متي يحترم العميل

**hanifree2014** · 03-08-2012 03:14 AM

كنت بفكر في صني كسيارة محترمة وهي الاولي في فئتها لاكن الي بيحصل ده مسخرة يعني ايه العربية نازلة ب 95000 ودلوقتي تكلم الموزعيين اللي يقولك ب 99 واللي كلمته قبل كده كان بيقوللي ب 95 واستلام كمان شهرين دلوقتي اكلمه يقوللي ب 97 واستلام كمان 10 ايام وكمان احتمال تزيد بجد لازم وقفة للناس ديه بناقص العربية .

**2alb** · 03-08-2012 03:19 AM

شوف ياعم هانى دة طبيعى فى اى تجارة فى الدنيا لما بيكون فية اقبال على حاجة بتزيد زى مثلا كدة لو كشك فى شارع سعيد عندك فى طنطا قدام كلية التجارة بكام ولو محل كبير عندك فى العجيزى بكام العملية عرض وطلب

**Bishoy.Girgis** · 03-08-2012 03:22 AM

العربية المانيوال بـ 95000 جنيه
العربية الاوتوماتيك بـ 100000 جنيه

**crayvor** · 03-08-2012 04:33 AM

المشاركة الأصلية كتبت بواسطة hanifree2014

كنت بفكر في صني كسيارة محترمة وهي الاولي في فئتها لاكن الي بيحصل ده مسخرة يعني ايه العربية نازلة ب 95000 ودلوقتي تكلم الموزعيين اللي يقولك ب 99 واللي كلمته قبل كده كان بيقوللي ب 95 واستلام كمان شهرين دلوقتي اكلمه يقوللي ب 97 واستلام كمان 10 ايام وكمان احتمال تزيد بجد لازم وقفة للناس ديه بناقص العربية .

أعتقد ان حضرتك بتتكلم علي موزع مش التوكيل نفسه.
الموزع بيوفر العربية بسرعة أكبر في مقابل مبلغ زيادة
التوكيل بيديك بالأسعار المعلن عنها بس بتستني ف قائمة الحجز.

**zangry** · 03-08-2012 04:49 AM

المشاركة الأصلية كتبت بواسطة crayvor

أعتقد ان حضرتك بتتكلم علي موزع مش التوكيل نفسه.
الموزع بيوفر العربية بسرعة أكبر في مقابل مبلغ زيادة
التوكيل بيديك بالأسعار المعلن عنها بس بتستني ف قائمة الحجز.

حضرتك نيسان ملهاش توكيل !! :d

هى مجموعة موزعين هما اللى بيبيعوا العربية والمصنع هو اللى بيوردلهم العربيات

**hanifree2014** · 03-08-2012 06:31 AM

هل من الممكن التقدم بشكوي في الموزعيين اللي بيبيعوا بسعر اعلي ولا الكلام ده وحماية المستهلك في مصر راحت عليه ولنا الله

**mstool** · 03-08-2012 06:53 AM

العيب فى اللى بيجرى على العربية يعنى عندك الفيرنا اسوق شبة استكفى منها عملوا عليها خصم 2000 جنية لا و كلها متوفرة و تسليم و انتا واقف و كل الالوان و الخصم سارى من شهرين ولا حاجة لما لاقوا خلاص ان السوق استفى منها و طلعلهم اللوجان بدالها دلوقتى اللوجان برضة من الميكانيكون العرب بتاخد وقت للتسليم فى قايمة و حز و كلام من دة
طبع مشتريتهاش لان الفلوس اللى ادفعها دية لو اشتغلت فى البنك تلاتة شهور تطلع فلوس الموضوع مش هزار انا مش هدفع تمن حاجة مش باخدها
بس لو الكل يفهم كدة و ميجريش على العربية و يدفع فلوس كان زمان المشكلة اتحلت لانهم بينزلوا العربية و هما مش قادرين يوفروا كمية الطلب عليها
و فية قايمة مشتريتهاش فى الاخر مرة بسبب الكلام دة ( القاشقاى - السبورتاج - الجوك ) كذا عربية يقولى ادفع و اسلمك لما تيجى واللى يقول شهر و توصل لتلاتة و اوفر برايس لتسليم فورى كلام فاضى يعنى بجد لحد الحمد لله اشتريت 308 عشان عليها عرض كويس فى فورميلا هههههه منزلين منها 10 الاف لاعلى فئة و طلعت عربية محترمة و حلوة اكتر من كل دول الحمدلله نص جيرانى اللى استنوا او دفعوا زيادة عشان ياخدوا العربيات دية كمان مش مرتاحين معاها
فالعميل فى مصر اوعدك انة هيحترم لو احنا كبرنا دماغنا و منحسسهمش ان عربيهم ملهاش قيمة و لما يلاقوا محدش بيدفع اوفر برايس سورى يعنى زى العبيط مش هيعملوا كدة خالص