مشكله فى المكيف كروز ٢٠١٢

**subzero_freez** · 31-07-2012 03:06 PM

السلام عليكم ، السربنتينه كانت اتخرمت ، رحت للتوكيل قال لى طبعاً مفيش لحام و لازم نغير مع انه خرم صغير جداً كان سعرها حوالى ٤٠٠٠ جنيه ، طبعاً ما غيرتش و لحمت السربنتينه ً، المكيف دلوقتى ساعات الكمبريسور يقوم و يشتغل كويس جداً و ساعات مش بيقوم و المروحه بس اللى بتقوم ! .. حد عنده اى فكره ايه المشكله و احلها اذاى؟ شكراً

**أشرف العدوي** · 31-07-2012 03:29 PM

معلش بس لازم تروح لحد بتاع تكييف بيفهم لان انا ملسوع كمبوريسور قبل كدة و دايخ علشان اجيب غيره ده غير الاسعار نار
فالأحسن انك تكشف على السربنتينة و لو طلع العيب منها ممكن تغيرها هتى تيواني بلاش الاصلي
بس حافظ على الكمبوريسور

**AHMEDCAR** · 31-07-2012 03:54 PM

اصلا المفروض تتغير على حساب الضمان

**subzero_freez** · 31-07-2012 04:05 PM

المشاركة الأصلية كتبت بواسطة ahmedcar

اصلا المفروض تتغير على حساب الضمان

للاسف الخرم كان بسبب زلطه صغيره عدت من فتحه التهويه اللى تحت فى الاكصدام الامامى مرضيوش ابدً تتغير على حساب الضمان . و ده مش عيب صناعه

**akmm** · 31-07-2012 04:41 PM

اذ كان العيب من السربنتينه --وده اشك فيه -- انزل الوكاله وهات احلى سربنتينه اصلى بتلت المبلغ ده ويمكن اقل .

**exact** · 31-07-2012 06:41 PM

ده مش عيب سربنتينة... اعتقد فيشة او فيوز الكومبريسور معلقين

**olver** · 04-08-2012 01:27 AM

المشاركة الأصلية كتبت بواسطة exact

ده مش عيب سربنتينة... اعتقد فيشة او فيوز الكومبريسور معلقين

الراجل ده بيتكلم صح الموضوع كولو الفيشه بتاعت الكومبريسور لان حتى لو السربنتينه مخرومه الكومبرسور لازم يقوم بس مش هيديك هوا ساقع روح لواحد برا التوكيل و شوف هيقولك ايه

**subzero_freez** · 04-08-2012 04:54 AM

المشاركة الأصلية كتبت بواسطة exact

ده مش عيب سربنتينة... اعتقد فيشة او فيوز الكومبريسور معلقين

فعلا حضرتك العيب طلع فى فيشه الكومبريسور , لما ضغطت عليها الالكومبريسور اشتغل .. كده اعمل فيها ايه , اروح التوكيل و اقول لهم يغيروها ولا ايه؟ اشكرك جداً على مساعدتك