الموضوع: سؤال بخصوص استهلاك البنزين فى الفيرنا الاتوماتك

المشاركة الأصلية كتبت بواسطة virus2007

سلام عليكم

ازيكم يا شباب


عاوز اسال على استهلاك البزنين فى الفيرنا الاتوماتك؟

يا ريت الى معاة العربية يدينى تقرير عن الاستهلاك هل هو عالى ولا المعقول زى اى عربية 1600 ؟؟

منتظر ردودكم وشكرا جزيلا...

السلام عليكم ورحمة الله وبركاته
المفروض في الفيرنا
9 لترات = 100 كيلو متر
دي الفيرنا المانيوال

بالنسبة للاوتوماتك
10.5 لترات = 100 كيلو متر علي سرعة خارج المدينة ... يعني لوفي إشارات وزحمة
11 لتر = 100 كيلومتر

طيب بالنسبة للتكييف وسرعات بعد ال 80 كيلو
12 لتر = 100 كيلو متر
خبرة فيرنا اوتو 2008
من الاخر

اتمني اكون افدتك
اخوك عاصم

انا شايف ان الاستهلاك عالى شويه للاوتوماتيك
طيب ممكن حضرتك تقولنا الفتيس الاوتوماتيك فيه اى مشاكل زى اللى كانت فى النوبيرا
ولو وفى حد بيشتكى منه ياريت يقولنا عشان بفكر اجيب فيرنا اوتو ومش عارف ايه عيوبها

المشاركة الأصلية كتبت بواسطة virus2007

فتيس الفيرنا هو هو فتيس الماتركس واعتقد مفيش فية اى مشاكل اطلاقا

بردوا اخونا عصام ممكن يقلنا اكتر عن الاتوماتك فىالفيرنا منتظرين ردك

السلام عليكم ورحمه الله وبركاتة

الحمد لله بالنسبة للفتيس الاوتو (((( انا با اعملة صيانة كاملة بنفسي )))) وكانت سهلة جدا ولية مواضيع بالفيديو في الحكاية دي ..(( صيانة مش فك لاقدر الله ))
بمعني .. تغيير الزيت وفك وش الفتيس من تحت وتغيير الفلتر .. واضافة زيت ...
وكمان عن طريقة (((( قيادة )))) الاوتوماتك ... ايوة قياده الاوتوماتك .... وممكن نبقي نعمل موضوع كامل عن الحكاية دي ...

يبقي والحمد لله فتيس الاوتوماتك ... زي الفل وتمام التمام

طيب بالنسبة للتفويلة ..
بص يا زميلي العزيز
تنك الفيرنا 45 لتر
واللمبة بتنور عن ال 40 لتر
يبقي عند نص التنك 20 لتر
يبقي لو قلنا ان مشوار 100 كيلو يبقي تقريبا عند ربع التنك
يبقي لو انتا علي سفر .. وسرعتك 90 ..( بس دة مش بيحصل ) اكيد اسرع من كده
يعني بص ..
عن نفسي .. بتعمل معايا 380 كيلو متر + التكييف + سرعة 120-140 (( اخري ))

يبقي 40 لتر بنزين = معايا 380 كيلو متر ( بمشتملاتة -التكييف والسرعة والكاست وسمعات وصب وبازوكا )
والحمد لله
اتمني اكون رديت تمام التمام والاستفاده للجميع
اخوكم عاصم