سؤال كده على الماشى؟؟

النهارده انا جيت من السفر الحمد لله , واول حاجه عملتها انى بصيت على تيداتى حبيبتى اللى ملحقتش اتهنا بيها وسيبتها وسافرت الشغل.
المهم لاحظت ان فيه لمبه قاعد بينور وتتطفى فى الطابلوه , انا قولت يالهههووى انا شكلى نسيت حاجه مفتوحه او شغاله, تممت على الابواب كله كان مقفول , ركزت شويه فى اللمبه لاقتها على شكل عربيه مرسوم جواها مفتاح , فنطت فى دماغى موضوع الايمبلايزر, المهم طلعت جبت مفتاح العربيه واول لما حطيته فى الكونتاكت اللمبه مبقتش تنور وتنطفى, والعربيه دارت عادى.
السؤال بقى
هل هى فعلا لمبة الايمبلايزر ولا حاجه تانيه؟
وهل ممكن انها تاثر على البطاريه وخصوصا انى بسافر علطول ومده مبتقلش عن اسبوعين,فهل ممكن تنيم البطاريه ولا عادى؟
وهل فى طريقه لطفيها لو بتاثر على البطاريه؟؟
شكرا:hlopaet_prv:

لا عادى دى لمبة الاموبيليزر و المفروض تعمل كده و لو ما عملتش كده يبقى فى حاجة غلط
هى كده شغالة تمام ما تلعبش فى حاجة
و بالتنسبة للسفر خلى بس حد يدور العربية شوية مرة كل اسبوع و لو مرتين يبقى انت كده تماااام اوى

طيب لو موضوع التدوير دا صعب , يعنى من الاخر محدش بيلمسها الاسبوعيين اللى انا مسافر فيهم , هل دا كده بياثر على البطاريه ولا هى لمبه صغيره مش حتفرق اوى؟؟

لا مش حاتفرق خالص القصة مش فى اللمبة
القصة ان العربية تقعد اسبوعين ما تدورش
المهم بقى كل ما تيجى انت من السفر تدور العربية و تسخنها تسخينة حلوة
تشيك على الزيوت و المية
نشيك على الكاوتش و تطلع تلف بيها حبة