سؤال لأهل الخبرة و ارجو الرد سريعا crusier Vs sport bike

**assem_sayed** · 02-08-2012 04:29 AM

أنا خلاص ناويت ان شاء الله أني اشتري بايك و النهارده اتخنئت معا المدام بسبب انها خيفا عليا من موضوع المتوسيكلات و حوادثها ( رابنا يبعدها عن الجميع ان شاء الله ) المهم ان أنا عمال أقنعها ان ال cruisers امن بكتير من ال sport وده طبعا بعد كورس سواقه و سيفتي محترم في كلا الحالتين و مش ناسي موضوع السيفتي جير و التوكل على الله بس هيا عايزا تشوف آراء الخبراء في الكلام ده ...... أنا عارف ان الموضوع غريب و مش معتاد بس أنا محتاج آراء النايل بايكرز و مساعدتهم :) ارجو من جميع البايكرز المشاركة بالمعلومه و ان شاء الله ربينا يوفقنا الى الخير و الصح و عذرا علي الطلب الغريب
أنا ان شاء الله ناويت علي ال Honda shadow Areo 750 cc مع العلم أنى مبتدئ و الحمد لله بفهم شويه في البايكس و شكرًا للجميع

**Eslam.Elrefaey** · 02-08-2012 04:46 AM

انا برضه شايف ان الكاتسم اامن من السبورت

**bido600** · 02-08-2012 05:27 AM

اي اداة تستخدم غلط بتبقي خطر ومميتة
زيو زي العربية لو استخدمت غلط
الفرق ما بين الكروز بيكس والسبورت بيكس حاجتين
الاستيل
والكروز اريح في المسفات الطويلة عن السبورت بيكس

فتوكل علي الله ومتحسبهاش بالخطورة
ولو هتبتدي ببيك عالية
يبقي براحتك خالص ومتستعجلش عليها وان شاء الله اسبوع بالكتير وهتكون متعود عليها
بس في الاول ابتدي في مكان مغلق مفيهوش ناس
وبعد كدة واحدة واحد طرف فاضية
عشان تكون عرفت امكانيات البيك من فرامل وترانسميشن الخ الخ
وربنا معاك ان شاء الله ويديك خيرة ويكفيك شرة
بس مش عاوزك تقلق خليها علي ربنا :)

**assem_sayed** · 02-08-2012 12:01 PM

متشكر يا اسلام باشا و و لك جزيل الشكر يا بيدو باشا انا حبيت اعرف رأي البايكرز الخبره ( لا خاب من استشار ولا خسر من استخار ) و انا طول عمري ماشي بالحديث ( اعقلها و توكل ) الهم اني توكلت عليك يارب ، اللهم يسر لي الخير اينما كان و ابعد عني الشر اينما كان شكرا للجميع

**alfath8** · 02-08-2012 01:53 PM

هاقولك على حاجة انتا لو ماشى على رجليك وعديت الطريق من غير ما تبص وحصلت حادثةده برده اسمه خطأ
الموضوع وما فيه ان عموما الموتسيكلات هواية خطيرة اصلا شوية ولازم تتعامل بحرص وحذر خلى بالك مفيش حاجة اسمها أأمن شوية ده قضاء ربنا ومتخافش بس خلى بالك ان 75 تقيل حبتين ومش بتاع مناورات فى الزحمة يعنى هاتقف زيك زى العربيات بس التعود والتعامل مع البايك هوا الاساس متخليش البايك يتحكم فيك انتا اللى تتحكم فيه وربنا يحفظك من كل سؤء ويباركلك فى البايك الجديد
ولو احتجت حاجة الناس هنا كلها تحت امرك

**OMAR61995** · 02-08-2012 02:41 PM

مش هزود على اللى الناس قالوه فوق
بس اووووووعى تنزل من غير السيفتى
حر برد ضرب نار اوعى تنزل من غيره
و يكون سيفتى كامل طبعاً مش خوذة و السلام

**assem_sayed** · 02-08-2012 03:04 PM

الفا باشا انا شاكر ليك جدا و انا طبعا مقتنع بكلام حضرتك و ان كلو مقدر و مكتوب وان ساعه القدر يعمي البصر بس انا باعمل اللي عليه و بأستشير من هم اكثر مني خبره و موضوع ان ال 750 كبير فدا لانني ان شاء الله مش عايز اغيره قريب و لو اصدق انو حجما كبير فا ده هوا المطلوب و بعدين انا ساكن في التجمع اللي هيا الصحرا بنفسها فا ان شاءالله مافيش مشاكل في اللحجم معا الزحمه و لو حصل فا برده ان شاءالله مش مشكله وشكرا لك مره اخري

**yascro** · 02-08-2012 03:38 PM

ربنا يوفقك
انا شايف الرجاله قاموا بالواجب

**Hobgoblin** · 02-08-2012 05:29 PM

هو أنا مش من أهل الخبرة يعني بس هأقول رأيي المتواضع:

ال Cruiser يمكن يكون أأمن شوية من ال Sportsbike لأن وضعية الركوب أريح وبتوفر رؤية أفضل نسبياً.
كمان ذراع فرامل القدم بيكون أسهل في التعامل معاه في وضعية الركوب دي.

من ناحية ثانية ال-Cruiser أثقل شوية في الطلعة ودة بيساعد على إن الراكب مايتلخمش في أول الحركة....ودي من أصعب الحاجات على المبتدئ.

في رأيي الشخصي Cruiser بردو سرعاته مش زي ال-Sportsbikes وبالتالي مش هيغريك انك تجري...وأن كان ال-750 مغري جداً.

نصيحة أخوية: جرب في حاجة أرخص وأصغر الاول لحد ما تاخد ثقة وكمان تتأكد من اهتمامك بالبايكس. حرام تجيب بايك غالي وبعد شهرين تحس انك مالكش في الركوب. مش عيب أبداً تجيب حتة صيني ولا هندي تجارب فيها وتتعلم عليه وبعد كدة هاتبيعها بسهولة. أنا عارف ممكن الشكل مايعجبكش أو تحسها مش Style بس أنا شخصياً عملت كدة واستفدت جداً من الصيني...كانت Dayun نحلة :)

طبعاً ال-Shadow Aero 750 لا غبار عليه.

الشباب ماقصروش في نصايح ال-Safety.

ربنا يوفقك