فابيا ميني والا جراند ايفو والا تيدا

**usama_ra** · 03-08-2012 04:20 PM

السلام عليكم .
انا كنت عايز نصحيتكم و رايكم في الختيار بين العربيات دي . انا كنت خلاص ناوي على تيدا 2009 بس محصلش نصيب . ودلوقتي بصراحه محتار بين الثلاثه . انا الي يهمني في العربيه النقط التاليه بالترتيب
1- عنصر الأمان و الثبات .
2- تكون مناسبه لسيده و 3 اطفال معاها
3- مصاريف الصيانه في التوكيل
4- توفر قطع الغيار جوه التوكيل و كمان بره التوكيل
5- مايكونش فيها مشاكل و اعطال متكرره معروفه
6- تكون عاليه او مصفحه من تحت علشان شوارعنا الجميله ( انا عرف ان الفابيا فيها تصفيح من تحت بس مش متأكد من التيد و الأيفو )
6- الأمكانيات الداخليه و الشكل من جوه

بس كده :) ايه رايك انهي انسب واحده .

**Dawns_Mist** · 03-08-2012 05:27 PM

في عنصر الأمان و الثبات ... الإيفو تتفوق بعدها أعتقد الفابيا ، و التيدا ... بس برضه التيدا مناسبه و كويسه طول مانت في حدود 140 كم / س
مناسبة لسيدة و 3 أطفال ... أعتقد التلاته ممتازين جدا
مصاريف الصيانة في التوكيل و قطع الغيار بره التوكيل ... تيدا تتفوق و كمان نيسان من أفضل توكيلات مصر ... توكيل فابيا توكيل محترم لكن أسعار قطع الغيار فيه غالي أكتر من فيات ... توكيل فيات هو الأسوأ لكن أسعار الإيفو فيه أفضل من أسعار الفابيا ، و نفس الكلام ينطبق على قطع الغيار في الخارج و توافرها ( تيدا - إيفو - فابيا )
مشاكل و أعطال متكررة .... ماحدش أبدا اشتكى من أي عربية في التلاته دول
تكون عالية ... التيدا هي الأعلى .. الفابيا و الإيفو نفس الارتفاع
و عموما موضوع عربية مصفخة من تحت ده يا أفندم مابيكونش بالشكل اللي حضرتك فاهمه أبدا ... كده كده العربية لو حكت في مطب مالهاش غير احتمالين 2 .. يا إما تحك في علبة الشاكمان ، و دي مش هتضر العربية حتى لو علبة الشاكمان اتخرمت ولا اتعوجت بتتصلح في ربع ساعة بـ 20 جنيه ... يا إما تحك في الشاسيه بتاع العربية من على الأطراف .. و هنا مش هينفعك لا تصفيح ولا غيره لإن ده في العتب بتاع العربية من على الأطراف .. بالتالي ماتهتمش أوي بموضوع التصفيح ده .. مهما عملوا في العربية مالهاش غير الاحتمالين دول .

بالنسبة للكماليات و الشكل الداخلي و النعومة في السواقة و الراحة و الأوبشنز :
إيفو تتفوق بجدارة حتى في الخامات الداخلية - الفابيا كويسه برضه - التيدا أقلهم لكنها أوسع صالون فيهم.

* رأيي الشخصي :
أنا لو مكان حضرتك مش هفكر أبدا في الفابيا .. قطع غيار غالية و مافيهاش أي زيادة في الإمكانيات ولا الأوبشز .
هتبقى المقارنة بين الإيفو و التيدا ..
الإيفو تتفوق بجدارة في السواقة الناعمة و الأمان و الكماليات .
التيدا تتفوق في الموتور و التسارع و السحب و الاتساع الداخلي .
شوف حضرتك هتضحي بإيه و تفضل إيه أكتر و توكل على الله .

**Land_Cruiser** · 03-08-2012 05:44 PM

كل اللى حضرتك عايزه متوفر فى التيدا. فى نقطه واحده بس اللى هى الثبات و هى تحديدا بعد ال ١٤٠ كم بالنسبه للهاتشباك بيبقى ضعيف و لكن على كلام حضرتك ان سيده معها اطفال سوف تستخدمها و لذلك عمليا صعب انها توصل لسرعات اعلى من كده و ممكن تضيف على النقاط اللى حضرتك ذكرتها كمان سعر اعاده البيع فهو فى صالح التيدا كمان مقارنه بالفابيا و الايفو و التوكيل

**S O P H O S** · 03-08-2012 05:49 PM

المشاركة الأصلية كتبت بواسطة dawns_mist

في عنصر الأمان و الثبات ... الإيفو تتفوق بعدها أعتقد الفابيا ، و التيدا ... بس برضه التيدا مناسبه و كويسه طول مانت في حدود 140 كم / س
مناسبة لسيدة و 3 أطفال ... أعتقد التلاته ممتازين جدا
مصاريف الصيانة في التوكيل و قطع الغيار بره التوكيل ... تيدا تتفوق و كمان نيسان من أفضل توكيلات مصر ... توكيل فابيا توكيل محترم لكن أسعار قطع الغيار فيه غالي أكتر من فيات ... توكيل فيات هو الأسوأ لكن أسعار الإيفو فيه أفضل من أسعار الفابيا ، و نفس الكلام ينطبق على قطع الغيار في الخارج و توافرها ( تيدا - إيفو - فابيا )
مشاكل و أعطال متكررة .... ماحدش أبدا اشتكى من أي عربية في التلاته دول
تكون عالية ... التيدا هي الأعلى .. الفابيا و الإيفو نفس الارتفاع
و عموما موضوع عربية مصفخة من تحت ده يا أفندم مابيكونش بالشكل اللي حضرتك فاهمه أبدا ... كده كده العربية لو حكت في مطب مالهاش غير احتمالين 2 .. يا إما تحك في علبة الشاكمان ، و دي مش هتضر العربية حتى لو علبة الشاكمان اتخرمت ولا اتعوجت بتتصلح في ربع ساعة بـ 20 جنيه ... يا إما تحك في الشاسيه بتاع العربية من على الأطراف .. و هنا مش هينفعك لا تصفيح ولا غيره لإن ده في العتب بتاع العربية من على الأطراف .. بالتالي ماتهتمش أوي بموضوع التصفيح ده .. مهما عملوا في العربية مالهاش غير الاحتمالين دول .

بالنسبة للكماليات و الشكل الداخلي و النعومة في السواقة و الراحة و الأوبشنز :
إيفو تتفوق بجدارة حتى في الخامات الداخلية - الفابيا كويسه برضه - التيدا أقلهم لكنها أوسع صالون فيهم.

* رأيي الشخصي :
أنا لو مكان حضرتك مش هفكر أبدا في الفابيا .. قطع غيار غالية و مافيهاش أي زيادة في الإمكانيات ولا الأوبشز .
هتبقى المقارنة بين الإيفو و التيدا ..
الإيفو تتفوق بجدارة في السواقة الناعمة و الأمان و الكماليات .
التيدا تتفوق في الموتور و التسارع و السحب و الاتساع الداخلي .
شوف حضرتك هتضحي بإيه و تفضل إيه أكتر و توكل على الله .

+111111111111
نفس رايك
تسلم ايدك ..

**usama_ra** · 03-08-2012 10:18 PM

المشاركة الأصلية كتبت بواسطة dawns_mist

في عنصر الأمان و الثبات ... الإيفو تتفوق بعدها أعتقد الفابيا ، و التيدا ... بس برضه التيدا مناسبه و كويسه طول مانت في حدود 140 كم / س
مناسبة لسيدة و 3 أطفال ... أعتقد التلاته ممتازين جدا
مصاريف الصيانة في التوكيل و قطع الغيار بره التوكيل ... تيدا تتفوق و كمان نيسان من أفضل توكيلات مصر ... توكيل فابيا توكيل محترم لكن أسعار قطع الغيار فيه غالي أكتر من فيات ... توكيل فيات هو الأسوأ لكن أسعار الإيفو فيه أفضل من أسعار الفابيا ، و نفس الكلام ينطبق على قطع الغيار في الخارج و توافرها ( تيدا - إيفو - فابيا )
مشاكل و أعطال متكررة .... ماحدش أبدا اشتكى من أي عربية في التلاته دول
تكون عالية ... التيدا هي الأعلى .. الفابيا و الإيفو نفس الارتفاع
و عموما موضوع عربية مصفخة من تحت ده يا أفندم مابيكونش بالشكل اللي حضرتك فاهمه أبدا ... كده كده العربية لو حكت في مطب مالهاش غير احتمالين 2 .. يا إما تحك في علبة الشاكمان ، و دي مش هتضر العربية حتى لو علبة الشاكمان اتخرمت ولا اتعوجت بتتصلح في ربع ساعة بـ 20 جنيه ... يا إما تحك في الشاسيه بتاع العربية من على الأطراف .. و هنا مش هينفعك لا تصفيح ولا غيره لإن ده في العتب بتاع العربية من على الأطراف .. بالتالي ماتهتمش أوي بموضوع التصفيح ده .. مهما عملوا في العربية مالهاش غير الاحتمالين دول .

بالنسبة للكماليات و الشكل الداخلي و النعومة في السواقة و الراحة و الأوبشنز :
إيفو تتفوق بجدارة حتى في الخامات الداخلية - الفابيا كويسه برضه - التيدا أقلهم لكنها أوسع صالون فيهم.

* رأيي الشخصي :
أنا لو مكان حضرتك مش هفكر أبدا في الفابيا .. قطع غيار غالية و مافيهاش أي زيادة في الإمكانيات ولا الأوبشز .
هتبقى المقارنة بين الإيفو و التيدا ..
الإيفو تتفوق بجدارة في السواقة الناعمة و الأمان و الكماليات .
التيدا تتفوق في الموتور و التسارع و السحب و الاتساع الداخلي .
شوف حضرتك هتضحي بإيه و تفضل إيه أكتر و توكل على الله .

بجد شكرا على ردك الوافي انا غالبا هايكن ترتيبي ايفو , فابيا 1600 سبورت "فيها سقف ابيض" , تيدا . سبب اني نقلت الفابيا قبل التيدا هو اني اساسا معايا اوكتافيا a4 فاعارف العربيه و التوكيل. بس على قد علمي التصفيح من تحت بيحمي كمان "دوره تبريد " على اأقل في السكودا لأني مره غرزت في رمله و كنت راكب فوق حجر صخر كبير و العربيه غيرت فيها ترومستات دوره تبريد لأنه اخرم نتيجه الخبطه دي .
على فكره انا مش هاجيب جديد ولكن مستعمل يعني من سنه 2008 الي 2010 كده
سوال كمان هو ايه الفرق بين جراند بونتو و بونتو ايفو من حيث الأمكانيات