انا كنت امبارح عندي كوتش مهوي البلف بتاعه بينفس المهم
روحت لواحد بتاع كوتش نصاب انا عارفه كل مره بروحله بلقيه بينصب علي واحد المهم وصلت وكان في وحد معاه فيرنا بيغير كوتش لعربيته والراجل تقريبا دي اول مره ليه فالراجل مصمم علي ماكسس وبتاع الكوتش بيقوله خد لاسا تقريبا نوع كوتش انا معرفوش
كبرت دماغي وقولت انا مالي اعملي الفرده دي بتنفس من البلف قالي عيني بس خمس دقائق اجيب للراجل كوتش من المخزن
المهم راح وانا واقف وصاحب الفيرنا قولتله هو الفرق بين السا والماكسس كام قالي 30 جنيه الفردتين
قولتله وحضرتك عايز ماكسس دي ماركه مش تمام وخصوصا حضرتك معاك فيرنا يعني محتاج كوتش نضيف عشان علي الاقل تحسن اداء الفرامل الي مبتضربش دي
قالي ما انا كنت عايز اجيب برجستون او gti او ميشلان
قولتله وبعدين قالي هو اقنعني ان الماكسس احسن منهم :blabla:
قولتله يا باشا حضرتك عايز الصح ولي الغلط
قالي الصح قولتله يا تركب برجستون يا ميشلان هما سعرهم حراق
قالي وهو مبسوط ما الشركه هي الي بتدفع
كنت هجري وراه بايد الكوريك في الشارع
قولتله ما تركب برجستون او ميشلان انت بتسافر كل يوم بدل ما انتو قرفنا بالفيرنا علي الطريق كل شوية واحد فيكم فوق الرصيف ولي لابس في الي جمبه
بهزر طبعا دا انتو منورين الطريق انتو معاكو عربيه عملة معجرات اي واللهي
اسرع عربيه في مصر بجد
واسرع عربيه تنقلب في مصر دي بجد بجد يعني
اللهم بلغت اللهم فاشهد