ياجماعة انا محتارة قوى بين الفيرنا واللوجان والافيو وهاجيب اتوماتيك لانى مش باعرف اسوق الا الاتوماتيك
افيدونى الله يخليكم لانى كل اما استقر على حاجة ارجع اتردد
ياجماعة انا محتارة قوى بين الفيرنا واللوجان والافيو وهاجيب اتوماتيك لانى مش باعرف اسوق الا الاتوماتيك
افيدونى الله يخليكم لانى كل اما استقر على حاجة ارجع اتردد
ابعدي تماااااااااما عن الافيو
ترشيحي ليكي:
1- لوجان
2- ساجا
3- فيرنا
لوجان
توكيل محترم كماليات كويسة عفشة حلوة عالية عن الارض سعرها كويس مقابل امكانياتها
جزاكم الله كل خير ياجماعة
يهمك الصيانة السهلة وقطع الغيار الرخيصة واعادة البيع السريعة بدون خسارة كبيرة يبقى فيرنا
لو كل ده مش فارق معاكى وعايزة ركوبة افضل يبقى لوجان
والافيو عربية سيئة السمعة
+111111111
بس اللوجان الأوتوماتيك على ما اعتقد انها لسه جديدة ومحدش جربها دة على حسب اعتقادى
أما الأفيو العربيا معايا حتى الأن 6280 كيلو والحمد لله لم تظهر أى مشاكل
بالنسبة للوجان المانيوال مع واحد قريبى هى أريح وأسع من الأفيو بس شكل التابلوه مش مريح بالنسبة لى وعدم توافر قطع الغيار فى طنطا بس طبعا فى القاهرة أكيد الحاجة متوافرة أكتر
هنتكلم في أوتو يبقى بلاش أفيو خالص .. والله و حتى لو مانيوال بلاش أفيو برضه
الفيرنا أفضل في اللوجان في ( السحب - قطع الغيار - إعادة البيع )
اللوجان أفضل من الفيرنا في ( النعومة - التوكيل - الثبات و الأمان )
أختي لما فكرت أنا شاورتلها على السانديرو على طول .. و السانديرو هي هي أخت اللوجان لكن الهاتش باك منها بالتالي كمان شكلها بناتي حلو جدا .
و بفضل مدام حضرتك لسه سواقتك نص و نص .. يبقى برضه بلاش فيرنا .. مشاكلها اللي شوفتها منها والله كتير جدا لما كنت موجود مع مهندسين التوكيل .
ممكن حضرتك تدخلي في المقارنة الساجا من بروتون ممتازة جدا و بناتي و مريحة لكن مشكلتها قطع الغيار و التوكيل ، و ممكن كمان السيريون 1300 ممتازه جدا برضه و بناتي و فيها كل المميزات .
بالتوفيق....
غالبا كده هاجيب اللوجان بس واحد قريبنا بيقول انه كان سايق على مية وبيلف اتقلبت بيه
ياترى حد عنده معلومة عن حاجة زى دى لان اللى قريته عنها العكس انها ثابتة مع السرعات
وكمان قريت ان فيه نتشه فى الفتيس مع النقلات بس مش عارفة بالنسبة للمنيوال ولا الاوتوماتيك ياريت حد يفيدنى برضه وجزاكم الله كل خير