-
مقاس كاوتش 128
لو سمحتوا يا رجالة كنت عايز أعرف المقاس الستوك بتاع ال 128
وكمان هل ينفع يركب عليها 13-70-175
وإيه أضراره غير فرق العداد والتسارع لو هو اكبر
عشان كان فيه واحد من هنا كان بيبيع 14-60-185 وده نفس المقاس وقال إنه عمله مشاكل في العفشه
كنت عايز أعرف إيه المشاكل دي
-
إيه يا رجالة ماحدش عارف مقاس ال 128 ولا إيه
-
المقاس الاصلي هو 145/80 جنط 13 بوصة
بتاع مصنعه
ولنفس المحيط يوجد مقاس بديل 165/70 - 13
وبصفة عامة بلاش جنط 14 خالص
-
-
165 / 70
r13
على جنوط سبور
-
1000 شكر يارجالة على المساعدة
طب معلش سؤالين كمان
- الجنوط 4*100 ولا حاجة تانية ؟
- مقاس 13-70/175 ينفع ولا هيعمل مشاكل فالعفشه وإيه هي المشاكل دي ؟ عشنا ن فاكر كان فيه واحد معاه ال 14-60/186 وده هو نفس ال 13 بالضبط وقال إنه عمله مشاكل كتير فالعافشه وكان بيبيعوا
-
المقاس الأصلي زي ما قال Azeemov هو13/145/80 و المقاسات البديلة هي
13/155/75
13/165/70
و بالنسبة للمقاس 13/175/70 فده انا مركب منه فردتين ورا و كانت الفردة اليمين بتحك في الرفرف لما اكون محمل اتنين على الكنبة الخلفية بس لما عليت العربية مابقاش يحصل أى مشاكل و الحمد لله بل بالعكس مدين ثبات واضح للعربية .. و الفردتين اللي قدام مقاسهم 13/165/70 و مرضيتش اركب ال 175 قدام لأن بتاع الكاوتش قاللي انهم هايخلوا الدريكسيون تقيل .
-
المشكلة فى العفشة المقصات والبيضات بتبوظ بسرعة لثقل وزن الكاوتش على المحاور والأسكترا امامى اما خلفى علبة الشاسية بتتكسر واللحم كل شوية و عموما احكيلك عن شاسية ال 128 الأمامى ضعيف جدا وذلك لثقل وزن الموتور علية عملت 3 مرات شبلونة للشاسية وغيرت الثلث الأمامى مرة هى عربية للسفر فقط ولكن جوة البلد والمطبات اجارك الله دة الشاسية الأمامى اما الخلفى لازم تعمل فية تقويات فى العلبة اللى فوق السوستة وبردة بتاخد حوالى 3 سنوات وبتحتاج لحام هى موتور جبار وفى السفر اقتصادية فى البنزين بشرط البعد عن المطبات دى خلاصة 14 سنة خبرة والمقاس السليم 145/13/80 او 155/13/60 ودة يركب فى الاربع فرد ميحكش فى الرفارف بس بيوطى العربية شوية
Content Relevant URLs by
vBSEO 3.6.0 PL2