الموضوع: مطلوب في أسرع وقت سيارة بسعر لا يتعدى 75 الف جنيه كاش

السلام عليكم

انا كان معايا مازدا 3 موديل 2011 هاي لاين و راحت مني في حادثة هلاك كلي ، الحمد لله و قدر الله و ماشاء فعل


انا دلوقتي بدور على سيارة تانية تكون قريبة من مستوى المازدا 3 و محتاجها تكون (فتيس أوتوماتــيــــك) وفيها تكييف ممتاز في حدود 72 الف جنيه كاش مش هاقسط ان شاء الله، لأني داخل على جواز و مش قادر أصرف أكتر من كده و مرتبي مايستحملش تقسيط عربية و جواز ، و طبعا محتاجها حالتها كويسة جدا مش هادفع 72 الف و لسه تكون محتاجة اصرف عليها كمان وانا ورايا مصاريف جواز :)

السيارات اللي دورت عليها و لقيتها حالة موتورها و فتيسها فوق الممتااازة و حالتها كفرش و صاج و عفشة كويسة جدا و فبريكة بره و جوة أو فيها رتوش و مرمات بسيطة في السعر ده :

باسات موديل 2000 ، 1600 سي سي، عاملة 100 الف كيلو متر(يعني ما مشيتش كتير في 12 سنة و موتور الماني يعيش)

مازدا 3 موديل 2008 بيز لاين عاملة 75الف كيلومتر

أوبترا موديل 2008 عاملة في حدود 50 الف كيلومتر

الانترا موديل 2008 عاملة 60 الف كيلومتر

لانسر 2008 عاملة 60 الف كيلومتر

تويوتا ياريس موديل 2008 عاملة 70الف كيلومتر

كلهم للأسف لما سألت عليهم كانو متباعين ، فلو حد عايز يبيع نفس العربيات دي او موديلات و انواع تانية تكون حالتها كويسة في حدود السعر ده ياريت يبعتلي رسالة على الخاص فيه مواصفات العربية و عاملة كام كيلو و حالة الموتور و الفتيس(لازم يكون اوتوماتيك) و فبريكو بره و جوه و لا لأ ولو في أي عيوب في السيارة كبيرة تكون واضحة من قبل المقابلة عشان مانضيعش وقت بعض ،و لو في اماكنية ان يكون في صور مرفقة يكون أفضل طبعا و أوفر في الوقت لكل الأطراف و السعر كام و رقم الموبايل عشان سرعة الاتصال ، هاتصل بيه و نحدد معاد للمقابلة بأسرع وقت لأني محتاج العربية ضروري جدا، مش قادر الف و ادور و اشوف مشاوير الجواز في المواصلات و ظروف شغلي البعيد مخليه وقتي ضيق مافيش فيه وقت للمواصلات و تأخيرها ومصاريفها

ملاحظة مهمة : انا هاحتاج اعاين العربية الأول و لو عجبتني يبقى ان شاء الله هاحتاج ارفعها في (التوكيل بتاعها) ان شاء الله مش في بنزينة !

ملاحظة أهم : ممنوووووووووووووووووووووع التجااااااااااااااااااار و الو سطااااااااء نهااااااااااااااائي !!


شكرا جزيلا مقدما ، و ربنا يوفق لما فيه الخير للجميع

كل سنة وانتو طيبين

أخوكم : عمرو
مهندس ميكانيكا