تطبيق 20 مواصفة جديدة للسيارات منتصف أغسطس

منقول من موقع اليوم السابع بتاريخ الخميس ٢ اغسطس ٢٠١٢

صرح اللواء حسن عبد المجيد، رئيس هيئة المواصفات والجودة، أن الهيئة سوف تبدأ منتصف أغسطس الجارى فى تطبيق الشريحة الثانية من المواصفات القياسية للسيارات، وأضاف أن الهيئة قررت بدء مناقشات فيما يخص زيادة عدد هذه المواصفات من 10 مواصفات فقط إلى 40 مواصفة.

وأضاف عبد المجيد، فى تصريح خاص لـ"اليوم السابع"، إن الشريحة الثانية تضم 20 مواصفة جديدة كمرحلة أولى، بالإضافة إلى عشر مواصفات، تم تطبيقها العام قبل الماضى، وأن تلك المواصفات ستؤدى إلى إلغاء عدد من علامات تجارية شهيرة غير صالحة للاستخدام الآدمى.

اكيد العلامات الشهيرة دي كلها صيني
او تكون علامات ((السيارات)) الكارو (:
وعموما شكرا على الخبر

تقريبا حيلغوا العربيات كلها ويخلوا الدودج والشيروكي والهمر والكارو
علشان تبقي مطابقه للمواصفات المصريه
ماهي المواصفات المصريه دلوقتي بقت مطبات وتلال وهضاب وبلاعات ومجاري وقطران علي دماغهم
وبيئه قذره لا تصلح للمشي علي الرجلين حتي

من توقعاتى ان معظم الانواع اللى هتتوقف هتكون من الانواع الصينى والهندى

السلام عليكم و رحمة الله و بركاته

الفكرة مش فى أن الحكومة توقف ترخيصها, الفكرة, أن ممكن الحكومة توقفها و كوووووووووووووووول حاجة, لكن تفضل ماشية فى الشوارع عادى و 100 100 و لا حد يقولهم أنتوا رايحين فيييييييييين ؟؟؟

هو يعنى, أنها لو مابقتش تترخص, فعلا, هنصحى الصبح نلاقيها اختفت من شوارعنا ؟؟؟؟

أبدا, ده هتزيد, لأن هيبقى بتمشى من غير ترخيص, يعنى بتترخص ببلاش !!!!!

طيب مايقللوا الجمارك شويه عشان نعرف نجيب عربيه مطابقه للمواصفات

خطوه جميله ويارب فعلا يطبقوها منلاقيش التوكيلات عاملين مشاكل ويرجعو كل حاجه زي الأول ويذودو كمان الاسعار

عشان انا نفسي يبقي فيه رقابه علي اسعار العربيات لاننا شعب منعرفش حقنا وكل مالاحاجه تغلي نشتري اكتر

هتيجى على دماغنا فى الآخر
والتجار هيستغلوا الموضوع ده ويزودوا الأسعار

لو تفتكروا وزير التجارة والصناعه الهارب أحمد رشيد
عمل قيود ومواصفات قياسية للمنتجات الصينى
فوجئت بعدها ان اسعار الموتوسيكلات الصينى وقطع الغيار زادت جدا
كل ما أسأل ليه كده يقولوا الحكومة السبب !!!!

السؤال دلوقتى هل بعد تطبيق هذه القيود المنتجات المستوردة اصبحت اعلى جودة
ولا الحال بقى ألعن من الأول والسعر زاد وخلاص

أولى بيهم يشوفوا الموتيسيكلات الصينى اللى زى الرز فى الشوارع ومن غير رخص والتكاتك اللى بقت بتمشى وتاخد مكان العربيات
أو يمنعوا استيرادها تماما
وبعدين مفيش ماركة من ماركات السيارات ينفع تتلغى هيلغى مين يعنى ؟ هيلغى عربية هتنزل تانى نفسها بالمواصفات الجديدة

أولى بيهم يلغوا الموبايلات الصينى مجهولة الهوية واللى محدش عارف بتأثر إزاى على الصحة و

فعلا منه لله اللى عمل صفقه الموتوسيكلات القذره اللى مغرقه الشوارع من غير ترخيص واللى بيبقى فئه كبيره منهم ناس بلطجيه ( وبرضه فيهم ناس كويسه ) لكن نسبه اللى مش كويسين منهم تغطى على الباقى