عرض للطباعة
السلام عليكم انا ان شاء الله هبيع عربيتي 318 موديل 2004 وناوي علي 525 والمهندس اللي بصلح عنده العربية نصحني بموديل 2004 وقالي ان ده احسن موديل نزل في الفئة دي
انا قدامي كذا حاجة من موديل 2004 لحد 2008 ومش عارف كلام المهندس مظبوط ولا لا لان لو كلامه مش مظبوط اكيد الموديل الاحدث هيكون افضل بالنسبة للحالة وعدد الكيلوهات فكنت عايز اخد رايكم في الموضوع ده هل اخليني في 2004 زي ما قالي ولا الاحدث هيكون افضل؟
يعنى المهندس قالك ان 2004 احسن من 2009 مثلا
اعتقد ان ده مهندس مراكب شراعيه
باشا ميزانيتك هى البتحكم
لو معاك تمن ال 2009 اشترى بدون تردد
هل سالت المهندس اسباب تفوق موديل 2004 عن باقى الموديلات الاحدث ولا هو راى شخصى له علشان يمكن عنده واحده زيها ---- وان اقتنعت بمنطق كلامه نفذ واشترى 2004 ولو مااقتنعتش اشترى اللى تحبه من موديلات احدث .
اعتقد انك بتتكلم فى مبلغ من 160 الى 300 الف! رينج واسع جدا جدا!!
لو حضرتك ناوى تركب سنتين تلاته وتغير, يبقى خليك فى ال 2004 هاتخسر 50-60 الف بالكتير
ال 2009 هاتخسر 100 الف ساعتها
ولو الفلوس مش فارقه معاك خالص..يبقى هات ال 2009 طبعا
طيب سؤال تاني معلش أنا شفت الاسعار وفعلا الفرق بين موديل 2004 ل 2008 في السعر أكتر من 100 ألف فهل فرق الإمكانيات يستاهل فرق السعر ده كله يعني كنت عايز أعرف موديل 2008 بيتميز بـإيه عن 2004 ؟
- لو ميزانيتك على e39 525 مو 2004 يبقى زود شويه و هات e60 525 مو 2006 حتلاقيها فى رنج 220 الف و هى مثل مو 2009 ....
- مو 2004 هو شكل قديم e39 و من اول 2005 الشكل الى بعده e60 و يفرق فى كل حاجه من العفشه للثبات لقوه الفرامل و الباور ستيرنج و قوه المواتير و توفير البنزين والاوبشنات و الوسع الداخلى ......