السلام عليكم
النهاردة وانا ماشي العصر كده في عز الحر والدنيا واقفة ومشغل التكييف وبعد ساعتين من الوقفة تقريبا اول وتاني وواقف مرة واحدة لاقية العربية زي ما تكون مبرجلة وكنت واقف ساعتها روحت قافل التكييف بسرعة بعديها ب 10 ثواني لاقيت العربية بطلت . حاولت ادور دارت بس بعد ما ادوس دوسة بنزين ولو مزودتش بنزين بعد ما تدور تفصل تاني المهم فضلت مقضيها كده لغاية ما ركنت شوية قولت يمكن سخنت اوي اي حاجة وقفت حوالي 10 دقائق بعد كده عملت نفس القصة بس مبقيتش تبطل علي طول زي ما عملت من شوية ولمبة التشيك نورت شوية وقفلت المهم خرجت من الزحمة لغاية ما لاقيتها عادي ومش بتبطل بس العربية مش مظبوطة حاسسها مبرجلة المهم ركنتها وقولت اشوفها بعد الفطار . دورتها كده بعد الطراويح دارت بس برده مش مظبوطة اشغل تكييف احسها انها عاوزة تفصل ازود بنزين اسمع صوت تنفيس كده من ادام وتبطل . يبقي دي مشكلة ايه واروح بيها لميكانيكي ولا كهربائي ؟؟
العربية لانوس 2008 واسف علي الاطالة .