الموضوع: رحلت بحثي عن سياره

السلام عليكم ورحمه الله وبركاته
انا حبيت احكي ليكم قصه بحثي عن سياره من طريق النت الي اغلبهم عالم لاتوجد زمه لهم
في يوم شفت اعلان من غير صوره للعربيه قولت يمكن صاحبها معهوش موبيل بي كاميرا
عربيه جولف 2 موديل 92 واتصلت بيه وقولتله انتا حضرتك مسقط الماتور 1800 الي فيها قالي لا انا شاريها كده قولتله تمام هيا كربراتير قالي لا انجكشن قولت ازاي البي بي بينزل في الجولف 3 المهم قولتله العربيه فيها برومه هل هيا رشه يقولي لا وتعالي اتفرج عليها ويها هتعجبك
المهم رحت اتفرج عليها بعد الفطار دبيت مشوار من امبابه الي الملك الصالح واتفرج علي العربيه قوايم رشه برومه وكله العتبتين بتوع العربيه والعربيه اقل مايقول عنها انها قذرة
ومطلوب فيها كام 32 الف قلبي هيا الناس ليه محسساني ان عربيتها شويه الماظ وهيا شويه كنب

تاني عربيه اروح اتفرج عليها وهيا دايو لانوس 1
بصراحه الراجل كان زوق وهو شاري العربيه وميعرفش يعني ايه رش وميعرفش في العربيه
بس بصراحه العربيه كلها معيوبه معرفتش اقوله ايه قولتله العربيه كويسه مرضتش اصدمه
وقولتله انا ان شاء الله هبقا اتصل بيك بكره لي اني برضه محتاج اخلي سمكري يبص عليها علشان انا مش خبره في النظر للسياره
وكان مطلوب فيها 38 الف بحاله عربيه فبريكه بي الكامل

ثالث عربيه رحت اتفرج عليها هوندا سيفك 92 si
عربيه اقل ماتوصف انها شكل جميل من الخارج ومن الصالون افتح الكبوت بقا واتفرج يارايس مغيره ربع والحام باين ومتصل بيه قالي مغيره شانب قولتله ربع قالي لا شنب بس عباره عن مسامير بتتفك وخلاص وتتركب غيرها قولت يمكن زي الجولف قولت مافيش مشكله
اتصل بيه الشب ده يقولي انا امام سنترال الماظه اروح سنترال الماظه يقولي انا عند حلقه السمك اروح هناك واتصل بيه يقولي انا عند الكيلو 4 ونص خالني كنت هسمعه كلمه ملهاش حل في التليفون يعني انا جي من امبابه قولي انا في الكيلو 4 ونص كنت جيت من مدينه نصر مش من مصر الجديد وساعتين الف علي الشخص ده
العربيه رشه في كل حته وايه مش مقتنع الراجل ولا البرومه سرحه في العربيه كلها
والشنطه فيها لحمات وحجات غريبه ولا ايه طالب كام خير الله ما اجعله خير 42 الف هار اسود
انا عامل الموضوع ده فقط لي الناس الي بتدور زي علي عربيه وقبلتك عربيه من العربيات الي حكتها اهرب عنها عربيات ضاله

في ناس بتهزر فعلا ومش بتكتب الحالة الفعلية للعربية
وده شئ اكيد عشان لو كتب يبقى مش هيبيعها
روحت شوفت عربية لانسر ملقتش اي حاجه فيها شغالة خالص
لا سنتر ولا ابواب عايزة تتفتح ولا شنطة وبدور بطلع صوت غريب
واقوله في التليفون الحالة ايه يقولي زي الفل
وطالب فوق تمن العربية يجي 8 الاف زيادة على تمنها
لكن في ناس وهم قلة بيقولك عيوب العربية
وفي ناس مش بتقول بس على الاقل مش هينصب عليك
وفي ناس حرامية وبيحللوا ده ان الزبون مش هيعرف وانها تجارة وشطارة
بس عامة الموضوع مفيد جدا عن طريق النت
لان غير كده هتقع في دوامة المعارض واسواق العربيات المؤرفة وهكذا
ولازم تتعب وتروح كم مشوار على الفاضي لحد ما تلاقي ضالتك :)