فى الهيونداى ألنترا فيه ناس قالت الأصل أحسن و فيه ناس قالت التعديل أحسن
و أختلفت الأراء و دا شئ عادى جدا لكن مكانش فيه حد بيقول عك أو وحشة فى الحالتين
المرة دى عربيه شكلها رياضى جدا و نادرة جدا فى مصر
يتهئ لى التعديل فيها هيكون الرأى فيه كويس
دا فيديوهات التعديل
Opel Tigra Tuning Best In The World - YouTube
Opel Tigra Tuning Silver - YouTube
Opel Tigra Tuning Mix Cars - YouTube
و دا شكلها الأصلى
http://cars.makcdn.com/imgs/Zoom/131237/Feature.jpg
أية الأفضل من الأتنين ؟
الموضوع مش سهل طبعاً وهو اكبر من موضع نوع العربيه لو التعديل اصلى هيرفع من قيمة العربيه يعنى لو انت شارى سبويلر وعتب ومرايات وكسحات اصلى وبموديل العربيه ومن بلدها اللى له اماكن فى عربيتك واماكن كلبسات التركيب موجوده ... لكن لو عملت شغل بتوع الفبر المصرى اللى بيركب بمعجون ومسامير شك فى الصاج اللى بيخلى منظر العربيه مش طبيعى كأنك لازق فيها كرتون طبعاً ده هينزل قيمة العربيه لأنو بيخرب فى العربيه.....
الاصلى معمول حسابو فى كل شيئ حتى فى تصفية المياه عند الغسيل لكن شغل الافتكاسات بيخزن مياه فى كل مكان ويعمل بارومه فى كل حته ولو حد ريح عليه يتفتفت ويتكسر ويشوهلك منظر العربيه..
والتيجرا اصلاً مميزه مش محتاجه لعب لو انت عايز تعمل فيها حاجه لها قيمه اشتري جنط اصلى اوبل من الحرفيين محترم ركب زينون فى الشبوره والفوانيس اعمل صالون جلد محترم دى فعلاً فلوس بتزود من قيمة العربيه والله المستعان
هو جنط الاوبل الاصلى يعملو كام كده ؟؟
انا سئلت عليه في الحرفيين من شهرين كان مقاس 15 ب 1300 جنيه الطقم
في حدود ١٥٠٠ حسب الشكل يقل او يزيد