اشتريت مراية كهرباء للباب الأيسر من التوفيقية بعد كسر المراية الأصلية بمعرفة واحد ابن حلال ، وأريد من الأخوة الأعزاء ارشادى عن كيفية فك فرش باب العربية لإزالة بقايا المراية القديمة وتركيب الجديدة بنفسى مكانها ... وشكرا للوحوش
عرض للطباعة
اشتريت مراية كهرباء للباب الأيسر من التوفيقية بعد كسر المراية الأصلية بمعرفة واحد ابن حلال ، وأريد من الأخوة الأعزاء ارشادى عن كيفية فك فرش باب العربية لإزالة بقايا المراية القديمة وتركيب الجديدة بنفسى مكانها ... وشكرا للوحوش
شوف يا ريس انا عملت العمليه ده
لازم الاول يكون عندك طقم مفاتيح إلن k النجمه عشان كل المسامير كده
هتلاقي مسمارين واحد في الأوكره وواحد في الجنب كده هاتفكهم وبعد كده هتفك حته بلاستك ماسكه دراع المرايه ووراها كتله سفنج طلعها ومتنساش تفك وش السماعه وفك برضه السماعه نفسها وإبدا بفك الكلبسات واحده واحده
وشد الفرش هايطلع معاك بس خللي بالك
بعد كده فك مسامير المرايه بس حاسب لايقعوا منك عشان مش هاتعرف تجيبهم تاني ونصيحه المسامير دي مش هاتركب علي المرايه الجديده هات اصغر شويه
وبعد كده ركب المرايه الجديده وأربط عليها جامد جدا ورجع السفنجه ورجع فرش الباب زي مكان
وأي خدمه
ممكن نعرف اشتريت المرايا بكام وصناعة آيه
من فضلك راجه اللينك ده
http://www.nilemotors.net/Nile/249863-a-10.html
دى مراحل فك فرش الباب اللى انتا كنت بسال عليها
أولا ... شكرا للأخوة الذين تفضلوا بالرد على استفسارى وكل عام والجميع بخير
ثانيا ... ردا على السؤال ... اشتريت المراية من التوفيقية من عند جمال البدرى وهى كهرباء وثمنها 140 جنيه تايوانى وتصنيعها نضيف بالفعل وطبعا لونها أسود بس وتحتاج لرش بلون العربية ولكن لأن عربيتى لونها فضى بفكر اركبها سوداء زى ما هى خاصة انى اشتريت معاها طقم باكيتات أو جريدة الباب ب 90 جنيه وبرضه لونهم اسود وبفكر اركبهم بدون رشهم فضى بعد خلع الثلاث باكتات اللى فاضلين على أساس ان الأسود بيكون جميل مع الفضى ، المشكلة بس ان المراية اليمين سليمة وطبعا فيها لون العربية الفضى ولكن مسير واحد تانى ابن حلال يكسرها هى الأخرى وساعتها ابقى اركبها سودة زى المراية الشمال .... وياريت تعرفونى رأيكم فى الكلام ده