جبت نوبيرا اتوماتيك واليكم الملاحظات
الحمد لله خلصت فى نوبيرا موديل 2005 اوتو ، راشة برة معادا السقف ودواخل فبريكا بالكامل وحالتها كويسة وكل حاجة شغالة تمام وكاوتش وبطارية جداد، عاملة 70000 كم واللى مشتريها منه المالك الاول للسيارة وقالى انه لسة عامل سيرفس للعربية ومغير الكاتينة والسيور والزيت
ملاحظاتى بقى واللى عايزكم تفيدونى فيها
اولا الباور تقيل شوية وبيبقى تقيل اوى فى الركن ياترى ده ممكن يكون سببه ايه؟ انا شيكت على زيت الباور مش ناقص
ثانيا الفتيس انا لما كشفت عليه وانا بشترى العربية الميكانيكى قالى المتور والفتيس تمام حالتهم ممتازة ، بس فى تكة صغيرة كدة بسمعها لما بدى غيار ، هية مش رزعة بس صوت كدة خفيف وحركة بسيطة للعربية فى اتجاه الغيار،بس فى المشى الفتيس ناعم والنقلات مش بحس بيها وبينقل على 2500 الى 3000 ار بى ام والسحب كويس.. هل ده معناه ان فى حاجة غلط فى الفتيس؟
برجاء الافادة
