مبروك وتقرير هايل عن التركيب وشكل العزل
عرض للطباعة
مبروك وتقرير هايل عن التركيب وشكل العزل
مبروك يا باشا...واهم حاجه انك شيلت من دماغك فكره بيع الكاوتش دى لانها خساره فادحه
المهم كنت عايز اسالك على حاجتين
انت معملتش تجليد للابواب ليه ؟؟ ولا مش عندك قماش جانبى ؟
تانى حاجه...انا هعمل عازل الارضيه وتجليد الابواب ( الفرش عندى كويس)
السؤال بقى ..... ينفع اعمل الطاره جلد طبيعى وفرامل اليد بدون ماركب فرش عندهم!!!
ولا لازم كله مع بعضه !!؟
ممكن تعمل الطارة جلد والهاند بريك .. بس لازم الاول تروح للحاج احمد مشعل وتعرفه بنفسك وتقوله انك من النايل .. وتحجز معاه معاد
وباذن الله حيقوم معاك بالواجب والذوق
=========================
الف مبروك يا دوك .. اولا انا حقيقى سعيد جدا بلقائى بحضرتك .. واتشرفت فيك .. لما شوفتك واتعرفت عليك .. ونتمنى باقى الصقور تتعرف عليك فى اقرب فرصة باذن الله
والف مليون مبروك على الفرش وطالع جميل جدااا بسم الله ماشاء الله .. انا بتمزج جدا من الخياطة الاحمر على الفرش الاسود
ربنا يباركلك فيه يارب
ونشوفك على خير قريب
الدركسيون بطلو يعملوه لانهم كانو بيلزقو طبقة جلد عليه و بعدين يخيطوها
و لانهم بيكرهوا اذية الخامات الاصلية بتاعة العربية بطلوا الحكاية دى بيشجعوا انتك تركب كفر احسن
بالنسبة للابواب فمعنديش فيها اى قماش او فوم بحيث يشد عليه
الباب كله بلاستك و عشان كده لازم عشان يجلده يلزق عليه (ذى ما كان حيعمل فى الدركسيون)
و طبعا رفض
ربنا يبارك لك فيها ويجزيك خير على الفديو الجميل
ألف مبروك, فرش شيك جدا
هو ليه كرسى السائق تنجيده أعلى من كرسى الراكب الأمامى؟؟؟ هل ده عيب ولا حضرتك الى طالب كده ولا هو الفرش الاصلى بتاعة كده؟
وألف مبروك الفرش جميل وان كنت هسأل الصراحة عند كام واحد قبل ما اروحله لأنى لسه شايفة غالى...
يا واد انتا يا لمااااح
ملحوظة فى محلها و انا كنت مستنى ان حد ياخد باله
حكاية كرسى السائق ده مقصودة
هو كان قبل تركيب الكسوة طبيعى زى اللى جنبه
وكنت اما اقعد عليه احس انى مش شايف كبوت العربية و غطصااان جواها (و مش قادر اسند كوعى الشمال على الباب بعد ما انزل الشباك :hitwall3: )
و انا كنت سايق 504 و دى قعدتها عالية بتبقى شايف معظم الكبوت و محدد كويس نهاية وش العربية فيين ( و تسند دراعك الشمال :grinder: )
اما فى الصنى الامر يختلف كتييير
و ده كان بيستلزم انك تعلى الكرسى شوية من الذراع الجانبى بتاعه
عشان تكشف حبة كويسين من الكبوت
و العبد لله طوله 177 يعنى طولى متوسط مش قصير ( و ده معناه ان اى حد اقصر منى هتقابله نفس المشكلة)
ده غير انى من الاوزان الثقيلة
فقلت طالما كده كده محتاج ابقى قاعد فى مستوى اعلى و عمرى ما حسيب الكرسى على المستوى الاصلى طب ما اعلى فى التنجيد و ما اسهلكش الميكانزم اللى فى الكرسى و حتى ده لو احتاجته بالطريقة دى حيدينى اعلى و اعلى كمان... ده غير ان كرسى السائق اكثر كرسى بيستخدم او اكثر كرسي معرض لهبوط التنجيد بتاعه
فطلبت البطانة اللى بيحطوها تحت الكسوة تبقى ازيد فى الكرسى ده بالزات
و الاستاذ عبد الفتاح بعد ما شرحت ليه الفكرة و الاسباب تفهم جداقال لى هعمل حسابى اعليك بتاع 3 سنتى ( تم اضافة الحكاية دى فى ورقة الحجز و امر الشغل):hitwall3:
الراجل اللى بيخبط راسه فى الحيط فى الاخر ده جه غلط
المهم تم تنفيز الموضوع زى ما انا طلبت و ده سبب ان كرسى السائق القعدة بتاعته منفوخة شوية فى الصورة و بالطبع لسه كل ده حيريح
و النتيجة كانت فعلا ممتازه الرؤية تحسنت بشكل ملحوظ ( و بقيت قادر اسند دراعى و انا مرتاااح :hlopaet_prv: )
الحجات دى يا جماعة تبان صغيرة لكن دى مهمة جدا
انا لو حد لعب فى كرسى ال 504 باتعفرت و ممكن اقعد كزا مشوار على ما ارجع الكرسى سيرته الاولى لان انتا بتبقى ظابط الكرسى على وضع يتاسب طولك و احساسك بالدولسات و الدركسيون و عشان توصل لانسب وضع يعطيك افضل تحكم مع افضل قدر من الارتياح للقيادة فى المسافات طويلة مش سهل