مشكله فى accent rb مش عارف ليها حل

**mohamedmostaf0** · 01-08-2012 08:39 PM

انا معايا عربيه new accent rb عامله حوالى 18 الف كيلو عندى مشكله رهيبه من ساعه مجبت العربيه
ان لو ركبت اى حمل ورا بسمع صوت تزيق روحت الصيانه كذا مره
مره قالولى اصل الجلب عايزه يتحطلها زيت ويعملوا كده الصوت يروح شويه ويرجع تانى
مره اصل السوره مكنتش مربوطه كويس ويعملوا والصوت يروح وبعد شويه يرجع تانى ودلوقتى انا زهقت ومش عارف المشكله فى ايه خايف لتكون مساعد او حاجه جامده وهما بيسكتونى لحد اما الضمان يخلص
عايز حل
وشكرا للمساعده

**Ashraf_Ibrahim** · 01-08-2012 10:02 PM

انا اسمع ان الار بي فيها مشكلة في المساعدين بتوعها
بس مش متأكد من المعلومة دي
ايا ما كان كل مرة سجل الشكوى دي في اوردر الشغل وان تلسة صمانك مستمر لحد 60000 كم فمتقلقش واقرفهم بيها
ولو تحط المشكلة في موضوع المهندس هاني يمكن يقلك ايه الحل بتاعها تبقا رايح عارف ايه حل المشكلة !

**atyam** · 02-08-2012 01:24 AM

ياباشا المشكلة دى فى كل الار بى وانا عندى نفس المشكلة
وروحت التوكيل وقالولى انهم مش موجودين وفى طلبيه جاية وادينى مستنى
بس الصيانه اللى جيا لو ملقيتهمش ناوى فعلا اعملهم مشكله هناك

**Ashraf_Ibrahim** · 02-08-2012 02:02 AM

الحمد لله الواحد طلع بيسمع كويس :d
اذن فهي مشكلة منتشرة وقائمة !

**mohamedmostaf0** · 02-08-2012 03:59 AM

المشاركة الأصلية كتبت بواسطة heart_sugar

اخي العزيز اسمع كلامي كويس
توكل على وروح مركز من مراكز غبور القريبه ليك وياريت يكون ابو رواش او العبور وهناك قابل المهندس المختص لو في العبور اسم المهندس المسئول عن الورشه احمد عز وقله على مشكلتك واطلب واصر على تغير
المساعدين الخلفين واطلب منهم
انتبه اوي اطلب منهم انهم يغيرو المساعدين الخلفين بمساعدين معدلين (معدلين) مش مساعدين عادين
لو قلولك مش موجوده اطلب تعمل بيهم اودار ويجبهوملك ولح في طلب وصرخ وقلب الدنيا لانهم موجودين بس مش بيطلعوهم الا بطلوع الروح
دى الي انا عملته في عربيتي ولما يخرجو القدام وتقرنهم بالي حيجبهملك حتنبهر وتنشكح لان الي موجودين
في العربية زباله الزباله حته حديد
وربنا يوفقك

يعنى انتا موضوع التزيق ده كان معاك واما غيرت المساعد الموضوع راح خالص وياه نوع المساعدين اللى كانت موجوده وركبوا ايه بدلها ؟