الموضوع: جبت نوبيرا اتوماتيك واليكم الملاحظات

شكرا ليكم وربنا يبارك فيكم

المشاركة الأصلية كتبت بواسطة engonear

الف مبروك على العربيه وربنا يعطيك خيرها ويكفيك شرها.
علشان تطمن من ناحية الباور غير الزيت وحط موبيل الكيلو ب25ج واتأكد ان الطرمبه سليمه ومفيش بوش فى الدركسيون واكشف على سير الباور وخلى العفشجى يكشف على صواميل الاسكترا احتمال تكون مربوطه اكتر من اللازم.
لما تيجى تقلب الغيار من n ل r أو العكس خلى رجلك على الفرامل ولازم يكون سلانسيه الموتور على 1000 فى الاوتو مش اكتر من كدا علشان ما يعملش تكه فى اتجاه الغيار والاحسن انك تغير زيت الفتيس وتحط نوع نضيف.
وبكدا ان شاء الله تكون ارتاحت من مشاكلك .

الف شكر على المعلومات المفيدة

المشاركة الأصلية كتبت بواسطة alaasal

انت قصدك ساعة ماتجيب الدى اة الار تحس كده ان العربيه بتغلبك.

بص افتح الكبوت و خلى حد تثق فيه طبعا يدور العربيه و يجيب الدى و شوف لو حسيت ان الموتور بينط كده او بيتحرك يبقى ممكن يكون كرسى موتور.

و لو فيه رجه فى العربيه فى كرسى موتور بيقى جواه زيت فوق المساعد اليمين ده مره جننى يالرجه بتاعته لغايه ماعرفت ميكانيكى محترم هو اللى عرف العيب و غيرهولى.

خد دى بقى منى نصيحه لله زيت الفتيس زيت الفتيس زيت الفتيس.

سيبك من اى حد يقولك غير كده اعمل حسابك هو بياخد تقريبا 3 لتر زيت موبيل ابو 28 جنيه للعلبه و تغيره كل مثلا 4 غيارات زيت موتور.

اسمع كلامى علشان ماتندمش او ممكن كل ماتغير زيت تشترى علبه و تشيلها.

انا الفتيس باظ منى و بهدلنى.

و مبروك العربيه هى ممتازه والله بس ماتقولش لحد كده علشان عامله زى الارانب كده و بتتحسد.

انا الفتيس كان زى الفل لغايه ما جددت العربيه ورشتها من ساعتها والله.
يوم ماخلصتها و روحت بيها الفتيس باظ

ياباشا والله الف شكر على اهتمامك
هوة مفيش رجة فى العربية ولا رزعة هوة بس لما اجيب الأر بسمع تكة كدة صوتها عالى شوية ونفس التكة لما اجيب الدى بس خفيفة ، وخصوصا لما تكون العربية باردة ولسة طالع بيها الفتيس بيبقى تقيل فى حركته شوية وصوت التكة دى بيبقى اعلى
انا ان شاء الله هروح بكرة مركز الصيانة عشان اغير زيت الفتيس عشان الراجل اللى اشتريت منه العربية قالى انه مغيروش قبل كدة وقالى انه كشف عليه فى التوكيل قالوله انه كويس مش عايز يتغير!! وكمان هقولهم على صوت خشن كدة فى المتور مش عارف جاى منين عامل زى صوت التكيهات فى العربيات القديمة كدة ، بس فربنا يستر الفتيس ميكونش فى حاجة
وشكرا مرة تانى يا كبير على معلوماتك المفيدة

المشاركة الأصلية كتبت بواسطة MMamdouh

مفيش الكلام دة خالص

النوبيرا الباور بتاعها خفيف جدا... اكيد العربية فيها مشكلة

و موضوع جلب المقصات ملوش اى علاقة بوزن العربية... الجلب اصلا مش شايلة وزن العربية اساسا

MMamdouh

احلى حاجة التوقيع بتاعك

المشاركة الأصلية كتبت بواسطة midooo_119

اهلا بيك مع احترامى لوجهه نظرك دى فعلا حاجه معروفة باور النوبيرا تقيل مقارنة بالانوس مثلا وده بالفعل عشان العربية نفسها تقيله وده سبب انها بتاكل جلب مقصات كتير ..
معلش بقى اصلى لافف عالعفشجية و عارف و كلهم بياكدوا ده
كل سنة وانت طيب

الباور خفيف جدا علي فكره وناس معاها كورولا قالولي ان النوبيرا اخف كمان منها