الموضوع: المستعمل والاحباط

المشاركة الأصلية كتبت بواسطة K_E

لا والادهى ان لتر البنزين في السعودية ارخص من لتر الميه
وهنا يقولك الجمارك والضرايب عالعربيات علشان دعم البنزين !!

طبيعي عشان في السعودية تكلفه استخراج لتر الميه اغلي من تكلفه البنزين ... النيل نعمه كبيرة بس ماحدش حاسس بقيمته
المشكله ان الجمارك هنا مبالغ فيها وكمان طمع الوكلاء والمبالغه في سعر الزيرو فالطبيعي المستعمل هيكون سعره كبير

المشاركة الأصلية كتبت بواسطة megamoudy

قلبت عليا المواجع .... الجرح لسه واااااجع :(

المشاركة الأصلية كتبت بواسطة egyptiandiver

يغوووووور المستعمل
+1

المشاركة الأصلية كتبت بواسطة magic girl

هههههههه..
كنت باشوف من فترة بردو على موقع إماراتى للمستعمل, مازدا 3 2009 كانت ب 28 الف درهم تقريباً.. و المستعمل هناك مش زى المستعمل هنا طالع عينه !!

ده غير البنزين.. أخويا فى السعودية بيفول ب 17 ريال و بيذلنى عشان اللى بدفعه فى البنزين هنا.. هههههه

و يوم ما تلاقى عربية قديمة هناك, زى الفولكس بيتل مثلاً, بتتباع بسعر عالى على أساس إنها أنتيكة.. هههههههه, و إحنا مازلنا بنشد و نعمل عمرة و نسمكر و نلصم فى العربيات عندنا.. ماهى كائن أسطورى بقى !

المشكله الكبيرة في الشوراع النموذجية اللي في مصر ... ده هناك العربيات عامله 300 الف و400 الف وماعملتش غير الصيانات الدورية بس

وهما لو عندهم الشوارع الضيقه والزحمة اللي عندنا هيحسوا بقيمة البيتلز وال126 الحقيقية

فعلا ولا عزاء للشعب المصري

المشاركة الأصلية كتبت بواسطة semi

الغريبة بقى ان الجديد عندهم نفس سعر الجديد عندما وبدون جمارك
لكن المستعمل عندهم برخص التراب
ايه السبب مش عارف بصراحة
والمستعمل له ناسه بصراحة في ناس بتشتري عربيات كويسة وبتعرف تنقي
وفي ناس بيضحك عليها وترجع تقول المستعمل وحش
ومحدش يتشري مستعمل
لا المستعمل في رأي اركب عربية مستعملة وماركة محترمة افضل من اني اشتري جديد
عبارة عن صاج بلاستيك وشوية ورق
بس اللي يشتري المستعمل يعمل حسابه انه هيصرف على العربية في الاول
ولو موديل قديم هيصرف عليها كل فترة حاجه جديدة يستبدلها فيها

ياعم مستعمل مستعمل بس نلاقي عربيه تستاهل اللي يدفع فيها
وموضوع الجديد ده ممكن يكون عشان الطلب عليها بيكون كبير
بس انا سمعت ان الملك كل فترة يعمل عفو للي عليه اقساط ... يعني ممكن تدفع شهرين تلاته من القسط وبس كده حلال عليك العربيه