الموبينه العاديه كويسه مع الاسبراتير العادى لوهتغير الكترونى يبقى اسبراتير وموبينه ووصلات التكلفه 500جم
عرض للطباعة
الموبينه العاديه كويسه مع الاسبراتير العادى لوهتغير الكترونى يبقى اسبراتير وموبينه ووصلات التكلفه 500جم
حبيبى انت بتفكرنى بشبابى ههههههه اقصد بتجربتى مع الحرارة
بعد ماشوفت الى انت عملته هما طريقين مالهمش تالت
1- انك انت موهوم ومزودها فى القلق ( لان اللادا كلها كلها بالذات فى الصيف ) كبر دماغك واعمل نفسك مش واخد بالك الا لو حصل حاجات غريبة فى العربية بس تابع المايه والزيت كل شويه
2- غير الصنايعى الى بتروحله وروح لصنايعى تانى خالص وماتقلهوش انى عملت كذا وكذا قله بس ان العربية بتسخن معايا اوى وعاوز اعالج الموضوع ده واسكت وسيبه بس قبل ما يشتغل فى العربية اعرف منه بالظبط هايعمل ايه لو قالك هانغير وهات جديد ونفك ونركب قله خلاص بكره هاجبهالك لما اجهزلك الحاجات واخلع وروح عند واحد تالت واعمل نفس القصه وشوف الاراء كلها فى تشخيص السبب متفقه ولا لا - لو قالك هانفك وننضف ونشوف سيبه يشتغل بس بشرط انه مايغيريش حاجة من الحاجات الى انت لسه هاعملها
بالنسبه ليها انا غيرت كل حاجة ليها علاقة بالحرارة حساس حرارة مروحه بريش اكبر طارة صغير تركب على الماتور علشان تلف اسرع ردياتير ساعه حرارة كله كله لحد ماوصلت انه لازم اغير الردياتير بواحد جديد تلاته ماسورة روحت واقف لانى لقيت نفسى بصرف كتير بغباء وعملت نفسى مش واخد بالى وكبرت دماغى - عارف المشكلة اتظبطت من ايه ؟ كنت حاطط عازل جلد على الكابوت من جوه علشان يكتم صوت الماتور ومايعمليش صداع لما شلته لقيت الدنيا اتظبطت بنسبه كبيرة
اه تبع شل او ليكو مولى بس عايز اقول حاجه بسيطه انت تشوف اقرب موزع ليكو مولى وتجيب علبه منظف ريداتير وتحطها فى الريداتير ودور السياره نصف ساعه وبعد كده اطفى الموتور وسبها تبرد وتدور تانى 5 دقائق وبعد كده نزل المياه وحط مياه عاديه ودور الموتور وبعد كده نزل المياه من الريداتير واشترى جركن مياه شل او لتر مياه لوكو مولى بيتحل على 5لتر مياه مقطره هو هو نفس سعر الشا وحطه فى الريداتير ؟انت عارف ان الاجا الحوارى ضيقه فى وش السلندر واى صدا بيقفل ومنظف الريداتير بتاع ليكو مولى شديد وسريع التعامل وان شاء الله تحس بفرق على طول انا جربته وجاب نتيجه كويسه ومتنساش ان الزيت بتاع الموتور عليه عامل كبير فى الحراره وزيت كالتكس مش قوى لان درجه الانهيار فيه على 150درجه وده اقل زيت فى السوق زى التعاون ومصر للبترول اما زيت شا 15w50ااو 20w50ممتاز فى ليكو مولى لانه درجه الانهيار عند300 درجه يعنى الموتور لو سخن فهو محافظ على البستم والشميز من التسلخ وبيحافظ على الشمبر وكمان سريع الدوران فى الموتور
لو سمحتم العربيه ماكنتش بتسخن قبل العمرة بعد العمرة بتسخن على طواالي في الزحمه مابتسخنش موضوع الردياتير غسلته ونظفته التكيهات مظبوطه على ماأذكر في استاذ باسم او بسام مش فاكر الاسم للاسف كان خبير في الادا مع احترامي ليكم كل الحلول اللي انتم قولتوها انا عملتها الموبينه عندي سليمه الاسبراتير سليم مفيش مشكله لو حد عنده خبره يرد علي ارجوكم لاني بجد باعشق العربيه ديه بس بسبب الموضوع ده انا هابيع العربيه ارجوكم ساعدوني انا رقمي 01066616867 انا اسف انا معنديش نت لو حد عنده حل انا ساكن في الرمايه لانها بتسخن في الشتا برضه وباشكركم لو حد معاه رقم بسام ياريت يبعتهولي
عندى نفس المشكلة برضه وكل حاجة تمام ومكنتش بتسخن قبل الصيف ده خالص يبدو الصيف ده سخن كل اللادا
بس على فكرة كل السيارات بتشتكى من الحرارة
الحل استخدام زيت شل
فتح غطا الكبوت وانت ماشى لعدم كتم الهوا الساخن داخل الكبوت (مش فتح الغطا للاخر قصدى انه يتقفل بدون ضغط عليه)
لما الحرارة تعلى قف بالسيارة وريحها شويه
وبعدين لما حرارة الجو تتحسن نشوف هنعمل ايه
مشكلة الحراره العاليه مش مشكلتك لوحدك
ده قدر واتكتب علينا كلنا احباء اللادا
وعلى العموم عاوزك تتابع الميه فى الريدياتير لو بتنقص يبقى المشكله فى طلمبة الميه ولازم تتغير حتى لو كانت جديده
والله الموفق
متابع