السلام عليكم ورحمة الله وبركاتة
اخباركوا اى يااااااااانجوم ,, المهم فى يوم كنت نــــازل الصبح فى امانة الله وبشيل غطاء العربية (اتصدمـــــــت !!!) لقيت الفانوس الخلفى مخروم ولقيت نقطتين فى الاكصدام الخلفى وطبعا البوية متشــــــالة !! طب دة يرضى ميـــــن دة ؟! بجد حسبى الله ونعم الوكيل فى اللى عمل كدة ويارب يتفرم تحت قطر .. المهم بدأت رحلة البحث وسألت بعض الاخوة حبايبى (فى الله) هنا ,, وقالولى يـــــاما اجيب باغة مكان الجزء المخروم يـــــــاما اجيب فانوس كامل وطبعا واحد معرفة سئلى على موضوع الباغة دة وأنا كنت عايز واحدة جديدة فقالى الباغة مفيش منها جديد بتتصب بس !! بصراحة مردتش موضوع الباغة دة لأنة اكيد مش هيكون زى اصلى فقولت خلينا فى الفانوس الكامل وخلاص (مع ان والله الفانوس اللى متركب فيها لسة فبريكة) وسئلت برضوا على الفانوس (بس صينى) ب80 جنية فطبعــــا جت فى دماغى فكرة جهنمية وهية اتصل بخدمة عملاء هبــــــور واسئلهم اتسحرت وكلواا تمــــــــام واتصلت بيهم على الساعة 2 كدة أنا قولت اكيد قفلواا دكانة عمو هبور وروحواا لقيت صوت ملائكى بيرود (فى عقل بالى مصدقتش !!) المهم سألتها واخدت منى بياناتى وقالتلى قسم استفسارات قطع الغيار بيكون متواجد الصبح من 9 لغاية 12 بس ممكن حضرتك تسيب استفسارك وهما هيكلمكوا الصبح ..
المهم الصبح على الساعة 10:30
خدمة عملاء هبور : فلان الفلانى
أنا : ايون ياافندام مين ؟!
خدمة عملاء هبور : مع حضرتك قسم قطع غيار هبور
أنا : ايون تمام ,, انا كنت عايز اسئل عن فانوس خلفى للالنترا وكنت عايز جزء منة (واللى ميعرفش ان الفانوس الالنترا جزئين جزء فى جسم العربية ودة اللى اتخرم عندى والجزء التانى فى شنطة) ..
خدمة عملاء هبور : لأ ياافندم الفانوس بيتباع كامل مش اجزاء .
أنا : طب تمنة كام ؟!
خدمة عملاء هبور : .......... جنية :grinder:
أنا : دة شامل الضريبة والتركيب ؟!
خدمة عملاء هبور : لأ يااافندم دة شامل الضريبة وحضرتك بتأخدة من عندنا وتركبة عند اى كهربائى :grinder:
أنا : للهم إني صائم :angry26::angry26::angry26::angry26: وشكراا وقفلت .
يعنى هبــــــور بجلالة قدرة مش عارف يركب فانوس !!
يعنى كدة بدل ماكانت صدمة واحدة بقوا تلاتة ..
صدمة (1) الفانوس اتخرم ونقطتين فى اكصدام الخلفى.. طبعا دة غير خرابيش اللى متوزعة على العربية (حمدلله)
صدمة (2) سعر الفانوس وعدم تركيبة فى الوكيل .
صدمة (3) البحث عن كهربائى كوويس وميعكش فى كهربة العربية ؟!
طبعــــــــــــــا محتاج اعرف منكوا كهرباااااااااائى كوويس وتتوقعوا سعر الفانوس كام فى الوكيل ؟!
ومعلشى طـــــــــــولت عليكــــــــــوا بس مخنوق حبتين :pirate03: