تقرير ممتاز ياباشا
والله انتا اللي مخليني مقتنع بالعربيه دي
عرض للطباعة
تقرير ممتاز ياباشا
والله انتا اللي مخليني مقتنع بالعربيه دي
ربنا يباركلك فيها يا باشا ..
استاذ / خالد
أولا .. أنت واحشني جدا و سعيد بمشاركتك تلك
ثانيا.. أعذرني علي التاخير في الرد لأني كنت مشغول في مقابلة افطار المنتدي اليوم و التي كنت أتمني أن أراك فيها , و كنا علي فكرة في سيرتك أنا و يوكو و كنا بنفتكر رحلة العودة من الاسكندرية و الشد بين الالفا روميو و اللينيا و طبعا الياريس لما عدت منكوا سرقة
ههههههههههه
نيجي بقي لكلامك ..
طبعا كلام سليم جدا و أنا مقتنع أن وسائل الامان لو موجودة مش معني كده أني أعتمد عليها كليا بدليل أني في الاربع سنوات الماضية اللي كان معايا فيها سيارات بها وسائل الأمان و خاصة نظام الفرامل المانعة للأنغلاق لم يعمل بها هذا النظام سوي 3 مرات تحديدا لأني دائما باعتمد علي أسلوب حذر في القيادة أو توقع الخطر و مش معني أن العربية فيها نظام امان او stability control اني أخد الملف علي 180 او 200 كم/ساعة
علشان كده لما حصلت غلطة أن الألنترا جت و أكتشفت أن مافيهاش abs مازعلتش و لا قلقت منها
أما موضوع التورشن بيم .. فأنا شايف أنه قد يكون ميزة في الملفات و ده من خلال تجربة يمكن في البداية قلقت منه مع الحركة العرضية اللي بتحصل في الخلف لكن مع الوقت أحساسي بالخوف زال و بدأت أتشجع أني أخد الملفات علي سرعات أعلي
عموما أتمني أننا نتقابل و نتناقش في الموضوع ده و ياريت تشرفنا في مقابلة هيونداي - نيسان يوم الخميس القادم (9/8) بعد الافطار في كافيه "باين" بالحديقة الدولية بمدينة نصر
تقرير جميل ربنا يباركلك فيها يابشمهندس
تقرير ممتاز ........
بس ايه هو التعديل فى التكييف الى اتعمل فى مصر للالنترا الى حضرتك ذكرته ؟؟؟
الألنترا مش بتنزل مصر بالتكييف الاصلي بتاعها و لا الكاسيت الاصلي كمان و لكن بيتم تركيب نوع اخر بديل هنا في التوكيل علشان الجمارك لأنهم بيعتبروا التكييف و الكاسيت أوبشن و بيتم أحتساب جمارك اضافية و بالتالي سعر العربية هايزيد عن كده
بس الصراحة التكييف كويس جدا
و علي فكرة الكلام ده مش بيحصل بس في هيونداي و العربيات الكوري لأ في ماركات ياباني و اوروبي كمان توكيلاتها بتعمل كده و شوفت فعلا بعض العربيات الياباني أثناء شحنها علي السفن اللي بأطلعها في ميناء السويس و الاسكندرية منزوعة من الكماليات و بيتم تركيب بدائل غير اصليه لها هنا في مصر
و ده الفرق بين التوكيل و الخليجي يا سادة
كلام جميل وتقرير رائع وربنا يحفظهالك ويحميك منها يا رب
انا اول مره اعرف معلومة التكييف دى !!!!!
بس ايه المقصود فى التكييف؟؟ الكباس ولا الخراطيم ولا السربتينه ولا ايه بلزبط ؟؟؟
لو كلامك صحيح يبقى الخليجى يكسب مفيهاش كلام ؟؟
بس على فكره الكاسيت الى بينزل مصر موجود فى عربيات فى الخليج هو هو بلزبط ؟؟ واعتقد انه اصلى .. ولا قصدك على الكاسيت الاسود الى مطعم بجزء لامع اسود انا كنت عامل موضوع مفصل عن انواع الكاسيت فى الانترا هنا فى القسم ...
التكييف كله يا عزيزي
كلام محايد مش بقولكوا هيونداي دول عفارين
بس اوحش حاجه هو ان الدهان ضعييف قوي مش عارف لية