الموضوع: ألنترا md بعد 25000 كم

التقرير ال هيكون ممتاز فعلا لو اتعمل بعد 200.000 كيلو
وهو دة الفيصل فى امكانية العربية

خالد باشا ..

سلامتك الف سلامة و أن شاء الله الظروف تسمح و نتقابل
أما ألحاقا لكلامك و اللي موافقك عليه النهاردة حصل قدامي موقفين مؤلمين جدا

الاول و أنا في طريقي الي مدينة الاسماعيلية في حدود مدينة العاشر من رمضان :
الطريق مزدحم و أنا ملتزم بالحارة بتاعتي في حدود السرعة (يعني 90 كم/ساعة) و سايب مسافة امان و متوقع اي حاجة ممكن تحصل و فجأة ظهرت عربية ياباني من اللي فيها الأي بي اس و الاي بي دي (و الدي في دي ) و الامان العالي و الكلام اللي صدعونا بيه في المنتدي لكن سائقها كان أرعن في القيادة و أتزنق و ماعرفش يتصرف و لا العربية اتصرفت و النتيجة أن العربية لفت حوالين نفسها لحد مادخلت في الجزيرة الوسطي ووش العربية و جنبها اليمين كله راحوا و السائق للاسف أصيب بأضرار بالغة و لولا أن اللي كانوا وراه و حواليه توقعوا اللي ممكن يحصل كان ممكن يكون الحادث ابشع من كده و يطول باقي السيارات

الموقف الثاني و أنا راجع و تحديدا قبل العاشر من رمضان بحوالي 10 كم و اذا بعربية اخري ياباني شهيرة جدا من ماركة يقال عنها أنها عالية أوي في المحركات ووسائل الامان و أيضا بسبب نفس اسلوب القيادة و أحتمال أعتماد السائق علي كل و سائل الامان و الكونترول كادت هذه السيارة أن تنقلب بعد أن فقد سيطرته عليها بسبب السرعة الزائدة و الحركة الخطيرة (الغرزة) اللي ماكانش لها أي لازمة و اللي تسببت في تعرض جانب السيارة للدمار و لكن احدا لم يصب بفضل العناية الالهية

اللي عايز أقوله :
- عدم الأعتماد الكامل علي وسائل الامان و التحكم اللي هيا بالاساس عوامل مساعدة
- الاعتماد فقط علي قواعد القيادة السليمة و أعمال العقل و المنطق
- عدم التسرع و ان الدقيقة اللي هاتوفرها بسرعة زائدة قد تؤخرك لمدة ساعة لاقدر الله
- عدم التعالي علي باقي السيارات بالطريق بسبب نوع السيارة و الاوبشن اللي فيها لأن في الاخر كله بيتساوي وقت حدوث حادث لاقدر الله

معلش أنا خرجت عن مسار الموضوع لكني حبيت اوضح وجهة نظري و التفاصيل هانتناقش فيها لما نتقابل أن شاء الله

نرجع بقي لمسار الموضوع و الحاقا لتقيمي للالنترا بعد ال 25000 كم

كان بقالي فترة (حوالي شهر) ماخرجتش من القاهرة و لم اسافر و مشاويري كلها محدودة و متوسط أستهلاك البنزين ارتفع عن المعتاد من 6.5 لتر / 100 كم الي 8 لتر/ 100 كم

الموضوع ده كان مسبب لي قلق بالرغم من أن حساباتي كانت بتقول ان الصفيحة بتعمل في حدود 250 كم

المهم النهاردة طلعت مشوار الي الاسماعيلية و كانت فرصة أني أقيس استهلاك العربية مرة تانية و فعلا وجدته أنخفض مرة أخري مع السرعات العالية و الطريق المفتوح ليصل الي 6.1 لتر/ 100 كم و انا في طريق الذهاب

اما في رحلة العودة كان فيه مقاومة هواء شديدة و كنت ماشي بسرعة عالية عما كنت عليه في الصباح (من 140 الي 160 ) كم/ساعة بالاضافة الي عدة توقفات بسبب 3 حوادث كبيرة علي الطريق فالاستهلاك ارتفع الي 7 لتر / 100 كم

كده انا أطمنت علي نقطتين :
1- أن سحب العربية زي ماهو لما كانت جديدة زيرو و الحمد لله
2- معدلات الاستهلاك ايضا لم تتأثر بالرغم من أن فلتر الهواء لم يتم تغييره في صيانة ال 20000 كم و ايضا البوجيهات لم يتم تغييرها (نظرا لأصراري علي عدم تغييرها )

المشاركة الأصلية كتبت بواسطة khalid_adel

وان شاء الله ححاول اجي بس ياريت حد من الهرم ياخدني معاه عشان لسه تركيزي مش قد كده في السواقه فمبيستحش اسوق لانها بتعملي مجهود
اديني لينك الموضوع وانا احاول اظبط مع حد رايح ان شاء الله
واشوفك علي خير يابشمهندس سمير

http://www.nilemotors.net/Nile/302571-a.html