علي توصيات الهيئات الرقابية سالفة الذكر ومعندوش اي استعداد للتنازل عن معايير الأمان الأساسية رغم اخفاق بعض التوكيلات وتنزيل سيارات فاخرة بدون Abs في فترة التسعينيات
وتحياتي لجميع المشاركين
يا جماعه لولا اختلاف الاذواق لبارت السلع كل العربيات حلوة و المساله فى الاخر اذواق و كل واحد راكب عربيه فاكر انها احلى عربيه فى الكون بس انا استخلصت خبرة 15 سنه فى العربيات و عملت قانون كدة ماشى عليه ان اللى مش راكب مرسيدس مش راكب عربيه اصلا؟؟؟؟؟؟؟؟؟ و سامحونى كلكو و هيوصلكو احساسى دة لما تركبو حته عيون 98 و تطلع بيها على طريق و تعرف يعنى ايه عربيه و انا اجبها مستعمله و ب 150 سعرها الوقتى احسن من النتراموديل 2020 و هى وجهات نظر فى الاخر
اشمعني مرسيدس ، طيب اللي مركبش جين2 مركبش عربية بردو:wink:
لمدة 5سنين
انا كانت راكب النترا 2005 قبل الجين 2
و بمنتهى الحيادية و بصفتى امتلك العربيتين باقول ان ركوبة الجين 2 افضل من الالنترا بمراحل ( معروف عن موديل 2005 انه من اقوى موديلات الالنترا
ميزة الكورى الوحيدة توافر و رخص قطع الغيار بس عمر الكورى ماكان عربية ركوبة
لما تبقى الالنترا ب 150 الف تبقى مالهاش اى لازمة ما انا اركب لانسر شارك او مازدا 3 او اوكتافيا مانيوال اول فئة برقبتها
ثبات وبس!!!...
انت مستقل بالثبات ليه يامودي..انت محسسني ان الثبات دة حاجة كدة زي المالتي فنكشن..حاجة تافهة يعني!!!...الثبات اللي انت مستقل بيه دة ..ممكن في ثواتني يضيع منك 150 الف جنيه..وهو تمن النترا..لما تاخد غرزة قطم...او لو جيت تاخد ملف علي 120 ولا حاجة..وساعتها نقول فردة كاوتش الاوروبي والياباني..بالكوري كلة..
بعد تجربه سيراتو الشكل القديم لمده شهر تقريبا احب اقول ...
ابو كوريا يا جدع هههههه
ياباشا الثبات بتاع الالماني زي ما هو من الغيار الاول لغايه ماتقفل العداد
في عربيات كوري كتير ممكن تاخد ملف بسيط وتدوس بالعجل على زلطه ولا عين القط تلاقيه العربيه خيشت
هو ايه الحكاية ...كل شوية واحد يتريق علي اللادا بتاعتي.هههههههه...يقولي مالها اللادا...يارجالة انا مش شرط علشان انا راكب سمارا ابقي حد مش فاهم...عايز اقول للرجالة ان دة مجال شغلي اصلااا..انا بشتغل في المبيعات في شركة ..موزع معتمد لكيا ورينو وهوندا وبريليانس..وكل العربيات اللي عندنا جربتها وسوقتها ...وعندي الحمد لله خبرة سنييين في العربيات..يعني مش بتكلم في الهوا...والسمارا انابعتها وباذن الله هاركب فولفو 240..مع ان الناس كلها بتقولي هات اكسيل او برايد ..بس لاااااااا...ابسلوتلي يارجالة..ليجند مالوش في العربيات الكتاكيتي دي...
اليوم بالمصادفة كنت في سيتي سنتر ووجدت الاتي
تويوتا كرولة 94 الشهيرة
هيونداي النترا 94 بلونها المميز الشهير الفروزي
وبجوارهم جولف 94 gt 1600
كان نفسي اصور لكم صوره لهم لاعرضها عليكم هنا ولسان حالي يقول
تري لو اراد اي منهم البيع كم يكون السعر لكل منهما علي حدي
واذا كان في المستطاع شراء اي منهما .. اي منهما ترشحان
في الثبات والاعتماديه ومن منطلق استثماري ايهم افضل في حالة البيع بعد سنتين مثلا
http://images02.olx.com/ui/13/81/73/...a-DX-Sedan.jpg
http://www.cleanmpg.com/photos/data/...wagen_Golf.jpg
http://pics.adoos.com.pe/5cefbac1617...modelo-gls.jpg
انتظر الاجابة منكم وبالتأكيد في الاجابة رد علي كل التساؤلات
ايهم افضل ومن منهم تستحق الاموال
رغم اني شايف الموضوع محتدم على الاخر وانا من النوع اللي ما بيحبش المشاكل انما هاقول رايي ورزقي على الله
انا كان معايا النترا 2007 عملت بيها 140000 كم وبعتها وجيبت فورد فوكاس 2012 يعني انتقلت من الكوري للالماني من غير ما اعدي على الياباني للأسف فخبرتي فيه مش قوي مجرد اني سوقت بعض عربيات ياباني كده في بعض المناسبات المهم اللي عايز اقوله ان انا طبعا حسيت بفرق ما اقدرش انكر انما مش لدرجة المبالغة الرهيبة اللي انا شايفها من الاخوة هنا في التقليل من شان الكوري او الالنترا تحديدا الانترا ممكن يكون ثباتها مش واو بس مش ضايع انما انا الشهادة لله عمرها ما خسعت معايا على مدار 5 سنين بهدلة وسفر واشغال شاقة اعتمادية ممتازة ونعومة وراحة وتكييف هايل وتسارع جميل مش كنبه يعني وعمري ما ندمت لحظة اني جبتها بالعكس كل ما كنت بركب حاجة من فئتها كان بيزيد احترامي ليها ده مجرد رأي يا جماعة عن تجربة مش بقول طبعا انها تتقارن بالفوكاس انما بردو تستحق كل جنيه ادفع فيها
الفورد امريكي يا حج مش الماني
اولا ان مش ضد الكورى خالص ، بالعكس انا ركبت عربيتين كورى على الزيرو و اخدت خيرهم و بعتهم و كانو مريحنى جدا و بعتهم بسعر كويس ( لانوس 2001 - ركبتها 3 سنين و النترا 2005 ركبتها 5 سنين ) ...... الفكرة ان ايام ما كنت باشترى كورى كان سعرها منافس جدا ... اللانوس اشترتها زيرو ب 43 الف جنيه فى 2001 و الالنترا اشترتها فى السعودية فى 2005 ب 33 الف ريال .... يعنى كانت بنصف تمن التويوتا كورولا فى الوقت ده ..... انما لو كانت بتمن اى عربية يابانى فى نفس الفئة استحالة كنت فكرت اشتريها
العربية الكورى ميزتها انها عربية اقتصادية سواء فى سعر الشراء او تكلفة التشغيل ...و لو فقدت الميزة دة تبقى خارج المنافسة ...... و ذلك للاسباب الاتية:
مواصفات الصناعة بتاعة الكورى اقل بكتير من الالمانى و اليابانى و ده حاجة مش بتتشاف بالعين المجردة يعنى سمك الصاج المستخدم فى الشاسيه و البودى و نوعيته بتكون بمواصفات اقل
عفشة اقل تقدما ،،، مواصفات امان اقل .... اليابانين و الالمان بيصرفوا مبالغ طائلة على تصميم و تطوير العربية و موصفات الثبات و الاتزان و الامان .... و ده سبب ان الشكل فى اليابانى و الالمانى مش بيتغير كل 3 سنين زى الكورى
نرجع بقى لموضوع الثبات
انا عندى الاحساس ان العربية ثابتة و متزنة شى مهم جدا .... بمعنى انك لو راكب عربية ثباتها مش قوى هتبقى قلقان و انت بتجرى و لو حصل اى موقف طارى يخليك تاخد غرزة علشان تتفادى حادثة او فردة كاوتش ضربت و انت على سرعة عالية العربية هتعوم منك .....انما لو عربية ثابت و و متزنة زى الالمانى او المازدا 3 او السيفيك هتقدر تتحكم فى العربية بسلاسة وتبقى مطمن و انت سايق
من الاخر لما ادفع 150 الف فى النترا و ابقى خايف و انا ماشى فوق 120 يبقى حرام فيها الفلوس .
انا قبل الالنترا كنت راكب مازدا 3 و كانت فى منتهى الثبات و الاتزان و قمة المتعة فى السواقة اضطريت ابعها لظروف السفر و اركب النترا 2005بعدها حسيت بفرق رهيب فى الاداء لصالح المازدا 3 ( علما ان موديل الالنترا 2005 الى كانت معايا تعبر من اثبت موديلات الالنترا لانها واطية و عفشتها الخلفية تعليق مستقل )
من الاخر لما يكون معايا 150 الف ليه ادفعهم فى عربية عشان شكل و شوية تنفيخات و عدادات ديجتال و اضحى بحاجات اهم زى الثبات و الاتزان و انى اركب عربية معمرة تحافظ على رونقها على الاقل 10 سنين زى الاوكتافيا مثلا .... و شوف الاوكتفايا الى بقالها ماشية 15 سنة عاملة ازاى ... هتلاقيها واقفة زى الاسد و الهيونداى موديل نفس سنتها عاملة ازاى ...هتلاقيها ماشية تشخلل
دى وجهة نظرى بعد ركوب الكورى 7 سنين من الزيرو ....مع كامل احترامى للكورى كعربية من ناحية الاقتصاد فقط و ليس كاداء و اسف على الاطالة.
اللى مجربش يقول عدس !
في فرع تصميم وتصنيع لفورد خاص باوروبا (Ford Europe) فقط وعربياته ما بتنزلش امريكا اصلا وله مصانع كتير في اوروبا منها في اسبانيا والمانيا وغيرهم الفوكاس 2012 اللي بتنزل عندنا في مصر من الفرع ده ومصممة ومصنعة كليا في المانيا عشان كده انا قولت الماني انما اكيد طبعا كلنا عارفين ان البراند من امريكا :))
يا جماعه والله كل عربيه ليها استخدمها وكل واحد ليه وجهة نظر في عربيته وربنا يبارك لكل واحد في عربيته
الاخوه ملاك الكوري "الكوري عربيه محترمه جدا وفيها ثبات مواتير كويسه بس مفيش امان من ناحية الصاج ضعيف مفيش عوامل امان كافيه"
الاخوه ملاك الياباني "الياباني محترم جدا جدا وفيها ثبات ومواتير كويسه بس عوامل الامان زيادة شوية وقطع غيار معمره وصاج اقوي حبتين"
الاخوه ملاك الالماني"الالماني عربيه لا غبار عليها ثبات فوق الممتاز ومواتير بسم الله ما شاء الله وعوامل امان حاجه تفرح وصاج يعني صاج بس قطع غياركم غاليه شويتين تلاته"
ارجو ان ميكونش حد زعل مني
بس دي التلاتة عربيات من وجهة نظري
ومعتقدش ان الياباني هيتقدم والالماني هيقف مكانه او الكوري هيتقدم والياباني هيقف مكانه
والسلام عليكم ورحمة الله وبركاته
ثبات الكوري اقل من بعض الياباني ( سيفيك ومازدا ) ومعظم الاوروبي ، بعض الاحيان بيكون عشان باور الاوروبي تقيل والعربية تقيلة بيديها ثبات كويس والعكس تماما في الكوري ، واحيانا بيكون في انظمة مساعدة للثبات زي esp-esc-vsa
الياباني عوامل امانه مش زيادة ولا حاجة تقصد الاوروبي ، شوف الكورولا والمازدا واللانسر مفيهمش غير 2 ايرباج ومفيش esp
برضه الالماني معظم مواتيره ضعيفة جدا ( فييستا - كورسا - بولو - جولف 1.6 - اوكتافيا - ليون - جيتا 1.6 - باسات 1.6 - فوكاس القديمة )
اعتقد ان الكوري في تقدم والياباني محلك سر وبيتاخر ( ما عدا تويوتا محافظة على مكانتها ) والالماني طبعا في القمة بفرق كبير اوي
كلمه حق تقال
النوبيرا عندى اثبت من الصنى على السرعات العاليه يعنى 140 وانت طالع النوبيرا اسد
الصنى هوا شويه وممكن مطب هوا يبهدلها
[QUOTE=mody3on;3874461857]
برضه الالماني معظم مواتيره ضعيفة جدا ( فييستا - كورسا - بولو - جولف 1.6 - اوكتافيا - ليون - جيتا 1.6 - باسات 1.6 - فوكاس القديمة )
لا هي انت لو شايفها ضعيفة عشان السع اللترية يبقي انت غلطان يعني كورسا والبولو هاتشباك صغير وماتور 1.4 كفاية اوي عليهم نسبة وتناسب ولا ايه منتا عندك الجيتز والفيرنا شوف حجم اد ايه وعليهم مواتير تمشي عربيات قدهم مرتين وتلاقي العربيات دي جراية اوي بس مش بتقف وبعدين خد بالك الجيتا والباسات بقوا 1.4 كمان بس عندك عزم يطيرها مش يمشيها
[QUOTE=Mamoud salah H;3874461862] متنساش ان معظم العربيات دي بتنزل بمواتير تانيه اكبر في السعه اللتريه يعني عندك الاوكتافيا بتنزل بموتور 1.8 و 20 v اظن دا مش شوية هو كمان
غير كدا وكدا دي نسب يعني مش انا ولي حضرتك الي هنقول الموتور دا ضعيف علي البودي دا لان في ناس متخصصين في المجال دا هما الي بيحكمو واظن يعني الشركات الالمانيه مش هتبخل علي عربيه بموتور اقوي بس لما تكون العربيه محتاجه الموتور دا
ثانيا حضرتك عندك عربيات كوري فيها مواتير من اسرع المواتير المصري زي الفيرنا حاجه بسم الله ما شاء الله مقتنعتش غير لما ركبتها"ملكة الزحف المصري"
بس هات خطاف معاك في الشنطه وتعمله زرار جوه ساعت لما تحب تقف ارميه او علقه في اي شجره وانت ماشي
تعالي اتفرج علي اي عربيه الماني انا كان معايا فليشيا لما كنت بظبط الفرامل كنت بطلع اجربها علي 160 والعربيه هي الحاره بتعتها مفيش ملي يمين ولي ملي شمال :B4_444: رفعت الهاند بريك علي سرعات وعلي منحدرات والحمد لله محصلش نصيب ان انقلب بيها :grinder:
معلش يا باشا عشان ماكنتش واخد بالي
حضرتك بتقول ايه ؟؟؟؟؟؟؟؟؟
يعني مش ضعيف بس -لا - دة ضعيف جدا - لا ومعظم مواتيره
انت مالقتش في الألمان غير المواتير ؟؟؟
دة حتي بيقولك الماكينات الألمانية
بص يا باشا
لما فولكس تعمل موتور 1000 سي سي - دة مش قصر ديل
الناس دي بتصمم وعارفه هي بتعمل ايه - وعلي فكرة بيصمموا بنفسهم لنفسهم - مش بيجيبوا مواتير من شركات تانية او بيجيبوا حد يصمملهم
فلما يعملك موتور 1000 سي سي هو عارف انه هيطلع منه عزم وهورس باور قد الي طلعهم من 1300 ودي عن تجربة وشوفناها كلنا في موتور البولو 95 ال1300 لما استبدلوه بموتور البولو 97 ال1000 وكان بيطلع نفس الهورس باور وتقريبا نفس العزم مع فارق بسيط في عدد لفات الموتور وسرعة قصوي اقل ب 5 كم/ساعة
الحاجة التانية - وكنت قولت عليها قبل كدة
الناس دي بتصمم بناء علي معايير جودة وامن وسلامة وبيئة
يعني لما يعملك موتور 1.4 للجولف بدل ما كان بينزلها ب 1.6 - فدة لأنها شركة محترمة بتحترم البيئة الي هي موجودة فيها وبتقلل الأستهلاك والأنبعاثات الكربونية
ودة هيخليني اطرح عليك سؤال
امتي اول شكمان فيه علبة بيئة نزل في الكوري او حتي الياباني ؟؟؟؟؟؟
وبعدين هما بيعرفوا يطلعوا هورس باور وتورك من مواتير اقل في السعة من مواتير اخري وبنفس الباور والتورك
انا عربيتي كانت 1000 سي سي - اقسملك بالله اني مكنتش مصدق وسألت عليها كذا مرة - لأني مكنتش متخيل ازاي 1000 سي سي ويكون دة ادائها
وضيف علي كدة كمان انه بيعملك 1.4 عشان الأستهلاك والأنبعاثات ويقوم مركبلك عليه تربو تشارجر محترم يرفعلك الباور رفعة متينة
صدقني والله - الألماني لما بيقلل في السي سي مش بيبقي قصر ديل - قد ما بيكون ليها اعتبارات اخري
تحياتي
بسم الله
في الاول انا مكنتش عايز اشارك في الموضوع
لاني بشوف المواضيع اللي من النوع ده بتنهتي بخلاف وخناق بين الاعضاء
وبشوف فيها تعصب غريب كل واحد لعربيتة بدون موضوعية وكاننا بناخد نسبة من الشركة المصنعة
ثانيا نحمد الله على نعمة العربية ايا كان نوعها وكلا حسب مقدرته
وفيه كتيرا ناس بتحسد اللي راكب 28 هو واسرتة وغيره محشور في الاتوبيس او واقف في الشمس
ثالثا وده الاهم رايي في موضوع الكوري والالماني
اولا عشان محدش يقول انا بتعصب لحاجة
انا عندي نوبيرا 1 موتور 1500 دوك بيطلع 110 حصان
وانا الحمد لله مبسوط من اداء العربية جدا
اولا معروف ان النوبيرا من اثبت العربيات في الفئة دي
وطبعا موتور ناعم نسبيا وصوته بيعلى مع التكييف او ال ار بي ام العالي
تكييف تلاجة بمعنى الكلمة خامتها الداخلية انضف من حاجات بتنزل زيرو ومعديه 100 الف
قطع غيار رخيصة بمعنى رخيصة فعلا وصيانة اسهل ما يمكن
يعني باختصار مكنتش شايف اني محتاج من عربية اكتر من اللي باخدة من النوبيرا كل ده تمام
نيجي بقى للالماني انا اول مرة اركب الماني كان من شهرين اوكتافيا a4 بتاعت اختي وتقريبا بركبها يوميا خلال شهر
في الاول كنت بشوف الناس يقولو الا الالماني وثبات الالماني وفرامل الالماني ومكنتش جربت فبقول مش معقول للدرجة دي يعني
المهم بقى نيجي للمفاجاة بعد كل كلامي عن النوبيرا والحمد لله على نعمة النوبيرا
اول ما ركبت الاوكتافيا ومشيت بيها والله اول مرة احس اني راكب عربية بجد
العربية وانت بتجري بيها تحس انها ماشية على شريط قطر مش ممكن تخرج من مكانها
اول مرة اعرف يعني ايه فرامل الفرامل بتوقفني على اي سرعة بدون زحف
اول مره اخد ملفات واحس الاحساس ده حاجة تخليك تاخد الملفات على سرعات تخاف تمشي بيها عدل في الكوري
نيجي للموتور رغم ان موتوري نظريا اقوى من موتور الاوكتافيا
لاكن مع الاوكتافيا انا حسيت اني راكب 2000 سي سي خصوصا بعد التاني
في النوبيرا لما بشغل التكيف بحس بتاثيرة على الموتور
في الاوكتافيا التكييف لا يوثر على صوت الموتور زي ما هو ولا على السحب
في النوبيرا لما الار بي ام بيعدي 3 بحس بصوت الموتور علي شويتين
في الاوكتافيا صوت الموتور بيعى حاجة خفيفة وتحس بسلاسة كدة في الموتور متحس انو بيعاني زي موتور النوبيرا على نفس السرعات
ودي كانت تجربتي للالماني المتمثل في اوكتافيا بتاعت اختى ونوبيرا بتاعتي كوري طبعا
ورايي المتواضع
لو بشتري زيرو وقدامي الالماني وقدامي الكوري وفرق سعر بسيط
طبعا هشتري الماني بلا تردد
تسلم ايدك ..