هو ايه بيحصل؟! :rokeyrulez:
ليه كل دا ؟!
النهردة كنت في شغلي عادي جدا
خلصت المستشفى اللي كنت فيها ورجعت لعربيتي العزيزة لقيت شراعة الازاز مكسورة !
توضيح:-
المستشفى هي مستشفى الخازندارة وانا راكن العربية على اول الشارع قدام بتوع العيش والفاكهة يعني مكان قمة الأمان
سايب شنطتي في دواسة العربية مفيهاش غير شوية ورق فقط لا غير ! :pirate03:
المهم الشراعة مكسورة والشنطة اتسرقت ! :rokeyrulez:
قلت الحمد لله مش مشكلة ومشيت وتوكلت على الله وروحت أغير بطاريتي
قدام محل البطاريات واحدة معاها افيو واقفة بالعرض قدام المحل فسادة المدخل فمش عارف ادخل للمحل واطلع العربية على الرصيف قدامه -هو عامل مدخل ليه ومظبط الدنيا بعيدا عن الشارع - :w6266d
المهم وقفت قدامها ومدي اشارة ومستني ان الهانم تيجي تطلع عربيتها -الشارع جانبي ورايح جاي -
اللي جاي طبعا وقف قدامي عربية لانسر عاوز يعدي وايده على الكلاكس !
شاورتله بابتسامة لحظة بس انا داخل :w6266d
ايده على الكلاكس برده قلتله انا داخل
لسة بدي اولاني وداخل لقيته قام دايس بنزين وداخل فيا :angry26:
بيني وبينكم وقفت ورفعت فرامل اليد وقلتله طيب انا وقفت على كدة :grinder:
لقيته نزل وقام بعزم ما فيه خابط الاكصدام عندي برجله :angry26:
ازاي توقف الشارع ومش من حقك وبتاع وانا باصصله في ذهول !
هو ايه انا عملته لكل دا اصلا؟!
دا انا مغلطتش فيك في حاجة اساسا ! :blabla:
المهم بصيتله شوية وانا ساكت قام رازع الاكصدام تاني برجله ويقلي انت خبطتني ! :B4_444:
قلت مبدهاش بقا قمت نازل من العربية وهمسك فيه لقيت بتوع البطاريات جم ومسكوا فيا يحوشوني وخلاص يا دكتور ورمضان كريم ومتتخانقش وبتاع !
قلت اللهم اخزيك يا شوشو :grinder:
لقيته لتالت مرة قام رازع الاكصدام تاني برجله وبعزم ما فيه
مفيش قدامي غير فوانيس عربيته من الناحية التانية :breakpc2:
والدته في العربية وانا باصصلها ومش عاوز اتغابى عليه عشان منظره وشكله قدام والدته :angry26:
ودا معندوش ولا دم ولا عقل !
المهم قمت راكب العربية راميها قدام المحل فوق على الرصيف ونزلتله بقا
لقيت 4 بيحوشوا فيا وخلاص يا دكتور ومتتخانقش وبتاع يا جدعان سيبوني مش هضربه انا هعرفه غلطه بس :breakpc2:
ودول مرضيوش يسيبوني
انا كل دا مبصيتش على عربيتي ايه حصلها من الغباء بتاع البيه !
بصيت على عربيته لقيت اكصدامه مطبق لجوا !
بصيت على رعبيتي الحمد لله تقريبا مفيش حاجة
السؤال ليه دا؟!
انا عملتلك ايه لكل دا؟!
طب لو كنت قليت ادبي وقمت ضاربلك فانوس برجلي مثلا وكاسرهولك؟! وحقي ! :crashcomputer4:
او لو كنت شتمتك بوالدتك او حاجة وبرده حقي !
بلاش طب لو كنت مديت ايدي عليك وضربتك ! شكلك ايه قدام الحريم اللي معاك؟!
انا اعرف اللي معاه حريم يحترم نفسه وميقلش ادبه على حد عشان ميتهزأش وتتقل قيمته دا لو كان ليه حق يقل ادبه!
يا ريت لو حد فاهم اللي حصل يقلي؟!
على فكرة البيه مسلم فمحدش يقلي الصيام عشان انا كمان كنت صايم والصيام مش معناه اننا نتعدى على ممتلكات الغير ونبوظها ! :breakpc2: