لو حد حب يشتري عربيه متهربه وورقها سليم (معلومه للكل)

في الاونه الاخيره انتشر موضوع العربيات المتهربه من ليبيا وغير ليبيا
الناس تشتري العربيه بمبلغ تافه
ويتعملها ورق وملف في المرور وتعلق نمر ورخصه سليمه وكل ورقه في ملفها سليمه 100%
ولكن!!

طبعا الموضوع ده مفيش حد مفكرش فيه
لانه يسيل لعاب اي حد وانا قتلت الموضوع بحثا
ايه يدفعني 200 الف في عربيه لما ممكن اشتريها ب60 ولا 70 الف جنيه
----------------------------------------------------------
كان عندي واحد صاحبي تاجر عربيات من شويه وفصصلي الموضوع
وقولت لازم افيدكم زي ما استفدت
لان اتعملت مواضيع كتير في المنتدي عنالعربيات دي
شوف يا سيدي الفاضل منك له
معاليك حتشتري سوناتا او 525 او حتي 740i
وكله باتمان رخيصه
ورخصه ساريه وسليمه
وكله تمام التمام
فين بقي الخازوق
اقولكم فين الخازوق زي ما اتشرحلي
معاليك حتيجي تجدد بعد 3 سنين مثلا
فحص وبصمات واوراق وكله تمام
بس حتيجي عند جزئيه مراجعه الملف
اين الافراج الجمركي !!!!!!!!!!!!!!!!!
بكل بساطه ملفك كله سليم بس العربيه مفيهاش افراج جمركي
حيروج موظف المرور بكل بساطه برضه مخاطب الجهات والمنافذ المختصه باصدار الافراج الجمركي
يا عالم عربيه شنوري اللي رقم موتورها كذا ورقم الشاسيه كذا حدش فيكم شافها
بكل بساطه حيقولوا مشوفناهاش
وساعتها الموضوع حيتنقل من هيئه الجمارك
لمنافذ الدخول الموجوده (نويبع - السلوم - المطارات )
حدش شاف عربيه شنوري يا ناس
وكله حيقعد يدور عنده
لحد ما حيقول لا دي مش عربيه شنوري
العربيه دي دخلت بالتاريخ الفلاني باسم فلان الفلاني
ومخرجتش من البلد تاني
طيب تمام كده يا جمارك متشكرين منكم
خدوا بقي عنوان شنوري صاحب العربيه
وادوه للمباحث
وكل ده وصاحب العربيه مش حاسس بحاجه لحد دلوقتي
تعالي يا عم شنوري
اشتريت العربيه من مين ياحبيبي
من كريم منير يا باشا
فين العقد يا شنوري اهوه يا باشا
تروح المباحث لكريم
جايب العربيه منين يا كيمو
من فلان وادي عقدها
وتمشي السلسله لحد ما يتجاب اصل واول واحد ضرب ورق العربيه
وفي النهايه
لو ربنا بيحبك العربيه حتتصادر وفلوسك راحت عليك يا شنونو واقعد نقر في الاسفلت زي السنونو
ولو ربنا غضبان عليك حتلبس اسود انت وكل حلقه في سلسله شرا العربيه دي
واكيد لو العربيه داخله متهربه عن طرق غير المنافذ الشرعيه الخازوق حيكون اكبر
----------------------------
يا ريت لو حد عنده اضافه للموضوع يقولها علشان الناس تستفيد
واللي اشتري يروح يراجع ورق عربيته في المرور ويشوف اصلها جاي منين

والله ياباشا الاضافه: 1- امشي عدل يحتار عدوك فيك, 2- عيش على قد جيبك :)

ربنا يستر على الايام اللي بتعيشها البلد دلوقت
واحد تاجر عربيات بيحلفلي ان ناس بتجيلوا بعقود عليها ختم الجمهورية جاهز
والسعر 600 جنيه

اقتباس:

---

المشاركة الأصلية كتبت بواسطة abdulkhaleq

والله ياباشا الاضافه: 1- امشي عدل يحتار عدوك فيك, 2- عيش على قد جيبك :)

---

والله يا باشا الموضوع مغري جدااااااااا
لما تشتري سوناتا ب20 الف جنيه
وتصرف عليها 30 تخليص ورق واللذي منه
كانك شاري لانوس نضيفه
مع فرق تقفيل رهيب بين اي عربيه بتنزل بره مصر عن اللي جوه مصر
بجانب ان الحكومه بتنهشنا في الجمارك
فلازم تفكر مليون مره وريقك يجري عليها

طيب سؤالين لولبيين :
1)اللى جاب العربية من بره و عملها ملف و ورق و كل الحكاية دى , مش هيعرف يعملها افراج جمركى ؟
2)أعرف منين أن ورق أى عربية أنا بشتريها سليم ؟
يعنى ممكن الحكاية دى تتعمل فى أى عربية مش لازم تكون غالية
و أكيد هتبقى أرخص

اقتباس:

---

المشاركة الأصلية كتبت بواسطة semi

ربنا يستر على الايام اللي بتعيشها البلد دلوقت
واحد تاجر عربيات بيحلفلي ان ناس بتجيلوا بعقود عليها ختم الجمهورية جاهز
والسعر 600 جنيه

---

يا ريت توضح عقود ايه علشان انا مش فاهم

انا صاحبي اللي كان عندي بيقولي اتعرض عليه عربيه تمنها 480 الف جنيه
ب30 الف جنيه
وهو اصلا عنده مركز صيانه وعادي جدا انه يبيعها قطع غيار والباب تمنه حوالي 8000 جنيه
بس مرضاش ياخدها

لانك ممكن في نهايه السلسله
تلبسلك انك اشتريت 30 عربيه
قضايا متقفلتش وعاوزين اي حمار يحطوها علي ضهره وهما يترقوا والناس تلبس

اقتباس:

---

المشاركة الأصلية كتبت بواسطة omar61995

طيب سؤالين لولبيين :
1)اللى جاب العربية من بره و عملها ملف و ورق و كل الحكاية دى , مش هيعرف يعملها افراج جمركى ؟
2)أعرف منين أن ورق أى عربية أنا بشتريها سليم ؟
يعنى ممكن الحكاية دى تتعمل فى أى عربية مش لازم تكون غالية
و أكيد هتبقى أرخص

---

محدش حيتحمل مخاطره علي عربيه رخيصه
ليه تهرب كونتينر بانجو مع انك لو هربت كيس بودره حيكون مكسبه اكتر من الكونتينر

بخصوص الورق اظن انك ممكن تطلب مراجعته في المرور او وانت بتشتري تخلي صاحب العربيه ينقلك الملكيه

شكرا" عالتحذير يا غالى
جزاك الله خيرا"

تحايل رقم 2

معاليك عندك عربيه ونقول شيروكي مثلا
حتشتري عربيه متهربه نفس الموديل واللون وكل حاجه
وتروح زي الشاطر تعمل محضر فقد رخصه العربيه
وبكده انت معاك عربيتين ورخصتين
بعد شهرين كده تروح تعمل محضر فقد لوحات معدنيه
وتركب اللوحات الجديده اللي حتاخدها علي العربيه الجديده
وتحط فيها الرخصه
-------------------
الميزه
انك عندك عربيتين برخصتهم

الخازوق
هوصعب يحصل بس مش مستحيل
ظابط جامد ملهوش حل (ودا من المستحيلات)
يوقفك ويفحصلك العربيه ويرفع بصمه
ويكتشف التزوير
ودا زي ما قولنا صعب انه يحصل بس مش مستحيل لانهم بيخافو من العربيات الغاليه
مع ان المفروض يتشدد عليها
-----------------------------------

تحايل رقم 3

انك تشتري عربيه عامله حادثه
وتشدها شده جامده ملهاش حل (شده توكيل)
وتشتري عربيه نصين نفس الموديل وتشيل من الجديده وتركب في القديمه
ويفضل تكون محروقه علشان تكون اساسياتها سليمه


الميزه

وضع قانوني 100% وصحيح
بتوفر شويه فلوس مش كتير اوي
بس بتديلك ركوبه محترمه

الخازوق
مفيهاش اي خوازيق نهائي
الا في حاله انك تقطع رقم الشاسيه من الحادثه وتركبه في السليمه
وساعتها العربيه حتتصادر منك
وبدل ما تلبس اسود حيرشوك اسود مط وتدخل الفرن وربنا يعوض علي فلوسك

جزاك الله كل خير
طيب مانا ممكن اشتريها وافككها وابيعها قطع غيار واكسب فيها كمان

اقتباس:

---

المشاركة الأصلية كتبت بواسطة karim ibiza

جزاك الله كل خير
طيب مانا ممكن اشتريها وافككها وابيعها قطع غيار واكسب فيها كمان

---

اولا مش حتعرف تبيع الموتور ولا الشاسيه
ثانيا
لو جيبتها نصين من بره بالطرق الشرعيه حتقف عليك ارخص
اغلي عربيه نصين بالطرق الرسميه مش بتعدي 25 الف جنيه
والكلام علي العربيات الفارهه
وفعليا المسروق والمتهرب كله بيتقطع نسبه صغيره بس اللي الناس بتحاول ترخصها

لأ معلش
هيبيع وش سلندر وبساتم وصبابات وهيسيب البلوك
و الشاسيه هيتقطع كله وهيتباع برضه
الكلام ده لاللى لبس وأشتراها وخلاص

اقتباس:

---

المشاركة الأصلية كتبت بواسطة ahmed_h_g

لأ معلش
هيبيع وش سلندر

---

عمرك شوفت مرسيدس ولا بي ام جديده جايبه وش سلندر ههههههههه
دا كده اللي سايقها عاوز الحرق

عندى سؤال ... لو المحاوله نجحت و عرفت تهرب من البشر ، هتهرب ازاى من حساب ربنا؟ الجمارك دى و ان كانت مجحفه الا انها فى الاخر بتطبق على الشعب كله و العائد بتاعها المفروض انه يستخدم لخدمه الشعب. انا معاك ان الفلوس دى ممكن تكون بتتسرق من بعض معدومى الضمير لكن الوزر برضه عليهم و مش هيقدروا يهربوا منه و لا يلبسوا القضيه لحد تانى. الخلاصه ان دى تعتبر سرقه و وزر على فاعلها ده بافتراض انه ما اتمسكش و خد جزاؤه فى الدنيا كمان

اقتباس:

---

المشاركة الأصلية كتبت بواسطة shnory

يا ريت توضح عقود ايه علشان انا مش فاهم

انا صاحبي اللي كان عندي بيقولي اتعرض عليه عربيه تمنها 480 الف جنيه
ب30 الف جنيه
وهو اصلا عنده مركز صيانه وعادي جدا انه يبيعها قطع غيار والباب تمنه حوالي 8000 جنيه
بس مرضاش ياخدها

لانك ممكن في نهايه السلسله
تلبسلك انك اشتريت 30 عربيه
قضايا متقفلتش وعاوزين اي حمار يحطوها علي ضهره وهما يترقوا والناس تلبس

---

فعلا الطمع وحش وكيس انه متغرش

اقتباس:

---

المشاركة الأصلية كتبت بواسطة SHNORY

عمرك شوفت مرسيدس ولا بي ام جديده جايبه وش سلندر ههههههههه
دا كده اللي سايقها عاوز الحرق

---

هههههههههههههههههه

المصرى يبحث ويتفنن ويبتكر فى النصب

اقتباس:

---

المشاركة الأصلية كتبت بواسطة SHNORY

والله يا باشا الموضوع مغري جدااااااااا
لما تشتري سوناتا ب20 الف جنيه
وتصرف عليها 30 تخليص ورق واللذي منه
كانك شاري لانوس نضيفه
مع فرق تقفيل رهيب بين اي عربيه بتنزل بره مصر عن اللي جوه مصر
بجانب ان الحكومه بتنهشنا في الجمارك
فلازم تفكر مليون مره وريقك يجري عليها

---

يافندم الكلام ده لو عندك بي ام وهتقلبها M3
او لانسر مكواه عايز تقلبها ايفو
الشاسيه ليه ملف واللعب معظمه في تسقيط الموتور, والزوايد انت وشطارتك :grinder:

انما حاجه مسروقه او متهربه واحتمال كبير يتقبض عليا :pirate03:

لأ بلاش منها احسن :w6266d

نصيحة لوجه الله تعالي
إللي بيتمسك بيتحبس :)
هو وموظفين المرور والعربية بتتصادر

وبالنسبة لموضوع إن مفيش ظابط خلاصة هيفيشك لأ في :)
عشان العربيات المتهربة بتبقي معروفة

ده غير مباحث المرور إللي طول النهار بيجيبوا عربيات متهربة من غير صاحبها ما يجدد ولا يفحص ولا أي حاجة بس بالتحريات
أصل لما أي تاجر من دول بيتمسك بيقعد عالخرارة وبيخر علي كل العربيات إللي باعها :))

وأيا كانت الطريقة سعادتك لو لا قدر الله عملت أي حادث ولو بسيط كده كده هتتفيش هتتفيش :)

وكل عام وأنت بخير :)))

انا نفسي اهرب كامارو من السعوديه d:

تقريبا مفيش غير مصر و سوريا الي مطبقين نظام الجمارك دلوقتي !