ربنا يخليك إن شاء الله اتصل بيه واشوف اسعار الكاوتشات عنده
عرض للطباعة
امبارح خدتلى جولة فى شارع شمبليون اسأل عن اسعار الكاوتشات بصراحة شىء محبط جدا التعامل مع الناس هناك محدش فاهم أى حاجة ومش عايزين غير واحد يقولهم مقاس الكاوتش وخلاص ما يعرفوش الموديلات ولا يفهموا الفرق بين تصنيفات الكاوتش وحتى الاسعار زى الزفت ويادوب شاملة الترصيص والبلوف وبس
ده نفس اللي أنا عملته في شارع أحمد سعيد
وجالي اكتئاب
ياباشا الناس دي ملهاش دعوة باللي إنت عايزه إيه
إنت عايز كاوتش مقاس كام هترد هيقولك بكذا خلاص خلصت مش هيحكي
الوحيد اللي عرفت أتكلم معاه في الكاوتش أحمد اللي أنا كتبتلك رقمه و محمد بتاع التوكيل اللي أنا ماجبتلكش رقمه بس كده وأنا كنت عارف من الأول أنا عايز إيه وكلامي معاهم كان دردشة عشان هم كانوا شباب زيي فـكنا بنحكي شوية بس كده
بس ضفولي معلومة والناس استقبلتني كويس
على فكرة أنا مركب عند أحمد ده مش بأقل سعر بس الفرق كان بسيط وأنا دفعته راضي في فرق المقابلة مابين المكانين بس مش أكتر
أنا اتصلت بأستاذ أحمد النهاردة وحسيت انى كلمت حد محترم وفاهم وجيبت منه سعر البريللى وده عامل 490 وسوتوموتو ب 480 وقالى ممكن يجيبلى سعر الكومهو والهانكوك اما الجود يير مش موجود منه المقاس اللى أنا عايزه بس لقيته فى المقاس اللى قبله 185\65 ب 400 جنيه وحاحاول انى اروحله زيارة اشوف اللى عنده.
المشكلة اللى بتقابلنى دلوقتى انى محتار بين انى اجيب المقاس اللى أنا عايزه بمميزاته بس حايبقى غالى عليا وكمان مش متوفر فى كل الماركات ، أو اجيب مقاس المصنع اللى هو 185\65 وحايبقى اقل فى الاداء لكن موجود منه كل الموديلات وبسعر اقل من اللى أنا محدده كمان
أنا كنت عارف إنه هيقنعك بـ بريللي عنده عقدة اسمها بريللي مش عارف ليه
ممكن نسأل وكيل goodyear على المقاس ونشوف إنت سألته elconti بكام عشان أنا فاكر إنه كان عنده مش متأكد
وبعدين احنا اتفقنا كاوتش إيه كوتمتو اللي إنت هتجيبه ده
وفالاول والآخِر لو هيجيبلك فردة دهب نجيب الموديل ونبص على ال reviews بتاعتها
بص أنا هكلمه واشووف ولو عرفت أروح توكيل goodyear هسألك هناك
بمناسبة با تغير مقاس دي اللي فهمته إن عندك 195 واللي إنت بتفكر تركبه 185
ده هيفرق معاك جامد في حاجات كتير handling و stability أولهم وأهمهم
أنا كان عندي 175 ركبت 185 ال 110 بقت 130 140
خلي تغير المقاس ده آخر حاجة تفكر فيها وربنا يكرم
أنا كلمته دلوقتي هو قال لي إن المقاس الأصلي بتاعك 185 وإنك إنت اللي معدل
وعلى فكرة هو قال لي إن المقاس ال 195 عنده goodyear بس مرضيش يقولك عليه عشان قديم بيقولي عدى سنتين أو حاجة كده
على كل حال ده قرارك إنت إنك ترجع 185 ولا تكمل 195
يا باشا ده كتير أوى وأنا تعبك كده معايا جدا ملوش داعى والله كل ده .
أنا وصلتنى رسالتك الخاصة وبإذن الله اتصل بيك النهاردة
لسة شارى النهردة فردتين كومهو فيتنامى ب 430 الواحدة مقاس
195/65 r15
91v
جيبتهم منين؟
الكونتيننتال فردة محترمة بس ابعد عن الرومانى بيكون انشف شوية من الفرنساوى والالمانى مش موجود اصلا
بس مشكلتها الانتشار لو حصل لفردة حاجة