تجربة الشد مع الصنى الجديدة
أنا معايا سوبارو إمبريزا كنت راجع من أكتوبر للمعادى قبل الفطار و متأخر على عزومة ، و الطريق كان فاضى فقلت اعوض التاخير بالجرى ،
المهم لقيت قدامى صنى الجديدة نبيتى و قررت اعديه لكنه قرر يشد معايا لغاية ما وصلنا 175 km و عديته لغاية ما وصلت ل185km ،
لكنه بصراحة اثبت كفاءة عالية فى الطريق من الواضح أن العربية كانت مديه ثبات فى مطبات الهواء و الملفات
ده بالضافة إلى التسارع الجيد جداً لم اتوقعة ابداً منها خصوصاً أنه من الواضح أنها لسه زيرو يعنى لسه ما تفتحتش ،
المهم انا عامل الموضوع ده عشان أعتذر للعربيه دى
لأنى بصراحة أستهيفتها و قلت حاعديها بسهوله جداً لانى بطلع من عربيان كتير زى الأوكتافيا و الجيتا و 316 و الانسر لكنه اثبت العكس ،
من الأخر أن دى عربيه من الواضح أن أدائها مختلف عن شكلها تماماً , lو مثيره للأهتمام و اتوقع لها نجاح باهر فى السوق المصرية .