مازدا 3 - سيراتو كوبية

ممكن اعرف انهى احسن و فى اية مازدا 3 - سيراتو كوبية ؟؟؟؟

كوبيه أفضل في التسارع ...
مازدا أفضل في الراحة الداخلية و الارتفاع عن الأرض و المساحة الداخلية في النعومة و العفشة القوية ..

مش عارف شايف إني لو مكانك كنت هفكر بطريقة مختلفة تماما ..

بص لو انت شاب و بتخرج كتير لوحدك و العربية دي مي هتكون عربية الأسره .. بمعنى إن دي العربية رقم 2 في البيت مش العربية رقم واحد .... أوكاي ... هات الكوبيه مافيش مشاكل ..
لكن لو دي العربية الأولى ... رأيي إن فيه عربيات أفضل من الاتنين دول بوجه عام في السوق و بنفس السعر .

Dawns_Mist شكرا على الرد بس انتا شايف اية يعنى فى نفس السعر فى رايك ((و ماتؤلش النترا )) :)

انا مش هاتكلم عن الكوبيه عشان معرفهاش..
بس اللى جربتها و جربت سواقتها المازدا 3..
كانت جميلة جداً و بتشد كويس, و تكييفها ممتاز.. بس عيبها الأساسى إنها واطية, يعنى لو ركبت و معاك ناس خاصة لو كان فيه حد تقيل شوية سهل أوى إنها تحك فى المطبات.. رأى Dawns-Mist ممتاز انهم مينفعوش كعربية للعائلة..

نفس الرينح و الله أعلم ممكن Hyundai I3, نيسان تيدا, رينو فلوناس.. و فى الأخر بتهيألى أى عربية بتحدد على حسب إستخدامك ليها عايزة ليه.. عائلية و كبيرة و كده و لا إستخدام شباب و مش فارقة أوى الوسع مثلاً ..

اقتباس:

---

المشاركة الأصلية كتبت بواسطة mostafamohamed

Dawns_Mist شكرا على الرد بس انتا شايف اية يعنى فى نفس السعر فى رايك ((و ماتؤلش النترا )) :)

---

الفئة السعرية دي متوسطها 150 ألف

شارك ( أداء رياضي - شكل جميل - عالية عن الأرض - كماليات مناسبه و معقولة - ثبات و أمان ممتازين )
ميتسوبيشي شارك .. يعني خدت ميزة من كل بيت و جمعتهم في عربية واحدة
فليوانس ( راحة و نعومة - كماليات وهمية - عالية عن الأرض - ركوبة فخمة - توكيل ممتاز - أمان ممتاز )
رينو فليوانس .. يعني حاسس إنك راكب عربية بربع مليون و انت دافع بس 150 ألف
برافو ( أداء قوي جدا جدا - شكل تحفة - كماليات ممتازة جدا - فخمة - نعومة - أمان وهمي )
فيات برافو .. يعني التميز في الشكل و القوة في الأداء .. لكن هتتعب شوية في قطع الغيار

طبعا ناهيك عن التيدا الهاش باك الجديدة ، و السيتروين c4 الجديدة ، و حاجات تانية كتير حلوة ...... لكن أكيد أكيد ... مش الإلنترا :grinder:

اقتباس:

---

المشاركة الأصلية كتبت بواسطة dawns_mist

الفئة السعرية دي متوسطها 150 ألف

شارك ( أداء رياضي - شكل جميل - عالية عن الأرض - كماليات مناسبه و معقولة - ثبات و أمان ممتازين )
ميتسوبيشي شارك .. يعني خدت ميزة من كل بيت و جمعتهم في عربية واحدة
فليوانس ( راحة و نعومة - كماليات وهمية - عالية عن الأرض - ركوبة فخمة - توكيل ممتاز - أمان ممتاز )
رينو فليوانس .. يعني حاسس إنك راكب عربية بربع مليون و انت دافع بس 150 ألف
برافو ( أداء قوي جدا جدا - شكل تحفة - كماليات ممتازة جدا - فخمة - نعومة - أمان وهمي )
فيات برافو .. يعني التميز في الشكل و القوة في الأداء .. لكن هتتعب شوية في قطع الغيار

طبعا ناهيك عن التيدا الهاش باك الجديدة ، و السيتروين c4 الجديدة ، و حاجات تانية كتير حلوة ...... لكن أكيد أكيد ... مش الإلنترا :grinder:

---

+111111111
تمام وخصوصا الشارك وبرافو والتيدا ..