الموضوع: ثلاجة النككييف فى a15

المشاركة الأصلية كتبت بواسطة ahmedebian77

السلام عليكم
كل عام و انت بخير اريد الاستفسار عن موقع الثلاجة الخاصة بالتكييف فى شيرى a15 و ماهو الذى يؤثر على سرعة و جودة التكييف داخل السيارة
و شكرا

وعليكم السلام.
كل عام وانتم بخير يا استاذ / احمد
ثلاجة التكييف خلف التابلوه امام الكرسى بجوار السائق وفلتر التكييف نفس المكان من الخارج تحت الفبرة والسحب من الكابينة بدون فلتر وجودة التكييف لها عدة عوامل ح يحددها فنى التكييف ..... من نظافة السربنتينة وكمية الفريون ف الدايرة وهل هو فريون بس ولا معاه هواء ولا مفيش فريون اصلا واخيرا جودة الكباس و الخطوط والمواسير من السدد والثقوب.

المشاركة الأصلية كتبت بواسطة ahmedebian77

الف شكر يا استاذ احمد بس عايز اسأل عن حاجة حصلت فى العربية a 15 بتاعتى انا كشفت على المياه و كانت ناقصة حوالى 2/1 كوب ماء و بعدين سافرت الى القاهرة وكنت طول النهار فى القاهرة و مشغل التكييف طول الوقت من الزقازيق الى القاهرة و العكس و داخل القاهرة و لما رجعت وانا ماشى بالعربية فى اليوم التالى لقيت لمبة الحرارة نورت و لما كشفت على المية لقيتها ناقصة حوالى لتر فهل هذا طبيعى؟

طبيعى الى حد ما العربية شغالة طول النهار والدنيا حر بس مش لتر ....لتر كتير قوى اكشف على الوصلات والردياتير ممكن يكون فى حاجة بتخر وانت مش شايفها .

المشاركة الأصلية كتبت بواسطة ahmedebian77

شكرا يا استاذ احمد على الرد على العموم انا كملت المياة فى القربة و سايب العربية واقفة من امبارح و تاوى انزل اشوف المية نقصت ولا لسه
فى حاجة تانية عايز اسال عليها لما اهز الموتور من ناحية الدينامو الموتور بيتهو معايا والكرتيرة بتخبط فى المصفحة اعمل ايه علشان اثبته

شوف قاعدة الموتور الامامية ودى امام فرن الشاكمان لتحت شوية ح تهز الموتور وتبص عليها وتشوفها مقطعة ولا سليمة ودى فيها زيت وح تبان لو كانت مقطعة ولا سليمة وبيركب عليها قاعدة موتور جولف3 من عند بتوع الالمانى.

المشاركة الأصلية كتبت بواسطة ahmedebian77

السلام عليكم كل عام و الجميع بخير
كل سنة وانت طيب يا استاذ احمد معلش احنا دوشينك معانا بس احنا بنسأل اهل الخبرة عايز اسأل عن حاجتين:
1- لما هزت الموتور لم اجد اى قطع فى قاعدة الموتور فهل ده معناه انه فقط عايز تربيط؟
2- عايز اعرف فين مكان العين الزجاجية الخاصة بالتكييف؟

شكرا

1- يا استاذ احمد الموتور ما فيهوش حاجة تتربط هو مربوط على قاعدتين كاوتش من الامام والخلف وواحدة المونيوم شايلة الجير بوكس ح تربط ايه ف الحاجات دى.
ممكن اللى عايز يتربط المصفحه نفسها.
2- التكييف لا يوجد له عين زجاجيه.
3- انت لازم تروح لفنى تكييف لو عايز تصلح التكييف بتاعك.
4- مفيش دوشة ولا حاجة وتقدر تسأل زى ما انت عايز.
ارجوا انى اكون نجحت ف شرح الموضوع.