عايز أكشف على (كليو) في مركز صيانة موثوق ورخيص

السلام عليكم
عايز أعرف عنوان وتليفون مركز صيانة كويس متخصص رينو أكشف عنده على العربية الكليو اللي ناوي أجيبها إن شاء الله ويكون سعر الكشف مش مبالغ فيه زي التوكيل اللي بسمع إن الكشف تمنه 550 جنيه !!! طب افرض العربية طلع فيها حاجة ألبس أنا 550 جنيه ليه ؟؟؟
ياريت يكون المكان قريب من العبور أو جسر السويس زي الحرفيين مثلا
وعارف إن فيه مركز اسمه الميكانيكيون العرب جنب السندباد بس قرأت لناس كتير بتحذر منهم
وفيه مركز تاني اسمه فرنش موتورز في جسر السويس ، ده إيه رأيكم فيه ؟ وعنوانه إيه ؟ والكشف بكام ؟
ويا ترى بيشتغلوا يوم الجمعة ولا لأ ؟
وجزاكم الله خيرا

فين رجالة الرينو ؟؟؟؟

على ما افتكر مفيش حد منهم بيشتغل الجمعة.

تكلفة الفحص فى الميكانيكيون أو فرنش فى حدود 250 أو 300

الميكانيكيون فى شارع السندباد بعدها بحوالى نص كيلو فى نفس صفها.......و أنت رايح أتجاه أسماعيلية.

فرنش موتورز فى عين شمس و فى الرحاب
فرع عين شمس بتدخل شارع أحمد عصمت و بتدخل أول أو تانى شمال بتلاقى الورشة على شمالك
فرع الرحاب مش فاكره بصراحة.

اقتباس:

---

المشاركة الأصلية كتبت بواسطة ahmed a.maksoud

على ما افتكر مفيش حد منهم بيشتغل الجمعة.

تكلفة الفحص فى الميكانيكيون أو فرنش فى حدود 250 أو 300

الميكانيكيون فى شارع السندباد بعدها بحوالى نص كيلو فى نفس صفها.......و أنت رايح أتجاه أسماعيلية.

فرنش موتورز فى عين شمس و فى الرحاب
فرع عين شمس بتدخل شارع أحمد عصمت و بتدخل أول أو تانى شمال بتلاقى الورشة على شمالك
فرع الرحاب مش فاكره بصراحة.

---

ألف شكر يا بو حميد
أنا فعلا عرفت عناوين الميكانيكيون العرب وفرنش موتورز بس دول بيقفلوا الجمعة
طيب لو رحت الحرفيين عند محمد الشرقاوي أو أمجد (ناس بتشكر فيهم) ممكن برده يفحصولي العربية كويس ولا إيه ؟

اقتباس:

---

المشاركة الأصلية كتبت بواسطة almusammem

ألف شكر يا بو حميد
أنا فعلا عرفت عناوين الميكانيكيون العرب وفرنش موتورز بس دول بيقفلوا الجمعة
طيب لو رحت الحرفيين عند محمد الشرقاوي أو أمجد (ناس بتشكر فيهم) ممكن برده يفحصولي العربية كويس ولا إيه ؟

---

العفو يا باشا

هو الأضمن التوكيل و مراكز الخدمة علشان تكون فى السليم.

فرنش موتور تدخل اول احمد عصمت و تانى شارع شمال هتلاقيه قدام بتاع bmw