من بعد الجميلة لادا سمارا.عايز اركب فولفو 240.ايه رأيكم يارجالة.

**i_Am_Legend** · 02-08-2012 03:54 PM

السلام عليكم..الحمد لله كان عندي سمارا تحفةةةة..وربنا يبارك للي اخدها..السمارا عربية اعتمااادية جدا..ونادرة الاعطال..وقطع غيارها بسيطة ورخيصة..حاليا انا مش عارف اركب ايه بعدها..لأن السمارا بعتها ب18 ..وممكن اوصل البملغ ل25..انا بحب السيارات القوية..ولقيت ان المبلغ دة يركبني ابيزا او بونتو او انو..وكلهم ضعااااف جدا..وضيقين .فحاليا دماغي رايحة للغولفو بشكل كبير.تفكيري وقلبي..العربية عشقتهاااا..ركوبة بنت لذين بجد..زيها نفس المرسيدس ال200 بل اقوي كمان بكتير.وقطع غيار ارخصصص.وحاجتها بملاليم زي ماسألت. وموتورها بيعمل 220 كيلو في الصفيحة يعني كلام بسيط. طبعا عجبني ثباتها الاسطوري..وسحبتها المتوحشة..وغير كدة جر خلفي.تحس انك راكب الامريكاني اللي نفسنا فيه ..بس اعتمادية وقطع غيار ارخص كتييير.ايه رايكم في ال240..لأني ببساطة لو ماجبتهاش..هاروح للفيات تيبو..دي اقل حاجة ممكن افكر فيها لانها بردوا قوية واعتمادية..انا ماليش في العربيات الفرافيري..

**SAMEH_FOUAD** · 02-08-2012 04:29 PM

والله ياباشا ال 240 حلوة وجميلة وكل حاجة , بس عيبها شكلها مش انسيبابى , لكن كمجمل عربية كل اللى انت قولتة دة , بس اعتقد ان استهلاك البنزين اعلى من كدة

وربنا يوفقك بس عيبها انها كبيرة وصعب الغرز والكلام دة فيها

وربنا يوفقك للخير ان شاء الله

**SYD** · 02-08-2012 06:14 PM

طبعا انا ماسمعتش اي حاجة من كلامك اللي انت قولته ورأيك في الأبيزا
لكن بوجه عام الف مبروك بيع العربية ثانيا احييك علي تفكيرك
بجد الجر الخلفي ركوبة تانية خالص غير الأمامي
انا ركبت لادا 2107 و مرسيدس 230 - بجد الخلفي متعة كبيرة وقوة
ولعلمك ال2107 مقتبسة تصميمها من الفولفو

توكل علي الله
بس هل هتلاقي الفولفو بالمبلغ الي معاك دة ؟؟