الموضوع: مشاكل معايا في السيراتو قبل 10.000 ارجو الرد

المشاركة الأصلية كتبت بواسطة desuki

بسم الله الرحمن الرحيم

انا معايا سيراتو 2012 sx وكيل . جنط 16 وانا عامل 5000 كيلو وعندي مشاكل كتيرة ارجو من اهل الخبرة الرد عليا فيها

1- عندي سحب البنزين عالي جدا . لسة من يومين مفول بعد ما فولت لقيت البنزين بيقل اوي مع اني مش بحرق خالص ببص على الاستهلاك لقيته 33.6 وفضل يوم كده ونزل ل 30 ودلوقتي 26.8


السلام عليكم
انا من شهر العربيه كانت بتعمل فى التفويله 600 الى 650 كم و الله العظيم و العربيه ماشيه 43 الف كم .و مكنتش عملت صيانة ال 40 لسه .و الزيت ماشى بيه 15 الف كم .و هو المفروض 12 الف فقط ليكوى مولى
و كنت من ال 40 الف حاطط اضافة تنضيف كامل لدوره الوقود من سوناكس .و كانت زى الفل و كنت منضف البوابات و مظبط البوجيهات و منضفها و منضف البوابات و حساس الايدل كونترول و العربيه كانت فله
بس و من اول ما حطيت البتاع اللى بيزود الاوكتان او بيزود البور بتاع العربيه و مفيش اسبوع و العربيه صوت الموتور على و البوابات و البوجيهات اتوسخو و كمان الرشاشات و كمان الاستهلاك بقى 320 او 350 بالكتير فى الفويله يعنى فى اكتر من 45 لتر 300 كم ....................
بصراحه استهبال جدا جدا و كمان فولت من بنزينه مصر للبترول و كانت اول مره و اخر مره امون منها بتاعة القصر العينى .
و بصراحه السيراتو حساسه جدا جدا جدا من ناحية البنزين .يعنى لازم يكون نضيف جدا و مش مخلوط عشان اداء العربيه يبقى تمام التمام .يبقى لازم تخلى بالك من و متمونش من اى بنزينه و خلاص و استنضف بنزينه او 3 و مون منهم و ريح دماغك
و بعد ما عملت صيانة الاربعين .
و غيرت فلتر البنزين و البوجيهات و فلتر الهوا و زيت و فلتر زيت و حطيت اضافه اسمها easy ممتازه جدا جدا على الموتور و الفتيس و البور و حطيت منظف دوره الوقود سوناكس .و الحمد لله العربيه صوت الموتور نعم جدا جدا و السحب و الاداء اتظبط عن الاول و بقت بتعمل حوالى 500 كم فى التفويله مع التكييف بس رجلى خفيف على البنزين جدا جدا

احب انصحكلو عاوز تظبط استهلاك العربيه و السحب تعمل الاتى
1-تحط اضافة سوناكس على تانك البنزين كل 5000 كم .
2- تمون علطول بنزين نضيف من بنزينات محترمه .
3- تشوف حالة بوجيهاتك دايما عامله ازاى و تنضفها و تظبط فتحتها على 0.8 ملى بدل 1.0 ملى .
4- تنضف بوابة الهوا و حساس الايدل كونترول .
5- تعمل صياناتك فى ميعادها و متتاخرش .و تعمل صيانتك فى اماكن محترمه و مضمونه و تبقى واقف على ايداهم .لانى اتقلبت قبل كده فى طقمين بوجيهات و 3 اطقم تيل فرامل .هههههههه و اتقلبت فى حجات تانيه و كل فتره بفهم اكتر و ده من مركز صيانه مش محترم اللهم انى صائم .
6- حط اضافة ايزى easy .
7- تتابع حالة السوائل قبل ما تتحرك مثلا كل اسبوع مره مثلا على الاقل .يعنى تشوف الزيوت محروقه و الا كويسه و منسوب الزيت مظبوط و الا قليل و الا زياده و تتصرف بسرعه .
نضف فلتر الهوا و فلتر التكييف مره كل اسبوع مع غسيل السياره العادى فى البنزينه ز كمان تنضف الموتور بالهوا مره كل اسبوع و و تنضف الريدياتير و السربنتينه بتاعه التكييف بالهوا من الوش و الضهر .و نضف السير و البكر بالهوا و متغسلش الموتور بالميه خالص .و لو عاوز تغسله اغسله كيماوى و غطى الكمبيوتر و البوجيهات و الفيوزات .
8-تابع حالة ضغط الكوتش و الزوايا لانها بتاثر على الثبات جدا و على الفرامل و الاستهلاك كمان .
بمعنى مثلا لو مقلل ضغط الكوتش كتير هتلاقى السحب قل و الاستهلاك زاد و العبيه بتعوم منك على السرعات العاليه .
و لو الضغط زياده هتلاقى العربيه ناشفه جدا جدا و حجر و كمان الفرامل هتبقى ضعيفه و مش حلوه و لكن هتحسن من استهلاك الوقود و هتحسن من السحب بس على حساب الفرامل و النشوفيه بتاه العفشه .
9- بعد ما تعمل كل ده متنساش تبقى تفصل كابلات البطاريه لمده ساعه كامله و تدوس على الفرامل بعدها كذا مره لحد ما تفضى العربيه من الشحنه اللى فيها و تستنى ساعه و تركب كابلات العربيه و بعد كده تطلع طريق سفر زى العين السخنه و ميكنش فى وقت زحمه تطلع وقت الفجر مثلا .و تفتح العربيه و تطلع على سرعات من 20 لحد 170 او 180 و اغلب السرعات و اغلب الوقت تبقى على 90 او 100 بالكتير
يعنى تمشى على 90 لمدة نصف ساعه مثلا و ترجع تانى .
و متنساش تبقى تصفر عداد الرحله و تفول قبل ما تطلع و قبل ما تعمل اى حاجه .
10- خف رجلك من على الدواسه خالص . دى لوحدها هتوفرلك من 60 ل 100 كم زياده على التفويله .
11- قلل من تشغيلك للتكيف لانه بياكل بنزين 30 % من التوتال .
12- الاستهلاك فى الشتاء افضل من الصيف و الجو البارد افضل من الحر طبعا و بليل افضل من النهار .يا ريت تقلل من تشغيلك التكييف بليل مثلا
13- متنساش تبقى تسخن العربيه فى الشتا اكتر من الصيف .
14- ال rpm يبقى فى حدود من 1.5 الى 2.5 و متزودش عن كده غير لحظى .و الا هتسحب منك بنزين كتير جدا .
و ابقى ادعيلى لما تلاقى نتيجه كويسه .ادعيلى ان ربنا يسفى ابنى ووالدتى .

و الله اعلم و السلام ختام




2- عندي الفتيس لما بجيبه على p العربية بتنط بيا لي قدام و بعض الاحيان لما العربية بتكون على p واجيبها على r الفتيس بيكون تقيل وبحسه هيتكسر معا اني بكون ضارب فرامل .


الزملاء ردوا على حضرتك فى باقى المشاركات
3- العربية بيركب معايا 4 والعربية بسمع منها اصوات من ورا المساعدين او الكوتش بيخبط في في الرفرف و بحس ان مفيش مساعدين . العربية بيحصل كده في اي مطب هوا واهبل من كده

و الله اعلم شكل السوسته باظت مش المساعد او ممكن المساعد .بس سؤال بقى ؟؟ انت بتركن ازاى و هل بتسيب العربيه مركونه فى مطالع او منازل او ارض غير مستويه كتير و هل بتسيب الدركسيون ملفوف على الاخر و انت راكن .و هل بتلبس مكبات كتير و انت ماشى و كده و طريقة سواقتك ازاى ؟؟و ال 4 اوزانهم اد اه و هل الشنطه بتبقى محمله و الا فاضيه ؟؟؟

4- ال lock اللي في الباب اللي ورا علق ومش بيقفل مع السنتر لازم اقفله مانوال ب ايدي

ان شاء الله بسيطه و سهله تتحل
انا كلمت التوكيل وقلتلهم على المشكله وسجلوها وعندي حجز يوم الاربعاء في التوكيل فا يارت استفيد منكم واعمل ايه

ربنا معاك و متنساش تزكر اه الجديد اللى حصل مع التوكيل و تعمل تقرير بيه عشان نستفاد كلنا منه .

جزاكم الله كل خير

ربنا معاك و تتحل كل حاجه باذن الله